Nehemia 9:34 - ÎVUKU RÎA ÛVORO MWARO

³⁴ Athamaki etû, atongoria etû, athînjîri-Ngai etû, na methe metû matianathîkîra watho waku. Matiarûmîrîra maathani maku kana maûndû marîa wamakaanirie.

Nehemia 9:34 ပူးပေါင်းရင်းမြစ်များ

2Atha 17:13

Ngai-Mûnene nîwakaanîtie andû a Isiraeli na a Juda na njîra ya arathi onthe na oni akameera atîrî, “Tiganani na mîtugo yenyu mîcûku na mûrûmîrîre maathani makwa na irîra ciakwa, wata ûrîa mandîkîtwe wathorî ûrîa naveere methe menyu na marîa naamûtûmîre kûvîtûkîrîra kûrî arathi, ndungata ciakwa.”

2Atha 17:15

Nîmaaregire gûtîîa irîra ciake, nîmaaregire kûvingia kîrîkanîro kîrîa Ngai-Mûnene aarûthîte na methe mao ma tene, na matiegua maûndû marîa Ngai-Mûnene, Ngai wao aamakaanîtie. Nîmaagoocire mîvuanano îtarî vata na wanao o ene magîtuîka andû matarî vata rîngî. Nîmaarûmîrîre mîtugo ya mavûrûri marîa maamathiûrûkîrîtie. Ûguo nîguo maregire kwathîkîra maûndû marîa Ngai-Mûnene amaathîte matigeke.

2Maû 29:6

Nîûndû methe metû methîrîtwe matarî evokeku na nîmeekire maûndû macûku mbere ya Ngai-Mûnene, Ngai wetû. Nîmaatiganîrie hekarû îrîa Ngai-Mûnene atûûraga na nîmaavuvatîre Ngai-Mûnene.

Ezira 9:10

“Ngai wetû, rîu nîtuga atîa vuva wa gûtwîkîra maûndû mau monthe? Nîtûregete rîngî kwathîkîra maathani maku,

Nehemia 9:30

Îvinda rîa mîaka mîngî nîwamakirîrîrie, na nîwavere arathi Roho waku nîguo makaanie andû acio. Nwatî matiakûthikîrîria. Kwoguo nîwamarekererie kûrî andû a ndûrîrî ciîngî.

Nehemia 9:33

Ûtûverithîtie na njîra îrîa yagîrîrîte, we ûrî mwîvokeku na tue twîkîte maûndû ma waganu.

Nehemia 9:35

Rîrîa maarî athamaki vûrûrirî wao matianagûtungata, na rîrîa maakenagîrîra maûndû meengî maro marîa wamaveete; vûrûrirî warî mûnene na mûnoru, nwatî matiatiga gwîka maûndû macûku.

Jeremia 29:19

Ngaameka ûguo nîûndû nîmaaregire kûthikîrîria ndûmîrîri yakwa îrîa namatûmagîra maita meengî na njîra ya arathi ndungata ciakwa, na makîrega kûnthikîrîria. Ûguo nîguo nie Ngai-Mûnene nîrauga.’ ”

Jeremia 44:17

Nwatî ûrîa wonthe twîvîtîte nîtûgwîka, nîguo tûgwîka. Nîtûkûvîvîria ngai yetû îrîa îtagwa mûthamaki wa mûndûmûka wa kûu îgûrû, na twîtûrûre ndivei nthî îrî îgongoona kûrî ke wata ûrîa twekaga methe metû, athamaki etû, na atongoria etû tûrî matûûrarî ma Juda na njîrarî cia Jerusalemu. Vîndî îo twarî na irio cia kwîgana, twarî athatûke, na tûtiarî na thîna.

Jeremia 44:4

Mavinda meengî nînatûmire arathi ndungata ciakwa kûrî mue, ngîmwîra atî, ‘Mûtigeke maûndû mama macûku ûguo nthûrîte!’

Ezek 5:6

Jerusalemu nîyareganire na mawatho makwa na îgîka maûndû macûku gûkîra mavûrûri marîa mengî, îgîtuîka îtûûra îremi gûkîra mavûrûri marîa marîthiûrûrûkîrîtie; nîyareganire na kîrîra gîakwa na matuîro makwa ma ciira.

Danieli 9:6

Nîtûregete kwîgua arathi, ndungata ciaku arîa maaragîria athamaki etû, aathani, methe metû ma tene, na andû onthe a vûrûri na njîra ya rîîtwa rîaku.

Gûco 31:21

Nîmakaanyitwa nî mîthiro mîîngî na mathîna. Nwatî rwîmbo rûrû rûkaainagwa nî andû a Isiraeli rûrî ûira kûrî o, na njiarwa ciao itikaariganîrwa nî ruo. Nie nîmbicî meciria mao wana mbere ya nîmavira vûrûrirî ûrîa nameerîre na mwîvîtwa atî nîngaamava.”