Ntha 1:17 - ÎVUKU RÎA ÛVORO MWARO

¹⁷ Nwatî Sifira na Pua nîmeetigîrîte Ngai na kwoguo nîmaaregire kwathîkîra mûthamaki. Vandû va ûguo nîmaarekire tûvîcî tûtûûre mwoyo.

Ntha 1:17 ပူးပေါင်းရင်းမြစ်များ

Kîam 20:11

Iburahimu nîwacokirie atîrî, “Nie nekire ûguo nîûndû neciragia gûkû gûtingîthîrwa kûrî na mûndû wîtigîrîte Ngai, na atî nwambûragwe nîûndû wa mûka wakwa.

Kîam 42:18

Mûthenya wa kathatû Josefu nîwamerire atîrî, “Nie nîrî mûndû wîtigîrîte Ngai, kwoguo nîmûgûtûûra mwoyo mweka ûndû ûyû ûmwe.

2Sam 24:4

Nwatî mûthamaki nîwaringîrîrie Joabu na anene acio a athigari ake a mbaara na akîmatha mathîkîre watho ûcio wake. Kwoguo Joabu na anene acio nîmaaumire varî mûthamaki na makîthiî gûtara andû a Isiraeli.

Nehemia 5:15

Anene onthe arîa maathanaga mbere yakwa nîmaaigîrîrîte andû mîrigo mîrito. Nîmeetagia kuuma kûrî wa mûndû sîlûva mîrongo îna na îgûrû rîa icio magetia irio na ndivei. Wana ndungata ciao nîciavinyagîrîria andû. Nwatî nie ndieka ûguo, nîûndû nînetigagîra Ngai.

Esita 3:3

Ndungata irîa ciekaraga kîvingorî kwa mûthamaki mûciî nîciaûririe Moridekai atîrî, “Nîndûî kîratûma ûregana na watho wa mûthamaki?”

Thaburi 31:19

Kaî wega waku ûrîa wigîrîte arîa magûtîîte nî mwîngî-î! Andû onthe nîmaicî ûrîa wîkaga maûndû maro na ûkagitîra arîa makwîvokete.

Ntha 1:18

Nake mûthamaki wa Misiri nîwetire aka acio Sifira na Pua arîa maatethagîrîria aka Ahibirania gûciara, akîmaûria atîrî “Mûreka ûû nîkî? Mûrareka twana twa tûvîcî tûtûûra mwoyo nîkî?”

Ntha 1:21

Nîûndû aka acio nîmeetigîrîte Ngai, Ngai nîwamarathimire na akîmava mîciî yao o ene.

Nthi 16:6

Gûtuîka mwathîki na mwîvokeku nîgûtûmaga Ngai overe mûndû mevia. Gwîtigîra Ngai-Mûnene nî kûgiragia mûndû eke maûndû macûku.

Nthi 8:13

Gwîtigîra Ngai-Mûnene nî kûthûûra maûndû macûku; nî nthûrîte mwîtîîo, mwîcaaro, maûndû macûku na maûndû ma kûvîtithia andû.

Mûvunjia 12:13

Vuva wa maûndû mama monthe, kûrî na ûndû ûmwe ûtigarîte: tîaga Ngai na mûvingagie Maathani make, nîûndû ûguo nîguo andû onthe magîrîrwe nî gwîka.

Mûvunjia 8:12

Andû arîa evia mekaga maûndû macûku maita îgana na magatûûra îvinda îraca. Kûnarî ûguo nîmbicî atî andû arîa magoocaga Ngai nîmakaagîa na maûndû maro nîûndû wa kûmûgooca.

Danieli 6:13

Nîmaacokire makîra mûthamaki atîrî, “Danieli, ûmwe wa andû arîa maathamîrîtue gûkû kuuma Juda, ndagûtîîaga we mûthamaki wetû, kana athîkîra watho ûrîa wavecanire na ûgîkîra kîrore. Ke avoyaga maita mathatû wa mûthenya.”

Hosea 5:11

Efiraimu nîmûnyamarie, kîvooto gîake gîgakinyangîrwa nthî cirarî nîûndû nîwerutanîrie mûno kûrûmîrîria maûndû matarî makinyanîru.

Mika 6:16

Nîmûrûmîrîrîte mîtugo mîcûku ya mûthamaki Omuri na maûndû monthe marîa meekagwa nî andû a mûciî wa Ahabu, na mûkarûmîrîra ûtaari wao. Kwoguo nîngaamûretithîria mûthiro na mûnyararwe nî andû onthe. Andû a kûndû kuonthe makaamwonaga makamûciva.

Mathaayo 10:28

Mûtigetigîre andû arîa maûragaga mwîrî, nwatî matingîûraga mwoyo. Vandû va ûguo îtigîreni Ngai ûrîa ûngikia mwîrî wana mwoyo îcuarî na agaicûkangia.

Luka 12:5

Nie nîngûmwonia ûrîa mwagîrîrwe nî gwîtigîra. Îîtigagîreni Ngai ûrîa wîthagîrwa arî na ûvoti wa kûûraga mûndû na akamwikia îcuarî. Nîramwîra na ma atî, ûcio nîke mwagîrîrwe nî gwîtigîra!

Ciîko 5:29

Nwatî Petero na atûmwa acio engî nîmaamacokerie atîrî, “Tue nwa nginya twathîkîre Ngai vandû va kwathîkîra andû.

1Sam 22:17

Nîwacokire akîîra athigari arîa maamûrangagîra arîa maarûngamîte mamûthiûrûrûkîrîtie atîrî, “Ûragani athînjîri-Ngai a Ngai-Mûnene, nîûndû wanao nîmaanyitanîre na Daudi. Nîmaamenyaga atî Daudi aarî mûtoroku, nwatî matianyumbûrîra.” Nwatî ndungata cia mûthamaki nîciaregire kûraga athînjîri-Ngai a Ngai-Mûnene.