Nehemia 9:30 - ÎVUKU RÎA ÛVORO MWARO

³⁰ Îvinda rîa mîaka mîngî nîwamakirîrîrie, na nîwavere arathi Roho waku nîguo makaanie andû acio. Nwatî matiakûthikîrîria. Kwoguo nîwamarekererie kûrî andû a ndûrîrî ciîngî.

Nehemia 9:30 ပူးပေါင်းရင်းမြစ်များ

2Atha 18:11

Mûthamaki wa Asîria nîwavirire andû a Isiraeli Asîria marî mîgwate, na akiga amwe îtûûrarî rîa Hala; amwe nîwamaigire vakuvî na Rûnjî rûrîa rwîtagwa Habori rûrîa rûrî vûrûrirî wa Gozani, na amwe akîmaiga matûûrarî manene ma Media.

2Atha 21:10

Ngai-Mûnene nîwaririe na njîra ya ndungata ciake, arathi akiuga atîrî,

2Maû 24:19

Kûnarî ûguo Ngai-Mûnene nîwatûmire arathi kûrî andû acio makameere mamûcokerere, nwatî nîmaaregire kûmathikîrîria.

Ezira 9:10

“Ngai wetû, rîu nîtuga atîa vuva wa gûtwîkîra maûndû mau monthe? Nîtûregete rîngî kwathîkîra maathani maku,

Nehemia 9:20

Nîwamathomithirie maûndû na njîra ya Roho waku mwaro, na nîwamavaithirie na irio cia maana, na ûkîmava manjî ma kûnyua.

Nehemia 9:26

“Kûnarî ûguo andû aku nîmaaregire kwathîka, na nîmaareganire nawe. Nîmaareganire na Watho waku na makîûraga arathi arîa maameraga makûgarûrûkîre, na mavinda meengî nîmaakûrumire.

Nehemia 9:29

Nîwamakaanirie nîguo magarûrûkîre Watho waku. Kûnarî ûguo nîûndû wa mwîtîîo wao nîmaaregire kwathîkîra maathani maku. Nîmaareganire na mawatho maku marîa mûndû angîmathîkîra nwa atûûre mwoyo. Nîmaatuîkire aremi na makîûmia ciongo ciao, na nîmaaregire kwathîka.

Thaburi 86:15

Nwatî we Mwathani, ûrî Ngai wî ntha na wendo, nîûkiragîrîria, ûrî wendo ûtathiraga na wî mwîvokeku.

Thaburi 95:10

Nînaarakarirue nî rûciaro rûu îvinda rîa mîaka mîrongo îna, na ngiuga atîrî, ‘Aya nî andû aremi, na nîmaregete kwathîkîra maathani makwa.’

Isaia 28:10

Aratûthomithia watho kiugo gwa kiugo, mûvari kwa mûvari, ava ûndû mûnini, vaarîa ûndû mûnini.”

Isaia 42:24

Nû wanenganîre Jakovu kûrî acunani? Nîûrîkû wanenganîre Isiraeli kûrî aîi? Nî Ngai-Mûnene ûrîa twevîîrie! Na methe metû makîrega kûrûmîrîra njîra ciake, kana kwathîkîra mawatho make.

Isaia 48:9

“Nîûndû wa rîîtwa rîakwa nîngûthiria marakara makwa, nîûndû wa ûkumio wa rîîtwa rîakwa nîngwîrigîrîria marakara makwa, nîmarigîrîria nîguo ndikamûthirie.

Isaia 63:10

Nwatî nîmaareganire nake na makîrakaria roho wake mûtheru. Kwoguo Ngai-Mûnene nîwatuîkire nthû yao na akîrûa nao.

Jeremia 25:4

Mue mûtienda kûmîgua kana kûmîthikîrîria wana ethîrwa Ngai-Mûnene atûûraga amûtûmagîra arathi ndungata ciake atagûtigithîrîria.”

Jeremia 44:22

Ngai-Mûnene ndangîavotire kûmîrîria rîngî maûndû macûku na marî mûgiro marîa mwekîte. Kwoguo kîu nîkîo gîtûmîte vûrûri wenyu ûtuîka îganjo, werû, kîrumi na kûndû gûtatûûraga andû nginya ûmûnthî.

