Ntha 10:7 - ÎVUKU RÎA ÛVORO MWARO

⁷ Nao anene a mûthamaki nîmaamûririe atîrî, “Mûndû ûyû nî athiî na mbere gûtûthînia nginya rî? Tiga andû a Isiraeli mathiî, nîguo makagooce Ngai-Mûnene, Ngai wao. Anga ndûrona ûrîa Misiri îcûkangîtue?”

Ntha 10:7 ပူးပေါင်းရင်းမြစ်များ

Thaburi 107:34

Nîatûmaga mûthetu ûrîa mûnoru ûtuîke werû wa cumbî, nîûndû wa waganu wa andû arîa matûûraga kuo.

Ntha 12:33

Nao andû a Misiri nîmaathaithire andû a Isiraeli maume vûrûrirî wao na îvenya makîmeeraga atîrî, “Ethîrwa tîmûthiî tuonthe nîtûgûkua.”

Ntha 23:33

Mûtikanareke andû acio matûûre vûrûrirî wenyu, nîguo matigatûme mwîvie. Mûngîkaagooca ngai ciao, ûcio ûkethîrwa ûrî mûtego mûcûku mûno varî mue.”

Ntha 7:5

Rîrîa ngaakûnjûra njara yakwa îmaûkîrîre na ndute andû a Isiraeli vûrûrirî wao, nîrîo andû a Misiri makaamenya atî nie nînie Ngai-Mûnene.”

Ntha 8:19

Nao andû acio maaringaga ciama a Misiri nîmeerire mûthamaki atîrî, “Nî Ngai wîkîte ûndû ûyû.” Na wata ûrîa Ngai-Mûnene aaugîte, mûthamaki nîwatuîkire mûmû ngoro na akîrega kûthikîrîria Musa na Aroni.

Nthi 29:6

Mûndû mûcûku anyitagwa nî mevia make ke mwene, nwatî mûndû mûthingu ainaga arî na gîkeno.

Mûvunjia 7:26

Ûndû ûrîa namenyire mûcûku mûno gûkîra gîkuû nî mûndûmûka ûrîa ngoro yake îkariî ta mûtego na njara ciake nîta mvîngû cia kûnyita mûndû. Mûndû ûrîa wîtigîrîte Ngai nwa etheme mûndûmûka ûcio, nwatî mûndû ûrîa wîvagia nîanyitagwa nîke.

Isaia 14:20

Nwatî we tîûthikwa na gîtîîo ta athamaki acio, nîûndû nîwacûkangirie vûrûri waku, na ûkîûraga andû aku. Njiarwa cia eki naaî itikaaririkanwa tene na tene.

Isaia 51:9

Ûkîra, ûkîra, we Ngai-Mûnene! Îkîra vinya waku ûtûvonokie, ûkîra wata ûrîa wekire vingo ya tene, kûrî njiarwa cia tene. Na kinthî tîwe watinangirie Rahabu tûcunjî tûcunjî, wa we ûrîa wamundangire njûnamatu?

Jeremia 48:4

Vûrûri wa Moabu nîmûcûkangie; kîrîro gîake nîkîreguîka nginya Zoari.

Jeremia 51:8

Babuloni nîûgwîte wa rîmwe na ûkavootwa; ûcakaîreni! Carîriani ironda ciaguo ndawa, nwa kwîthîrwa nîûkûvona.

Zefania 1:18

Mûthenya ûcio wa marakara ma Ngai-Mûnene sîlûva ciao kana thaavu ciao itikaavota kûmavonokia. Nîûndû wa mwaki wa wîru wake, nthî yonthe nîîkavîa. Nîakaathiria na îvenya arîa onthe matûûraga nthî.”

1Akor 7:35

Nîrauga maûndû mama nîguo mûgunîke na tîkwa nîrageria kûmûrigîrîria. Nwatî nîrenda mûtûûre na njîra îrîa yagîrîrîte na mwîvecane wîrarî wa Mwathani viû na mûtakûrûmbûyania na maûndû marîa mengî.

Josh 23:13

Mweka ûguo, menyani na ma atî Ngai-Mûnene, Ngai wetû ndakeengata ndûrîrî icio ciûre rîrîa mûkaaitharîkîra. Nwatî nîigaatuîka kîndû gîcûku gîa kûmûgucagîrîria mûtonye mûtegorî kana mûgwe îrimarî. Nîigaatuîka ta kîvoko gîa kûmûriva kana ta mîgua îrî methorî menyu nginya rîrîa muonthe mûkaathira vûrûrirî ûyû mwaro Ngai amûveete.

1Sam 18:21

Saûlo eeîraga na ngoro atîrî, “Tiga mvecane Mikali kûrî Daudi, nîguo atuîke mûtego kûrî ke na nîakûragwa nî Afilisiti.” Kwoguo Saûlo nîwerire Daudi riita rîa kaîrî atîrî, “Rîu we nîûgûtuîka mûthoniwa.”

1Sam 5:11

Nakuo kûu îtûûrarî rîu rîonthe kwarî na kîmako kînene mûno nîûndû Ngai nîwamaverithagia mûno. Kwoguo nîmaatûmanire na makiuga athamaki onthe a Filisiti metwe maûke vamwe rîngî. Nao nîmeerire athamaki atîrî, “Rutani Îthandûkû rîrî rîa Kîrîkanîro rîa Ngai wa Isiraeli gûkû na mûrîcokie varîa rîagîrîrwe nî kwîthîrwa rîrî, nîguo rîtigatûûrage vamwe na andû a mîciî yetû.”