Ntha 12:28 - ÎVUKU RÎA ÛVORO MWARO

²⁸ Nao andû acio nîmaathiîre na magîka wata ûrîa Ngai-Mûnene aathîte Musa na Aroni.

Ntha 12:28 ပူးပေါင်းရင်းမြစ်များ

2Sam 5:25

Daudi nîwekire wa ûrîa Ngai-Mûnene aamwathire eke na nîwavotire kwîngata Afilisiti kuuma Geba nginya Gezeri.

1Atha 17:5

Kwoguo Elija nîwekire wata ûrîa Ngai-Mûnene aamwathire. Nîwathiîre na agîkara vakuvî na karûnjî ga Kerithi karîa getîkaga rûnjîrî rwa Jorodani.

Ntha 12:27

mue nîmûkaamera atîrî, ‘Nî îgongoona rîa pasaka rîa gûkumia Ngai-Mûnene, nîûndû nîwagararire nyomba cia andû a Isiraeli vûrûrirî wa Misiri. Vîndî îo Ngai-Mûnene nîwaûragire andû a Misiri, nwatî tue nîwatwîguîrîre ntha.’ ” Nao andû a Isiraeli nîmaaturirie ndu na makîgooca.

Ntha 12:29

Ûtukû gatagatî Ngai-Mûnene nîwaûragire arûme onthe arîa maarî marikithathi ma andû a vûrûri wa Misiri. Maakuire mambîrîrîtue nî mûvîcî wa mûthamaki wa Misiri ûrîa warî agaatigîrwa ûthamaki nginya îrikithathi rîa andû arîa maarî ove njeera. Marikithathi ma nyamû wa namo nîmaaûragirwe.

Ntha 12:35

Andû a Isiraeli nîmeekîte ûrîa Musa aamerîte. O nîmaavoete indo cia thaavu, sîlûva na nguo kuuma kûrî andû a Misiri.

Ntha 14:4

Nie nîngaatûma ngoro yake yûme na nîakamûrûmîrîra. Naguo ûvootani wakwa varî mûthamaki wa Misiri na athigari ake a mbaara ûgatûma ngîa gîtîîo. Nao andû a Misiri nîmagaacoka mamenye atî Nie nînie Ngai-Mûnene.” Na andû a Isiraeli nîmeekire wata ûrîa meerirwe.

Ntha 36:1

“Bezaleli, Oholiabu na aruti wîra acio engî onthe arîa Ngai-Mûnene aaveete wara, ûûgî wa kûmenya kûruta mawîra monthe ma gûtuma îgema rîa Ngai-Mûnene, makaaruta wîra ûcio kûringana na ûrîa Ngai-Mûnene aathanîte.”

Ntha 39:32

Wîra wonthe wa gûtuma îgema rîa Ngai-Mûnene nîwathirire. Andû a Isiraeli nîmeekire wata ûrîa Ngai-Mûnene aathîte Musa.

Ntha 39:42

Kwoguo andû a Isiraeli nîmaarutire wîra wonthe wata ûrîa Ngai-Mûnene aathîtwe Musa.

Ntha 39:43

Musa nîwaroririe wîra wonthe na akîona atî nîwarutîtwe wata ûrîa Ngai-Mûnene aathanîte. Kwoguo Musa nîwamarathimire.

Ntha 7:10

Kwoguo Musa na Aroni nîmaathiîre kûrî mûthamaki na magîka wata ûrîa Ngai-Mûnene amaathîte. Aroni nîwaikirie mûragi wake nthî vau mbere ya mûthamaki na anene ake. Naguo nîwagarûrûkire ûgîtuîka njoka.

Ntha 7:6

Nao Musa na Aroni nîmeekire ûrîa Ngai-Mûnene amaathîte meke.

Alawi 24:23

Rîrîa Musa aarîkirie kwîra andû a Isiraeli ûguo, nîmaavirire mwanake ûcio warumîte Ngai na kûu nja ya kûrîa maambîte magema na makîmûûraga na mathiga. Ûguo nîguo andû a Isiraeli meekire wata ûrîa Ngai-Mûnene aathîte Musa.

Ndari 1:54

Kwoguo andû a Isiraeli nîmeekire maûndû monthe marîa Musa aathîtwe nî Ngai-Mûnene eke.

Ndari 31:31

Musa na Eliazaru, mûthînjîri-Ngai nîmeekire ûrîa maathirwe nî Ngai-Mûnene.

Ndari 31:41

Musa nîwanenganîre gooti îrîa yarutîtwe îrî îtega rîa Ngai-Mûnene kûrî Eliazaru, mûthînjîri-Ngai wata ûrîa Ngai-Mûnene aathanîte.

Ndari 31:47

Musa nîwocire nyamû îmwe na mûndû ûmwe kuuma kûrî wa nyamû mîrongo îtano na andû mîrongo îtano arîa maatavîtwe kuuma kûrî gîcunjî kîrîa Kîamgaîrîtwe andû a Isiraeli na akîva Alawi arîa maamenyagîrîra îgema rîa Ngai-Mûnene. Ûguo nîguo Ngai-Mûnene aathîte Musa eke.

Ndari 5:4

Nao andû a Isiraeli nî meengatire andû acio onthe kuuma kûrîa maatûûraga, wata ûrîa Ngai-Mûnene aathîte Musa.

Gûco 34:9

Nake Joshua mûvîcî wa Nuni nîwecûrirwe nî ûûgî nîûndû Musa nîwamûthuurîte atuîke mûtongoria vuva wake. Andû a Isiraeli nîmaathîkîre Joshua na nîmaarûmagîrîra maûndû monthe marîa Ngai-Mûnene aathîte Musa.

Ahib 11:28

Wîtîkio nîguo watûmire Musa athondeka kîrugo Kîam pasaka na akîathana nthakame îminjaminjîrue mîrango, nîguo mûraika ûrîa ûretaga gîkuû ndakaûrage marikithathi ma Isiraeli.

Josh 14:5

Andû a Isiraeli maagaire vûrûri ûcio kûringana na ûrîa Ngai-Mûnene aathîte Musa.

Josh 2:21

Rahabu nîwetîkirie na nîwamarekererie makîthiî. Na marîkia kûthiî nîwoverere kamûkumbû karîa ka rangi wa njambarawe ndiricarî ya nyomba yake.

Josh 4:8

Nao andû arîa maathuurirwe nî Joshua nîmeekire ûrîa Joshua aameerire meke ta ûrîa Ngai-Mûnene aamwîrîte. Nîmoocire mathiga manene îkûmi na maîrî kuuma gatagatî ka rûnjî. Îthiga rîmwe rîarûngamagîrîra mûvîrîga ûmwe wa andû a Isiraeli. Nîmaakuuire mathiga mau na makîthiî makîmaiga nthî varîa maambire magema mao.