Jeremia 44:4

Mavinda meengî nînatûmire arathi ndungata ciakwa kûrî mue, ngîmwîra atî, ‘Mûtigeke maûndû mama macûku ûguo nthûrîte!’

Jeremia 44:5

Nwatî gûtirî mûndû wambîguire kana akînthikîrîria nîguo matigane na waganu na kûvîvîria ngai ng'eni ûbani.

Jeremia 7:25

Kuuma mûthenya ûrîa methe menyu maumire Misiri nginya ûmûnthî, ndwîre ndûmaga arathi, ndungata ciakwa kûrî o.

Maca 2:17

Ngai-Mûnene nîwîkîte maûndû marîa eendete gwîka, nîavingîtie marîa aaugîte nîageka, kîrîa aavangîte kuuma tene omomorete atarî na ntha. Nîatûmîte nthû ikenerere kûverithua gwaku, nîatûgîrîtie athigari njamba arîa nthû ciaku.

Danieli 9:6

Nîtûregete kwîgua arathi, ndungata ciaku arîa maaragîria athamaki etû, aathani, methe metû ma tene, na andû onthe a vûrûri na njîra ya rîîtwa rîaku.

Zakaria 7:12

Nîmaaûmirie ngoro ciao ta mathiga, kwoguo matingîathîkîra watho kana ndûmîrîri îrîa nie Ngai-Mûnene nwene vinya wonthe naamatûmîre na njîra ya arathi arîa maarî kuo mbere. Kwoguo nie Ngai-Mûnene mwene vinya wonthe nînaarakarire nîo.

Zakaria 7:13

Nîmaaregire kûnthikîrîria rîrîa naamaragîria, kwoguo wananie mamvoya ndiamacokeria.

Ndari 11:26

Andû aîrî gatagatîrî ka athuuri acio mîrongo mûgwanja na nîo Elidadi na Medadi, mekarire kûrîa maambîte magema na matiathiî îgemarî rîa gûcemanîrua. Marî kûu magemarî mao nîmaanyûrûrûkîrwe nî roho na wanao makîambîrîria kwaria ta arathi.

Ciîko 13:18

na kwa îvinda rîa mîaka mîrongo îna akîmamenyerera werûrî.

Ciîko 28:25

Kwoguo nîmaakararanirie na makîambîrîria kuuma kûu rîrîa Paûlo aarîkirie kûmeera ûndû ûyû ûmwe: “Roho Mûtheru nîwavere methe menyu ma tene ûvoro wa ma na njîra ya mûrathi Isaia,

Ciîko 7:51

Nake Stefano nîwathiîre na mbere na kwaria akiuga atîrî: “Na kaî mue andû aya mûrî aûmû ngoro-î! Atî mue mûtirenda gwîtîkia Ngai wana kana kûthikîrîria ndûmîrîri yake! Atî vîndî cionthe mue nîkwa mûregaga kûthikîrîria Roho Mûtheru. Mue mûreka wata ûrîa methe menyu ma tene meekire.

Aroma 2:4

Kana nîkwa we ûnyararîte ûtugi wake mwîngî, ûkirîrîria na wetereri. Nama we nîwîcî atî Ngai nî mûtugi nîûndû nîakwonagîrîria njîra ya kwîrira?

1Pet 1:11

Roho wa Kristû aarî ndaarî ya Arathi rîrîa maarathaga ûvoro wîgiî kûthînua gwa Kristû, na riiri ûrîa ûgaacoka kûrûmîrîra mathîna mau. Arathi nîmaageragia kûmenya ûvoro wîgiî maûndû marîa Roho aamoonagia rîrîa magaatuîkîka na ûrîa gûkeethîrwa gwîkariî maûndû mau magîtuîkîka.

2Pet 1:21

Nîûndû gûtirî ûrathi wanaumana na wendi wa mûndû, nwatî andû managîrîra ndûmîrîri kuuma kûrî Ngai matongoretue nî Roho Mûtheru.

2Pet 3:9

Mwathani ndavingagia ciîranîro ciake arî na ûtururu ta ûrîa andû amwe meciragia. Vandû va ûguo nîamûkiragîrîria nîûndû gûtirî mûndû wana ûmwe endaga akaaûra, nwatî endaga andû onthe merire mevia mao.