Nehemia 9:5 - ÎVUKU RÎA ÛVORO MWARO

⁵ Alawi aya: Jeshua, Kadimieli, Bani, Hashabineia, Sherebia, Hodia, Shebania, Pethania nîmaaugire atîrî, “Rûngamani mûkumie Ngai-Mûnene, Ngai wenyu, mûmûkumie tene na tene! Tiga andû onthe makumie rîîtwa rîake rîrîa rîrî na riiri, goocani rîîtwa rîake rîrîa rînene gûkîra irathimo na ûkumio wonthe.”

Nehemia 9:5 ပူးပေါင်းရင်းမြစ်များ

1Atha 8:14

Mûthamaki Solomoni nîwagarûrûkîre andû onthe a Isiraeli marûngamîte na akîmarathima.

1Atha 8:15

Nîwaugire atîrî, “Ngai-Mûnene, Ngai wa Isiraeli arogoocwa. Nîûndû na vinya wake nîavingîtie kîîranîro kîrîa eerîre vava Daudi rîrîa aaugire atî,

1Atha 8:22

Solomoni nîwacokire akîrûngama mbere ya metha ya kîgongoona ya Ngai-Mûnene andû onthe a Isiraeli marî vo, akîambararia njara ciake na îgûrû,

1Atha 8:27

“Nwatî we Ngai nama nwa ûtûûre gûkû nthî? Taroria, kûu îgûrû wana îgûrû mûno ndûngîganîra; ûngîganîra hekarûrî îno ngûtumîrîte atîa?

1Maû 16:36

Ngai-Mûnene, Ngai wa Isiraeli, Nîakumue! Nîakumue nginya tene na tene.” Andû onthe nîmaacokire makiuga, “Ameni,” na nîmaakumirie Ngai-Mûnene.

1Maû 29:11

Ûnene, vinya, riiri, ûvootani na gîtîîo nî ciaku we Ngai-Mûnene. Îgûrû na nthî na indo cionthe irîa irî kuo, nî ciaku nîûndû ûthamaki nî waku we Ngai-Mûnene, na nîwe mûnene gûkîra anene onthe.

1Maû 29:13

Rîu, Ngai wetû, nîtûgûgûcokeria ngatho na nîtûgûkumia rîîtwa rîaku rîrîa rîrî riiri.

1Maû 29:20

Daudi nîwacokire akîra andû arîa onthe maagomanîte atîrî, “Kumiani Ngai-Mûnene, Ngai wenyu!” Nao andû onthe arîa maagomanîte nîmaakumirie Ngai-Mûnene, Ngai wa methe mao ma tene. Nîmeenamîrîrie ciongo ciao, makîgooca Ngai-Mûnene na makîva mûthamaki gîtîîo.

2Maû 20:13

Vîndî îo arûme onthe a Juda na aka ao na ciana, maarûngamîte hekarûrî mbere ya Ngai-Mûnene.

2Maû 20:19

Nao andû a mûvîrîga wa Lawi a mbarî ya Kohathu na ya Kora, nîmaarûngamire na magîkumia Ngai-Mûnene, Ngai wa Isiraeli maugîrîrîtie mûno.

Ezira 3:11

Nîmaainire nyîmbo cia gûkumia Ngai-Mûnene makiugaga atîrî, “Ngai-Mûnene nî mwaro, wendo wake ûtathiraga kûrî andû a Isiraeli nî wa tene na tene.” Andû onthe nîmaaugîrîrie na vinya wata ûrîa mangîavotire, magîkumagia Ngai-Mûnene nîûndû wîra wa gûtuma mûcingi wa hekarû nîwambîrîrîtue.

Nehemia 9:4

Kwarî na vandû vatûgîru vaarûthîtwe va kûrûngamwa nî Alawi. Vandû vau nîvaarûngamîte Joshua, Bani, Kadimieli, Shebania, Buni, Sherebia, Bani, na Kenani na nîmaavoire Ngai-Mûnene, Ngai wao maugîrîrîtie.

