Ntha 11:8 - ÎVUKU RÎA ÛVORO MWARO

⁸ Musa aarîkîrîrie na kûmera atîrî, “Anene aku onthe nîmagaaûka kûrî nie na menamîrîre mbere yakwa. Nao nîmakaanthaitha mboce andû akwa onthe nthiî nao. Na vuva wa ûguo nie nîngaathiî.” Nake Musa ecûrîtwe nî marakara meengî, nîwaumire kwa mûthamaki wa Misiri na akîthiî.

Ntha 11:8 ပူးပေါင်းရင်းမြစ်များ

1Atha 20:10

kuuma kûrî Benihadadi yaugaga atîrî, “ngai irombûraga ethîrwa îtûûra rîîrî rîa Samaria nî gûgaatigara wanarî mûthetu ûngîkumbatwa ngundi nî andû onthe arîa manûmîrîrîte. Ngaarîcûkangia viû!”

2Atha 3:9

Kwoguo Jehoramu, mûthamaki wa Isiraeli nî maathiîre na mûthamaki wa Juda na wa Edomu. Vuva wa kûthiîrîra njîrarî yarî na ithioro nyîngî îvinda rîa mîthenya mûgwanja, manjî marîa maarî namo nîmaathirire. Kwoguo matiarî na manjî mangîanyuirwe nî athigari kana nyamû irîa maathiîte nacio.

Nehemia 5:6

Vîndî îrîa neguire mateta mao, nînaarakarire.

Thaburi 6:1

Ûûi Ngai-Mûnene, ndûkanganie ûrî na marakara! Ndûkamverithie ûrî na marûrû!

Ntha 10:29

Musa nîwacokire akîmwîra atîrî, “Wata ûguo wauga, ndûkaamona rîngî.”

Isaia 49:23

Athamaki magaatuîka amenyereri aku, nao aka ao matuîke akûreri. Nîmagaaturumithia mothiû mao nthî mbere yaku na magûtîîe; na nîmagaakwonia gîtîîo menyivîtie. Nawe nîûgaacoka ûmenye atî Nie, nînie Ngai-Mûnene; na atî arîa mambetagîrîra matigaaconorithua.”

Isaia 49:26

Nîngaatûma arîa mamûvinyagîrîria marîe nyama ciao o ene, na marîwe nî nthakame yao o ene ta ndivei. Andû onthe nîmakaamenya atî Nie Ngai-Mûnene, nînie Mûvonokia waku, nînie Mûkûri waku, Ûrîa ûrî Vinya wa Jakovu.”

Ezek 3:14

Nînacokire ngîambararua nî Roho na akînguua ngîthiî nîrî na ûrûrû na marakara ngororî, na Ngai-Mûnene akîmboca na vinya wake.

Danieli 3:19

Nebukadinezarû nîwatûmbirwe nî marakara na agîtunîvia metho nîûndû wa Shadiraka, Mîsheki na Abendinego. Nîwathanire mwaki wongererwe na wakane maita mûgwanja makîria ya ûrîa wakanaga.

Ndari 12:3

(Musa aarî mûndû mûvoreri mûno. Gûtirî mûndû warî mûvoreri take nthî yonthe.)

Maariko 3:5

Jesû nîwamaroririe arakarîte na arî na kîeva kîîngî mûno ngororî yake nîûndû wa ûrîa maaûmîtie ngoro ciao. Nîwacokire akîra mûndû ûcio wonjete njara atîrî, “Tambarûkia njara yaku.” Nake nîwamîtambarûkirie na îkîvua.

Gûco 29:24

Mavûrûri monthe ma nthî nîmakaaûria, ‘Nîndûî gîatûmire Ngai-Mûnene acûkangia vûrûri ûyû? Nîndûî gîatûmire agîe na marakara meengî ûguo?’

Gûco 32:24

Nîmagaakua nîûndû wa yûra, na maûragwe nî mîrimû mîcûku. Nîngaatûma matharîkîrwe nî nyamû cia kîthaka, na ndûme njoka irîa irî ûrogi imarûme.

Ahib 11:27

Wîtîkio nîguo watûmire Musa auma Misiri atagwîtigîra marakara ma mûthamaki. Nîwaregire gûcoka na akîthiî na mbere takwa onete Ngai ûrîa ûtonekaga.

Kûguû 3:9

Tathikîrîriani! Andû amwe nî a gîkundi Kîam andû a Caitani. Andû acio nî a maveeni na maugaga atî o nî Ayahudi na tî o. Acio nîngaatûma maûke na menamîrîre mbere ya magûrû maku na nîmakaamenya atî nie nîngwendete.

Atir 4:10

Baraki nîwacokanîrîrie andû a mîvîrîga ya Zebuluni na Nafutali kûu Kadeshi na arûme ngiri îkûmi nîmaamûrûmîrîre wana Debora nîmaathiîre nake.

Atir 8:5

Rîrîa maakinyire Sukothu, Gideoni nîwerire andû a îtûûra rîu atîrî, “Namûthaitha, rûmiani andû akwa mîgate. Nîathiru vinya, na nûmîrîrîtie Zeba na Zalimuna, athamaki a Midiani na îvenya.”