Ntha 1:11 - ÎVUKU RÎA ÛVORO MWARO

¹¹ Kwoguo andû a Misiri nîmaaigire anene a ngombo nîguo mavinyîrîrie andû a Isiraeli na njîra ya kûmarutithia wîra mûmû. Nao andû a Isiraeli nîmaatumire matûûra manene metagwa Pithomu na Ramesesi ma kwigagwa indo nî mûthamaki.

Ntha 1:11 ပူးပေါင်းရင်းမြစ်များ

Kîam 15:13

Nake Ngai-Mûnene nîwerire Aburamu atîrî, “Njiarwa ciaku nîikethîrwa irî ng'eni vûrûrirî mûgeni. Nîigaatuîka ngombo kuo na ivinyîrîrue îvinda rîa mîaka magana mana.

Kîam 47:11

Josefu nîwacokire akîva îthe na aa mûrwang'ina kûndû kwa gûtûûra. Nîwamavere vûrûri wa Misiri kûndû kûrîa kwarî kwaro mûno vakuvî na îtûûra rîa Ramesesi, wata ûrîa mûthamaki wa Misiri aaugîte.

1Atha 9:19

vamwe na matûûra monthe kûrîa Solomoni aaigaga indo ciake, matûûra marîa maaigagwa ikaari ciake cia mbaara, matûûra ma andû ake arîa maathiîcaga matûîte mbarathi, na kîrîa kîonthe Solomoni eendaga gûtuma kûu Jerusalemu, wana kûu Lebanoni na vûrûrirî wonthe ûrîa aathanaga.

2Maû 16:4

Nake mûthamaki Benihadadi nîwetîkîre ûrîa mûthamaki Asa aamwîrire, na nîwatûmire anene a athigari ake a mbaara mathiî makatharîkîre matûûra marîa manene ma Isiraeli. Nîmaavootire Ijoni, Dani, Abeli-bethi-maaka vamwe na matûûra monthe ma vûrûri wa Nafutali kûrîa kwaigagwa indo.

2Maû 8:4

Nîwatumire îtûûra rîa Tadimoru werûrî, na agîtuma nyomba cia kwigagwa indo matûûrarî marîa aatumire Hamathi.

Thaburi 105:13

Maaûrûraga kuuma vûrûrirî ûmwe kûthiî wîngî, kuuma ûthamakirî ûmwe kûthiî wîngî.

Thaburi 129:1

Nthû ciakwa itwîre inyamaragia kuuma nîrî mwîthî andû onthe Isiraeli nîmauge ûguo.

Thaburi 129:2

“Nthû ciakwa itwîre inyamaragia kuuma nîrî mwîthî, kûnarî ûguo itianamvoota.

Thaburi 68:13

wana ethîrwa meekaraga ciagarî cia ng'ondu, mîvuanano ya ndutuura îvakîtwe sîlûva, na mathagu ma cio maakengaga ta thaavu ntheri.

Thaburi 81:6

“Nînaamwaûrire mîrigo îrîa mwakuuîte, nînatûmire mwige nthî mîrigo îrîa mwakuuîte ya matuvarî.

Ntha 1:14

Nîmaatûmire mûtûûrîre wao ûtuîka mûmû na njîra ya kûmarutithia wîra wa mîako na wa mîgûnda matekûmeguîra ntha.

Ntha 2:11

Musa nîwakûrire agîtuîka mûndû mûgima. Mûthenya ûmwe nîwaumagarire akîthiî gûcerera andû ake, Ahibirania. Musa nîwonire ûrîa maarutithagua wîra mûrito. Wana nîwonire Mûmisiri akîriva Mûhibirania ûmwe wa andû ao.

Ntha 3:7

Ngai-Mûnene nîwerire Musa atîrî, “Nîmonete mathîna ma andû akwa arîa marî Misiri. Nîmbîguîte makîrîra nîguo matethue kuuma kûrî anene ao na nîmenyete ûrîa marathînîka.

Ntha 5:10

Kwoguo anene a ngombo na arûngamîrîri nîmaathiîre na makîra Aisiraeli atîrî, “Mûthamaki wa Misiri auga ndagûcoka kûmûva rûûa rîngî.

Ntha 5:15

Nao arûngamîrîri a Isiraeli nîmaavirire mateta mao kûrî mûthamaki wa Misiri makîmûria atîrî, “Nîkwa ûgûtwîka ûû nîkî tue ndungata ciaku?

Ntha 5:8

Na mwîgana wa matuvarî wa marîa mûndû araûmbaga nwa mo akûthiî na mbere kûmba, matikanyivanyivue. Matirî na wîra wa kwîgana na kîu nîkîo kîratûma mekara makîvoyaga rûtha rwa kûthiî kûrutîra Ngai wao îgongoona!

Nthi 27:4

Marakara na mang'ûrîka nîkwa macûkangagia, nwatî wîru nîûcûkangagia makîria.

Ndari 20:15

Nîmwîcî ûrîa methe metû maathiîre Misiri, na ûrîa twatûûrire Misiri mîaka mîngî, wana ûrîa andû a Misiri maatûnyamaririe wa vamwe na methe metû,

Gûco 26:6

Andû a Misiri nîmaatûvinyîrîrie, magîtûnyamaria na magîtûrutithia wîra wa ûkombo.