Nehemia 9:6

Ezira nîwavoire akiuga atîrî, “We, Ngai-Mûnene, we wenga nîwe Ngai-Mûnene; nîwe waûmbire îgûrû na ûkîûmba njata cia matuurî, nîwe waûmbire nthî, îria na ûkîûmba indo cionthe irîa irî kuo, nîwe waiveere mwoyo cionthe. Maavinya ma îgûrû nîmenamagîrîra magakûgooca.

Ayubu 1:21

na akîvoya akiuga atîrî, “Naciarirwe ndarî na kîndû na ngakua ndarî na kîndû. Nî Ngai-Mûnene wavecanire na nîke wacoka gwîcîra, rîîtwa rîake rîrogoocwa!”

Thaburi 106:2

Nîûrîkû ûngîtaarîria maûndû manene marîa Ngai-Mûnene ekîte? Nîûrîkû ûngîvota kûmûkumia ûrîa kwagîrîrîte?

Thaburi 134:1

Ûkani mûkumie Ngai-Mûnene, mue ndungata cionthe cia Ngai-Mûnene, mue arîa mûtungataga nyombarî ya Ngai-Mûnene ûtukû.

Thaburi 145:2

Ngaagûkumagia wa mûthenya; ngumagie rîîtwa rîaku tene na tene.

Thaburi 145:5

Ngaaragia ûvoro wîgiî riiri waku na ûnene waku, na nîîciragie ûvoro wa ciîko ciaku cia magegania.

Thaburi 146:2

Ngaakumagia Ngai-Mûnene ûtûûrorî wakwa wonthe; ngainagîra Ngai ûtûûrorî wakwa wonthe.

Thaburi 16:2

Mbîraga Ngai-Mûnene atîrî, “We wî Mwathani wakwa; maûndû monthe maro nîrî namo maumaga kûrî we.”

Thaburi 66:2

Inani mûgîkumagia vinya wa rîîtwa rîake; kumiani riiri wake!

Thaburi 99:3

Andû onthe nîmakumie rîîtwa rîake rînene na rîa gwîtigîrwa! Ke nî Mûtheru!

Ntha 15:11

Ngai-Mûnene, nî ngai îrîkû gatagatî ka ngai îkariî tawe? Nî ûrîkû wîkariî tawe, we ûrî ûthingu wa magegania? Nî ûrîkû ûngîringa ciama na ciîko cia vinya ta ciaku?

Ntha 15:6

Njara yaku ya ûrîo we Ngai-Mûnene îrî riiri na îrî vinya; njara yaku ya ûrîo we Ngai-Mûnene yunangaga nthû tûcunjî tûcunjî.

Danieli 2:20

na akiuga atîrî, “Rîîtwa rîa Ngai rîrorathimwa tene na tene! Ke nî mûûgî na arî vinya.

Mathaayo 11:25

Kavinda kau Jesû nîwaugire atîrî, “Vava, Mwathani wa îgûrû na nthî! Nie nîragûcokeria ngatho nîûndû nîûthithîte maûndû mama andû arîa aûgî na amenyi na ûkamaguûria kûrî andû arîa matarî na ûmenyo.

2Akor 4:6

Nîûndû Ngai nîke waugire atîrî, “Tiga ûtheri ware ndumarî.” Ngai ûcio nwake watûmire ûtheri wake ware ngororî cietû nîguo tûmenye riiri wa Ngai ûrîa ûrî ûthiûrî wa Kristû.

Gûco 28:58

“Ethîrwa mûtikaavingagia na kinyi mawatho monthe marîa mandîkîtwe îvukuurî rîîrî, na mwîtigagîre rîîtwa rîa Ngai-Mûnene Ngai wenyu, na nîrîo rîrî riiri na rîagîrîrwe nî kûgoocwa,

1Pet 1:3

Tigani tûcokie ngatho kûrî Ngai na Îthe wa Mwathani wetû Jesû Kristû! Nîûndû wa ntha ciake nyîngî, nîwatûvere mwoyo mûcerû na njîra ya kûriûkia Jesû Kristû. Ûndû ûyû nîguo ûtûmaga twîcûrwe nî kîîrîgîrîro Kîam ma,

Atir 13:18

Nake mûraika wa Ngai-Mûnene nîwaûririe Manoa atîrî, “Ûrenda kûmenya rîîtwa rîakwa nîkî? Rîîtwa rîakwa nî rîa kûgegania.”