Ntha 1:7 - ÎVUKU RÎA ÛVORO MWARO

⁷ Nwatî njiarwa ciao, nîciaciaranire nao Aisiraeli magîtuîka eengî na makîgîa na vinya magîcûra vûrûrirî wa Misiri.

Ntha 1:7 ပူးပေါင်းရင်းမြစ်များ

Kîam 1:20

Nake Ngai nîwaugire atîrî, “Manjîrî nî gwîcûre ciûmbe irîa irî mwoyo cia mîthemba mîîngî, nakuo rîerarî gwîcûre iconi.”

Kîam 1:28

Ngai nîwamarathimire na akîmera atîrî, “Ciaranani mwîcûre nthî nthî yonthe na mûmîtoorie; mwathage nthamaki, iconi na nyamû cionthe.

Kîam 12:2

Nanie nîngaakûva njiarwa nyîngî nacio nîigaatuîka rûrîrî rûnene. Nie nîngaakûrathima na ndûme rîîtwa rîaku rîgîe îgweta. Nawe ûtuîke kîrathimo.

Kîam 13:16

Nie nîngaatûma njiarwa ciaku ituîke nyîngî wata mûthetu wa nthî na gûtirî mûndû ûkaavota gûitara!

Kîam 15:5

Ngai-Mûnene nîwaumagaririe Aburamu nja na akîmwîra atîrî, “Taroria kûrîa îgûrû na ûgerie gûtara njata wone kana nîûkûvota. Njiarwa ciaku nîikengîva ta njata icio.”

Kîam 17:16

Nîngûmûrathima na ndûme agûciarîre kavîcî, na ndûme atuîke ng'ina wa ndûrîrî nyîngî. Njiarwarî ciake nîgûkaauma athamaki.”

Kîam 22:17

Nama nîngaakûrathima na njiarwa nyîngî ta njata cia îgûrû kana ta mûthanga ûrîa ûrî rûtererî rwa îria. Njiarwa ciaku nîikaavoota nthû ciao.

Kîam 26:22

Isaka nîwathaamire vandû vau na akîthiî akînja kîthima kîngî, na gîtiagîa na ngarari. Kwoguo Isaka nîwetire kîthima kîu Rehobothi (Wîyathi). Nîwaugire atîrî, “Rîu Ngai-Mûnene nî mûtûveu wîyathi tûtûûre gûkû, na nî tûkûthegeera kuo.”

Kîam 26:4

Nîngaakûva njiarwa nyîngî ta njata irîa irî îgûrû, na njoke nîmave vûrûri ûyû wonthe. Nîigaatuîka kîrathimo kûrî ndûrîrî cionthe cia nthî.

Kîam 28:14

Njiarwa ciaku nîikengîva ta mûthetu wa nthî. Nîigaatamba mîena yonthe ya nthî. Na njîra ya njiarwa ciaku, nîngaarathima mavûrûri monthe nthî.

Kîam 35:11

Ngai nîwacokire akîmwîra atîrî, “Nînie Ngai mwene vinya wonthe. Ûrogîa na ciana nyîngî. Ndûrîrî nyîngî nîikauma kûrî njiarwa ciaku, na nîûgatuîka îthe wa athamaki.

Kîam 46:3

Nake Ngai nîwamwîrire atîrî, “Nînie Ngai wa aguo. Kwoguo ndûgetigîre kûthiî Misiri. Nîngaatûma njiarwa ciaku ituîke rûrîrî rûnene.

Kîam 47:27

Andû a Isiraeli nîmaatûûrire Gosheni vûrûrirî wa Misiri. Nîmaagîrire indo nyîngî kuo na nîmaaciaranire na makîngîva mûno.

Kîam 48:16

Mûraika ûrîa wamvonokirie kuuma mîtinorî yonthe arotûrathima! Rîîtwa rîakwa na marîîtwa ma methe makwa Iburahimu na Isaka marotûûrua na njîra ya twana tûtû! Twana tûtû tûrogîa na ciana nyîngî na njiarwa nyîngî!”

Kîam 48:4

Aambîrire atîrî, ‘Nîngaakûva ciana nyîngî, na njiarwa ciaku nîigaatuîka ndûrîrî nyîngî. Vûrûri ûyû nîngaûva njiarwa ciaku ûtuîke wao tene na tene.’

Kîam 9:1

Ngai nîwarathimire Nuhu na avîcî ake na akîmeera atîrî, “Ciaranani, mwîngîve, na mwîcûrie nthî yonthe.

Nehemia 9:23

We nîwatûmire njiarwa ciao ciongerereke wata njata cia îgûrû. Nîwamavere vûrûrirî ûrîa werîrîte methe mao ma tene atî magaûtonya mawîgwatîre ûtuîke wao.

Thaburi 105:24

Ngai-Mûnene nîwatûmire andû ake maciarane mûno, na agîtûma magîe vinya gûkîra nthû ciao.

Thaburi 107:38

Nîwarathimire andû ake na makîongerereka mûno, na agîtûma ndîthia yao ya ng'ombe yongerereke.

Ntha 1:12

Nwatî wa ûrîa andû a Isiraeli maathiîcaga na mbere kûvinyîrîrua nî andû a Misiri, nwaguo andû a Isiraeli moongererekaga makîria na makîthiî na mbere gwîcûra vûrûrirî ûcio. Nao andû a Misiri nîmeetigîre andû a Isiraeli,

Ntha 12:37

Andû a Isiraeli nîmaaumire Ramesesi na magûrû mathiîte Sukothu. Andû acio maarî ta arûme ngiri magana matandatû aka na ciana matarî atare.

Ntha 5:5

Mue andû a Isiraeli nîmwîngîvîte mûno gûkîra andû a Misiri na rîu mûrenda gûtiga kûruta wîra!”

Ezek 16:7

Nînatûmire ûkûre ta mûtî ûrî mûgûndarî. Nîwakûrire, ûkîneneva na ûgîtuîka mwîrîtu mûthaka. Nîwaumire nyondo, ûkîgîa na njuîrî, nwatî warî njaga.

Ciîko 13:17

Ngai wa andû a Isiraeli nîwathuurire methe metû ma tene na akîmatua rûrîrî rûnene vîndî îrîa maatûûraga vûrûrirî ûtaarî wao wa Misiri. Na nîûndû ke arî vinya nyîngî, nîwamarutire vûrûrirî ûcio,

Gûco 10:22

Methe menyu arîa maathiîre Misiri onthe maarî mîrongo mûgwanja. Nwatî rîu, Ngai-Mûnene Ngai wenyu nîatûmîte mwîngîve ta njata cia matuurî.

Gûco 26:5

Nîûkaauga ûrî mbere ya Ngai-Mûnene Ngai waku atîrî, ‘Vava aarî wa kuuma vûrûri wa Aramu na aatûûraga aûrûraga. Nîwathiîre Misiri na andû a mûciî wake na agîtûûra kuo arî mûgeni. Makîthiî Misiri maarî andû anini, nwatî nîmoongererekire magîtuîka rûrîrî rûnene na rwarî na vinya.