Ntha 10:21 - ÎVUKU RÎA ÛVORO MWARO

²¹ Ngai-Mûnene nîwacokire akîra Musa atîrî, “Ûkîrîria njara yaku îroretie na îgûrû maturî. Na nîgûkûgîa nduma nene mûno îngîvota kûnyitîka na îîgûkunîka vûrûri wonthe wa Misiri.”

Ntha 10:21 ပူးပေါင်းရင်းမြစ်များ

Ayubu 5:14

Marumagîrwa nî nduma kûnarî mûthenya, na maatataga mûthenya ta andû marî ndumarî.

Thaburi 105:28

Ngai nîwatûmire vûrûri ûgîe nduma, andû a Misiri nîmaaregire kwathîkîra watho wake.

Thaburi 35:6

Njîra yao îroruma nduma na îgatendera, mûraika wa Ngai-Mûnene amarûmîrîrîtie!

Thaburi 78:49

Marakara ma Ngai nîmaatûmire andû manyitwe nî thîna nyîngî, Ngai aamathiririe nîûndû wa gûtûmbwa nî marûrû, marîa maaûkire ta anjaama a kûmathiria.

Ntha 7:19

Nake Ngai-Mûnene nîwerire Musa atîrî, “Îra Aroni oce mûragi wake na akûnjûre njara yake îgûrû rîa nyûnjî cionthe cia Misiri, mîtaro ya manjî, maria monthe nîguo matuîke nthakame. Nakuo nîgûkaagîa nthakame vûrûri wonthe wa Misiri, indorî irîa ciîkagîrwa manjî cia mbaû wana cia mathiga.”

Ntha 9:22

Ngai-Mûnene nîwacokire akîra Musa atîrî, “Ûkîrîria njara yaku ûmîerekeretie na îgûrû matuurî na mbura ya mbembe nîkuura vûrûrirî wonthe wa Misiri. Nîkuurîra andû, nyamû cionthe wana mîmera yonthe îrîa îrî mîgûndarî.”

Nthi 4:19

Njîra ya andû arîa aganu nîta nduma ndumanu, magwîcaga na matimenyaga kîrîa kîmavîngaga.

Mûvunjia 2:14

Mûndû mûûgî nî onaga kûrîa athiîte, nakîo kîrimû gîtionaga kûrîa kîthiîte. Nwatî nînaamenyire atî mûthiia wa andû acio wa oîrî nî gîkuû.

Mûvunjia 6:4

Mwana ûcio mûkuû ndarî vata wana aciarwa. Ke aûragîra ndumarî akariganîra.

Ezek 32:7

Vîndî îrîa ngaakûthiria, nîngaakunîkîra matu na ndûme njata cia îgûrû ituîke nduma. Nîngaakunîkîra riûa na matu naguo mweri nîûgaatiga kûruta ûtheri waguo.

Mathaayo 27:45

Thaa thita cia mûthenya ciakinya, vûrûri wonthe nîwagîre nduma nginya thaa kenda.

Maariko 15:33

Na thaa thita cia mûthenya ciakinya, vûrûri wonthe nîwagîre nduma nginya thaa kenda.

Luka 23:44

Kuuma thaa thita cia mûthenya, riûa nîrîatigire kwara na vûrûri wonthe ûkîgîa nduma nginya thaa kenda,

Gûco 1:30

Ngai-Mûnene, Ngai wenyu nîakûmûtongoria, na amûrûîrîre, wata ûrîa mwonire agîka rîrîa mwarî Misiri,

Gûco 28:29

Mûkaathiîcaga mûthenya mûkînyitanyitaga ta ndumumu na gûtirî ûndû ûkaamûthatûka maûndûrî marîa mûgeekaga. Mûkaavinyagîrîrua vîndî cionthe na mûgacunagwa indo cienyu na vinya na gûtirî mûndû ûkaamûtethia.

Gûco 4:34

Kûrî ngai yanageria kûthiî kûruta andû vûrûrirî wîngî na kûmatua andû ake ta ûrîa Ngai aamwîkire mûrî Misiri? Ngai-Mûnene, Ngai wenyu nîwatûmîre ûvoti na vinya wake mwîngî wa mûkîonaga. Nîwatûmire andû a Misiri manyitwe nî mûthiro na mbaara, nîwaringire ciama na morirû magîkîka na agîtûma maûndû ma kûmakania mekîke.

2Pet 2:17

Arimû acio a maveeni mekariî ta ithima ino mvûîu manjî, kana ta matu marîa matindîkagwa nî rûkûngi. Ngai nîamaigîrîte vandû ndumarî îrîa nene.

2Pet 2:4

Ngai ndeeguîra araika arîa meevirie ntha, nwatî nîwamaikirie îcuarî kûrîa maigîtwe ndumarî movetwe na mînyororo metererete mûthenya wa îtuîro.

Juda 1:13

Mekariî ta makûmbî ma manjî îriarî, na ciîko ciao cia ûûra nthoni ciîyumagîria ta mûvûû. Mekariî ta njata irîa ciûrûraga kûndû na kûndû. Nake Ngai nîamaigîrîte kûndû kûrî na nduma nene mûno tene na tene.

Juda 1:6

Taririkanani araika arîa maaregire wathani ûrîa maavetwe, nwatî magîtiganîria ciîkaro ciao. O maigîtwe ndumarî, movetwe na mînyororo tene na tene, nîguo Ngai akaamatuîra Mûthenya ûcio mûnene.

Kûguû 8:12

Nake mûraika wa kana nîwavuvire karumbeta gake. Nakîo gîcunjî kîmwe Kîam ithatû Kîam riûa, mweri na njata nîciaringirwe. Kwoguo gîcunjî kîmwe Kîam ithatû Kîam ûtheri wacio nîwarumire. Nakîo gîcunjî kîmwe Kîam ithatû Kîam mûthenya na Kîam ûtukû gûtiarî na ûtheri.