Nehemia 9:33 - ÎVUKU RÎA ÛVORO MWARO

³³ Ûtûverithîtie na njîra îrîa yagîrîrîte, we ûrî mwîvokeku na tue twîkîte maûndû ma waganu.

Nehemia 9:33 ပူးပေါင်းရင်းမြစ်များ

Kîam 18:25

Nama ndûngîka ûguo. Ndûngîcûkangia andû arîa athingu vamwe na arîa matarî athingu. Ûngîka ûguo, andû arîa aro makaaverithagua vamwe na arîa acûku. We ndûngîka ûguo. Mûndû ûrîa ûtucagîra nthî yonthe ciira nwanginya eke guo na kîvooto.”

Ezira 9:15

Ngai-Mûnene, Ngai wa Isiraeli, we ûrî mwîvokeku, nîûndû nîwîtîkîrîte tûtûûre mwoyo nginya ûmûnthî. Na rîu ava nîtûkumbûra mavîtia metû, nîûndû gûtirî mûndû mwagîrîru gatagatîrî getû wa kûrûngama mbere yaku.”

Nehemia 9:34

Athamaki etû, atongoria etû, athînjîri-Ngai etû, na methe metû matianathîkîra watho waku. Matiarûmîrîra maathani maku kana maûndû marîa wamakaanirie.

Nehemia 9:8

Nîwonire atî ke nîwakwîvokete, na ûkîthondeka kîrîkanîro nake. Nîwamwîrire atî nî ûkaamûva vûrûri wa Kanaani, vûrûri wa Aperizi, na wa Ajebusi, wana vûrûri wa Agirigashi. Wonthe ûgîtuîka vûrûri ûrîa njiarwa ciaku igaatûûra. Nîûndû we ûrî mwîvokeku, nîwavingirie kîîranîro kîu.

Ayubu 33:27

Ke ainaga arî mbere ya andû akauga atîrî, “Nînevirie na ngîregana na maûndû marîa maro, nwatî Ngai ndaamverithia nîûndû wa wîvia ûcio.

Ayubu 34:23

Ngai ndamenyithagia mûndû, vîndî îrîa akaathiî kûmûcirithia.

Thaburi 106:6

Tue nîtwîvîtie wata ûrîa methe metû ma tene meevirie, nîtwîvîtie na nîtwîkîte maûndû macûku.

Thaburi 119:137

We Ngai-Mûnene, wî mûthingu, na matuîro maku ma ciira nî ma ma.

Thaburi 145:17

Ngai-Mûnene nî mûthingu maûndûrî monthe, na arî ntha maûndûrî monthe marîa ekaga.

Ntha 32:31

Nake Musa nîwacokire kîrîmarî kûrî Ngai-Mûnene na akîmwîra atîrî, “Andû aya nîmekîte mevia manene mûno. Nîmerûthîrîte ngai ya thaavu na nîmamîgoocete.

Jeremia 12:1

We Ngai-Mûnene wî mûthingu, wana ethîrwa nînîrakûretera mateta makwa, kûnarî ûguo nwa mende kwîyarîrîria mbere yaku. Nîndûî gîtûmaga andû arîa aganu mathatûkwa? Nîndûî gîtûmaga andû matarî evokeku mathiî na mbere?

Jeremia 44:3

Mbîkîte ûguo nîûndû wa maûndû macûku marîa mekire na magîtûma ndakare. Nîmaavîvîrie ngai cia mîvuanano ûbani na makîgooca ngai irîa o, we kana methe mao mataaicî.

Maca 1:18

“Nwatî Ngai-Mûnene arî na kîvooto nîûndû nîndegete kwathîkîra kiugo gîake, nwatî tanthikîrîriani mue andû onthe, taroriani ûrîa nîrathînîka, erîtu na anake akwa nîatave.

Ezek 11:12

Nîmûkaamenya atî nie nînie Ngai-Mûnene ûrîa mwaregire kûrûmîrîra mawatho make kana mûvingia irîra ciake, nwatî mwekire kûringana na irîra cia ndûrîrî irîa imûthiûrûrûkîrîtie.”