Ntha 10:2 - ÎVUKU RÎA ÛVORO MWARO

² Mue nîmûkaavota kwîra ciana cienyu wana ciana ciao maûndû ma vinya marîa nekire na ciama irîa naringîre andû a Misiri. Na mue muonthe nîmûkaamenya atî nie nînie Ngai-Mûnene.”

Ntha 10:2 ပူးပေါင်းရင်းမြစ်များ

2Sam 7:22

Kaî wî mûnene we Ngai-Mûnene, Ngai-î! Gatagatîrî ka arîa onthe twaneegua gûtirî wîngî wîkariî tawe.

Thaburi 44:1

Tue nîtwîguîte na matû metû, we Ngai, methe metû nîmatwîrîte, maûndû marîa wekire vîndî yao, marîa wekire vîndî ya tene:

Thaburi 44:2

ûrîa wengatire andû a ndûrîrî na vinya waku, na ûkiga andû aku mavûrûrirî ma andû acio; ûrîa waverithirie andû a mavûrûri mengî, na ûgîtûma andû aku mekindîrie.

Thaburi 58:11

Andû nîmakaauga atîrî, “Nama, Ngai nîavete andû arîa athingu kîveo; nama, kûrî na Ngai ûrîa ûtucagîra andû nthî.”

Thaburi 71:18

Rîu nîrî mûkûrû na nîrî na mbuî ndûkandiganîrie, we Ngai, îkaraga nanie nginya rîrîa ngaanîrîra vinya waku kûrî njiarwa cionthe irîa igaaûka.

Thaburi 78:3

maûndû marîa twîguîte na tûkamamenya; maûndû marîa twerirwe nî methe metû.

Ntha 13:14

Ethîrwa kavinda nîgagaakinya anake enyu mamûrie ûndû ûyû mûreka wa gûkûngûîra ugîte atîa, nîmûkaamera atî, ‘Ngai-Mûnene nîwatûmîre vinya wake mûnene agîtûruta Misiri kûrîa twatûûraga tûrî ngombo.

Ntha 14:18

Na vîndî îrîa ngaamavoota, andû a Misiri nîmakaamenya atî nie nînie Ngai-Mûnene.”

Ntha 14:4

Nie nîngaatûma ngoro yake yûme na nîakamûrûmîrîra. Naguo ûvootani wakwa varî mûthamaki wa Misiri na athigari ake a mbaara ûgatûma ngîa gîtîîo. Nao andû a Misiri nîmagaacoka mamenye atî Nie nînie Ngai-Mûnene.” Na andû a Isiraeli nîmeekire wata ûrîa meerirwe.

Ntha 7:17

Ngai-Mûnene auga atî nîûkûmenya ke nîke ûû na njîra ya ûndû ûrîa agwîka. Nie nîngûringa manjî ma rûnjî rwa Nailo na mûragi ûyû na nîmakûgarûrûka matuîke nthakame.

Ntha 7:5

Rîrîa ngaakûnjûra njara yakwa îmaûkîrîre na ndute andû a Isiraeli vûrûrirî wao, nîrîo andû a Misiri makaamenya atî nie nînie Ngai-Mûnene.”

Ntha 8:6

Kwoguo Aroni nîwakûnjûrire njara agîûkîrîria mûragi wake îgûrû rîa manjî monthe ma Misiri, nacio ciûra nîciaumire igîcûra vûrûri wonthe wa Misiri.

Isaia 38:19

Arîa marî mwoyo nîo magûcokagîria ngatho, ta ûrîa nie nîragûcokeria ngatho rîu, îthe wa ciana nîke ûimenyithagia ûvoro wa wîvokeku waku.

Ezek 20:26

Nînamagwatirie mûgiro na njîra ya matega mao na ngîtûma maruta marikithathi mao marî magongoona ma kûvîvua. Nînatûmire macûkangue nîguo mamenye atî nînie Ngai-Mûnene.

Ezek 20:28

Namaretire vûrûrirî ûrîa namerîrîre na mwîvîtwa atî nîngaamava. Varîa vonthe moonaga varî tûrîma tûtûgîru kana mûtî mûruru, nîmaathiîcaga na makarutîra magongoona mao vo, na nîmandakaririe na magongoona mao ma kûvîvua matega ma ndivei marîa maarutire.

Joeli 1:3

Îrani ciana cienyu maûndû mau, tiga ciana cienyu ciîre ciana ciao, nacio ciana ciao ciîre ciana irîa irûmîrîrîte.

Aefeso 6:4

Mue aciari tigagani gwîka ciana cienyu maûndû marîa mangîtûma irakare. Vandû va ûguo, imenyagîrîreni na mûitaarage ciîkage wata ûrîa mûndû ûrîa wîtîkîtie Mwathani agîrîrwe nî gwîka.

Gûco 4:9

Îîmenyagîrîreni na mûtikariganîrwe nî maûndû marîa mwîyonerete na metho menyu; maririkanageni ûtûûrorî wenyu wonthe. Mamenyithanagieni kûrî ciana cienyu na kûrî ciana cia ciana cienyu.