Ntha 12:16 - ÎVUKU RÎA ÛVORO MWARO

¹⁶ Mûthenya wa mbere na wa mûgwanja nîmûgaacemanagia nîûndû wa kûgooca. Gûtirî wîra wagîrîrwe kûrutwa mîthenya îo, nwatî irio nwa irugwe mîthenya îo.

Ntha 12:16 ပူးပေါင်းရင်းမြစ်များ

Ntha 16:23

Nake Musa nîwamerire atîrî, “Ngai-Mûnene athanîte atî rûyû nî mûthenya mûtheru wa kûvurûka nîûndû wa gûkumia Ngai-Mûnene. Rugani kîrîa mûvatarîtue nîkîo ûmûnthî na kîrîa gîgûtigara nîkigwe nîûndû wa rûyû.”

Ntha 16:29

Menyani atî nie nînie Ngai-Mûnene, na nînîmûvete mûthenya wa kûvurûka. Kîu nîkîo gîtûmaga wa mûthenya wa gatandatû nîmûva irio mbîganu cia mîthenya îîrî. Mûthenya wa mûgwanja wa mûndû nîekarage gwake na ndakaumagare athiî kûndû.”

Ntha 16:5

Nwatî mûthenya wa gatandatû, wa mûndû akaaûnganagia maita maîrî ma irîa aûnganagia wa mûthenya na aivaarîrie.”

Ntha 20:10

Nwatî mûthenya wa mûgwanja nî thavatû yakwa nie, Ngai-Mûnene, Ngai waku. Mûthenya ûcio we ndûkarute wîra wanarî ûrîkû, we mwene, kana mûvîcîguo, kana mwarîguo. Wana ndungata ya mûndû mûrûme kana ya mûndûmûka itikarute wîra, kana ndîthia yaku, kana mûgeni ûrîa ûrî gwaku mûciî.

Ntha 34:18

“Ririkanaga kîrugo Kîam mîgate îrîa îtekîrîtwe ndawa ya kwimbia. Wata ûrîa nakwatha, ûkaarîcaga mîgate îtekîrîtwe ndawa ya kwimbia mîthenya mûgwanja mwerirî wa Abibu. Nîûndû mwerirî wa Abibu nîguo mwaumire Misiri.

Isaia 1:13

Mûtikarete matega matarî na vata kûrî nie. Ûbani ûrîa mûvîvagia nî mûgiro kûrî nie. Ndikwenda mûkûngûagîre Kîamthî Kîam mweri ûgîcicûka, thavatû na igomano cia mavoya; nîûndû cionthe ciîcûrîtwe nî mevia.

Alawi 23:21

Mûthenya ûcio nî gûkaaugîrîrua andû maûngane vamwe nîguo magooce. Mûtikaarute wîra mûrito mûthenya ûcio. Watho ûyû nîûtûûra ûrûmagîrîrwa nî njiarwa cienyu tene na tene kûrîa kuonthe mûtûûraga.

Alawi 23:27

“Mûthenya wa îkûmi mwerirî wa mûgwanja wa mwaka wa mwaka nîrîo mambura ma kûtheria mevia ma andû a Isiraeli makaarûthagwa. Mûkenyerekagia mûthenya ûcio, na mûkagomana vamwe mûgooce na mûndutîre Nie, Ngai-Mûnene îtega rîa kûvîvua.

Alawi 23:35

Mûthenya wa mbere wa mîthenya îo mûgwanja, nîrîo mûkaagomanaga vamwe nîguo mûngooce na mûtikarutage wîra ûrîa mûrutaga wa mûthenya.

Ndari 28:18

Mûthenya wa mbere mûgaacemanagia vamwe kûgooca, na gûtirî wîra mûrito ûkaarutagwa mûthenya ûcio.

Ndari 28:25

Mûthenya wa mûgwanja mûcemanagie vamwe mûkagooca Ngai-Mûnene, na mûtikarutage wîra mûrito.

Ndari 28:26

“Mûthenya wa mbere wa vîndî ya kîrugo Kîam maketha, rîrîa mûkethagîrwa mûkîvirîra Ngai-Mûnene matega ma mbere, mûgaacemanagia nîguo mûgooce Ngai-Mûnene na gûtirî wîra mûrito mûkaarutaga.

Ndari 29:1

“Mûthenya wa mbere wa mweri wa mûgwanja, mûgaacemanagia vamwe nîguo mûgooce Ngai-Mûnene. Mûthenya ûcio mûtikarute wîra. Ûcio nî mûthenya wa kûvuva tûrumbeta.

Ndari 29:12

“Mûthenya wa îkûmi na îtano wa mweri wa mûgwanja, mûgacemanagia nîguo mûgooce Ngai. Mûgaakûngûagîra kîrugo gîa tûnyomba nîûndû wa Ngai-Mûnene îvinda rîa mîthenya mûgwanja mûtakûruta wîra.

Johana 19:31

Vuva wa ûguo Ayahudi nîmaaûririe Pilato ametîkîrie maunange magûrû ma andû acio maambîtwe na vuvarî macurûrie mîîrî îo kuuma mîtharavarî. Maaûririe metîkîrue gwîka ûguo nîûndû mûthenya ûcio warî wa Jumaa, na thavatû îo yarî ya vata mûno. Matiendaga mîîrî îo îkare mîtharavarî mûthenya wa thavatû.

Gûco 16:8

Mûkaarîcaga mîgate îtarî mîkîre ndawa ya kwimbia mîthenya îtandatû, naguo mûthenya wa mûgwanja mûkagomana vamwe kûgooca Ngai-Mûnene Ngai wenyu. Mûthenya ûcio mûtikarute wîra.