Nehemia 9:26 - ÎVUKU RÎA ÛVORO MWARO

²⁶ “Kûnarî ûguo andû aku nîmaaregire kwathîka, na nîmaareganire nawe. Nîmaareganire na Watho waku na makîûraga arathi arîa maameraga makûgarûrûkîre, na mavinda meengî nîmaakûrumire.

Nehemia 9:26 ပူးပေါင်းရင်းမြစ်များ

1Atha 14:9

Nwatî we nîwîkîte mevia manene, gûkîra athamaki onthe arîa maarî mbere yaku. Nîûndiganîrîtie na ûkandakaria na njîra ya kwîrûthîra ngai ciîngî cia mîvuanano.

1Atha 18:13

Nîkwa ûtanerwa ûrîa nekire vîndî îrîa Jezebeli aaûragaga arathi a Ngai-Mûnene, rîrîa naathithire arathi îgana marî ikundi igîrî cia arathi mîrongo îtano na ngîmava mîgate na manjî?

1Atha 18:4

na rîrîa Jezebeli aaûragaga arathi a Ngai-Mûnene, Obadia nîwocire arathi îgana rîmwe na akîmathitha ngurungarî marî ikundi igîrî cia arathi mîrongo îtano, na akîmava mîgate na manjî.)

1Atha 19:10

Nake Elija nîwacokirie atîrî, “Ngai-Mûnene, mwene vinya wonthe, ndwîre ngûtungatagîra wa we wenga. Nwatî andû a Isiraeli nîmareganîte na kîrîkanîro gîaku. Nîmomorete metha ciaku cia magongoona, na makaûraga arathi aku onthe na rûviû. Nînie nienga tu ndigarîte, na nîkwa marenda kûmbûraga!”

2Atha 21:10

Ngai-Mûnene nîwaririe na njîra ya ndungata ciake, arathi akiuga atîrî,

2Atha 21:11

“Rîu nîûndû Manase, mûthamaki wa Juda nîwîkîte maûndû mama macûku, na ageka maûndû macûku wana gûkîra marîa monthe meekirwe nî Amori, arîa maarî mbere yake, na agatûma andû a Juda mevie magîtûmîra mîvuanano yake;

2Maû 36:16

Nwatî andû a Juda nîmaathiîre na mbere kûthekerera anjaama ake na kwira ndûmîrîri yake na kûnyûrûria arathi ake nginya Ngai-Mûnene akîrakara nî andû ake mûno ûndû atangîamarekeere.

Nehemia 9:18

Nîmeethondekere mûvuanano wa njaû ya ndegwa, na nîmaaugire atî nîyo ngai îrîa yamarutire Misiri! Ngai-Mûnene, anga tîkwa maakûrumire!

Nehemia 9:29

Nîwamakaanirie nîguo magarûrûkîre Watho waku. Kûnarî ûguo nîûndû wa mwîtîîo wao nîmaaregire kwathîkîra maathani maku. Nîmaareganire na mawatho maku marîa mûndû angîmathîkîra nwa atûûre mwoyo. Nîmaatuîkire aremi na makîûmia ciongo ciao, na nîmaaregire kwathîka.

Nehemia 9:30

Îvinda rîa mîaka mîngî nîwamakirîrîrie, na nîwavere arathi Roho waku nîguo makaanie andû acio. Nwatî matiakûthikîrîria. Kwoguo nîwamarekererie kûrî andû a ndûrîrî ciîngî.

Thaburi 50:17

Nîûregaga ngûtaare; ndwendaga kûrûmîrîra mawatho makwa.

Jeremia 16:11

We nîûgacoka ûmeere atîrî, ‘Ngai-Mûnene arauga atî, nîûndû methe menyu nîmandiganîrîtie na makambîrîria kûgooca na gûtungatîra ngai ciîngî, nîmandiganîrîtie na matiathîkagîra mawatho makwa.

Jeremia 2:30

Narutire wîra wa mana kûverithia ciana cienyu, itietîkîra kûrûngwa; ta ûrîa mûnyambû ûûragaga kîndû, nwa ta guo mwaûragire arathi enyu.

Jeremia 2:7

Nînamûretire vûrûrirî mûnoru, mûkenerere matunda ma guo, na maûndû mengî maro ma guo. Nwatî mwakinya kuo, nîmwaûgwatirie gîko, na mûkîgwatia vûrûri ûrîa namûveere mûgiro.

Jeremia 32:23

Nao nîmaatonyire vûrûri ûcio makîwîgwatîra, nwatî matiakwathîkîra kana marûmîrîra watho waku. Matianeka ûndû wanarî ûmwe wa marîa wamaathire. Kwoguo nîûtûmîte manyitwe nî mathîna mama monthe.

Jeremia 42:19

Jeremia nîwathiîre na mbere kwîra andû atîrî, “Mue andû a Juda arîa mwatigarire, Ngai-Mûnene aramwîra mûtikathiî Misiri. Menyani atî ûmûnthî nînamûkania

Maca 3:42

“Nîtwîvîtie na twarega gûkwathîkîra, nawe Ngai-Mûnene nî ûregete gûtûrekera.

Ezek 20:21

“Nwatî njiarwa ciao nîciatuîkire aremi na ikîregana nanie. Matiarûmîrîra irîra ciakwa na matiathîkîra mawatho makwa marîa mûndû amarûmîrîra matûmaga atûûra mwoyo. Nîmaaregire kûva thavatû ciakwa gîtîîo. Nînacokire ngîciria nîmetûrûrîre mang'ûrîka makwa nîguo nthirie marakara makwa kûrî o marî werûrî.

Mathaayo 21:35

Nao arîmi acio nîmaanyitire ngombo icio, makîriva îmwe, makîûraga îo îngî na îngî makîmîriva na mathiga.

Ciîko 7:52

Nî mûrathi ûrîkû methe menyu ma tene mataanyarira? Arathi acio nîmaanîrîrîte makauga atî Ûrîa-Mûthingu nîagûka, nwatî methe menyu ma tene nîmaamûragire. Na rîu mue nîmwacukanîrîra na mwaûraga Ûrîa Mûthingu.

Gûco 32:14

Ngai-Mûnene nîwamavere maguta na îriia kuuma ndîthiarî, maarî na mathunya ma ng'ondu na ndûrûme, na ng'ombe cia Bashani na mbûri. Nîwamavere ngano irîa mbaro mûno, na ndivei îrîa mbaro mûno.

Gûco 32:15

“Andû a Isiraeli nîmaarîre waro na makînora, nwatî makîregana nake; nîmaanorire magîtunguva na makîvaa mûno. Nîmaareganire na Ngai ûrîa wamaûmbire, na magîtiganîria mûvonokia wao mûnene.

Atir 10:6

Aisiraeli nîmeevîrie Ngai-Mûnene rîngî. Nîmaagoocire Baali, Maashitarothu na ngai cia Moabu, Aamoni, na cia Filisiti. Nîmaatiganîrie Ngai-Mûnene na magîtiga kûmûtungatîra.