Ntha 10:16 - ÎVUKU RÎA ÛVORO MWARO

¹⁶ Mûthamaki wa Misiri nîwacokire agîîta Musa na Aroni na îvenya na akîmera atîrî, “Nie nînjîvîtie mbere ya Ngai-Mûnene, Ngai wenyu na ngevia mbere yenyu.

Ntha 10:16 ပူးပေါင်းရင်းမြစ်များ

2Sam 19:20

Mwathi wakwa, nîmbicî atî nînjîvîtie, na kîu nîkîo gîatûma mbîthîrwe nîrî mbere kuuma mûciî wa Josefu gûka gûgûtûnga we mwathi wakwa mûthamaki.”

2Sam 24:10

Daudi arîkia gûtara andû, nîwambîrîrie kûthînua nî thamiri yake, na nîwerire Ngai-Mûnene atîrî, “Nînjîvîtie mûno nîûndû wa ûguo mbîkîte! Nakûthaitha ûnjovere, nîûndû mbîkîte ûguo na ûrimû.”

2Sam 24:17

Daudi oona mûraika ûrîa waûragaga andû, nîwerire Ngai-Mûnene atîrî, “Nînie njîvîtie. Nînie mbîkîte naaî. Gûtirî ûndû andû aya mekîte. Nînie mbagîrîrwe nî kûverithua vamwe na andû a mûciî wakwa.”

Ntha 8:25

Mûthamaki wa Misiri nîwacokire agîtûmana Musa na Aroni metwe. Nake nîwamerire atîrî, “Thiî mûkarutîre Ngai wenyu kîgongoona mûrî gûkû vûrûrirî ûyû.”

Ntha 8:8

Nake mûthamaki nîwacokire agîta Musa na Aroni na akîmera atîrî, “Thaithani Ngai-Mûnene arute ciûra ino kuuma kûrî nie na kûrî andû akwa, nanie nî ngûrekereria andû a Isiraeli mathiî makarutîre Ngai-Mûnene kîgongoona.”

Ntha 9:27

Nake mûthamaki nîwatûmanîre Musa na Aroni na akîmera atîrî, “Kavinda gaka nie nînjîvîtie, Ngai-Mûnene ekîte ûrîa kwagîrîrîte. Nwatî nie na andû akwa tûrî avîtiu.

Nthi 28:13

Mûndû ûrîa ûthithaga mevia make ndangîgîa na mûtûûrîre mwaro, nwatî mûndû ûrîa umbûraga na agatiga mevia make nîakeguîrwa ntha nî Ngai.

Ndari 21:7

Nao andû nîmaathiîre kûrî Musa na makîmwîra atîrî, “Nîtwîvirie rîrîa tûreganire na Ngai-Mûnene na twaregana nawe. Rîu voya Ngai-Mûnene nîguo atûthengutirie njoka ino.” Kwoguo Musa nîwavoere andû.

Ndari 22:34

Balaamu nîwacokire akîra mûraika ûcio wa Ngai-Mûnene atîrî, “Nînjîvîtie, Ndiraicî atî ûrûngamîte njîrarî ûmvingîrîrie ndikavîtûke. Kwoguo ethîrwa ndûrona kwagîrîrîte nthiî na mbere na rûgendo rûrû, nîngûcoka mûciî.”

Mathaayo 27:4

“Nie nînjîvîtie nîûndû wa gûcukanîrîra mûndû ûtevîtie nîguo aûragwe.” Nao nîmaamûcokerie atîrî, “Tue tûtiramaka nî ûguo, ûcio nî thîna waku.”

1Sam 15:24

Nake Saûlo nîwerire Samueli atîrî, “Îî, nie nînjîvîtie. Nînaaregire gwîka ûrîa Ngai-Mûnene ambathîte, wana ûrîa we wambîrîte. Nînetigîre andû akwa na ngîka ûrîa meendaga.

1Sam 15:30

Saûlo nîwacokirie na akiuga atîrî, “Nie nînjîvîtie, nwatî mva gîtîîo mbere ya atongoria a andû akwa a Isiraeli. Tûcoke nawe nîguo ngagooce Ngai-Mûnene, Ngai waku.”

1Sam 26:21

Nake Saûlo nîwacokirie atîrî, “Nie nîmvîtîtie. Coka Daudi mwana wakwa! Ndigaacoka gûgwîka ûûru rîngî, nîûndû nîwamvonokia ûmûnthî. Nie nîrekariî ta kîrimû, na nîmbîkîte ûndû mûcûku mûno.”