Nehemia 9:24 - ÎVUKU RÎA ÛVORO MWARO

²⁴ Kwoguo njiarwa ciao nîciatonyire na nîciegwatîre vûrûri ûcio, na nîwavootire andû arîa maatûûraga kuo. Andû acio maarî Akanaani, nîwavere andû aku vinya, nîguo meke wa ûrîa mangîendire andû a Kanaani vamwe na Athamaki.

Nehemia 9:24 ပူးပေါင်းရင်းမြစ်များ

1Maû 22:18

“Ngai-Mûnene, Ngai wenyu ethîrîtwe namue na nîamûvete thayû mîena yonthe. Nîamvotithîtie kûvoota andû onthe arîa maatûûraga vûrûri ûyû, na rîu vûrûri ûyû ûrî njararî cia Ngai na cia andû ake.

Esita 9:5

Kwoguo Ayahudi nîmaatharîkîre nthû ciao na mviû na makîmaûraga onthe. Nîmaamekire wa ûrîa mangîendire kûmeka.

Ndari 14:31

Nwatî ciana cienyu irîa mwaugire atî nîigaatavwa nîcio igaatonya vûrûri ûcio mwaregire, matûûre kuo na maûkenerere.

2Tim 2:26

Na njîra ta îno nwa mecokere na makaûrîra mûtego wa Ngoma ûrîa wamagwatire na agîtûma mekage ûrîa ke akwenda.

Josh 10:40

Kwoguo Joshua nîwarûire mbaara na akîvoota vûrûri wonthe. Nîwavootire athamaki a vûrûri wonthe ûrîa ûrî irîma, Negebu kûndû kûrîa kwaraganu na inyûrûrûkorî, na athamaki a mwena wa îthûîro ûrîa werekerete irîma. Andû onthe nîmaaûragirwe nî Joshua marî na athigari ake a mbaara. Joshua eekire ûguo nîûndû nîguo aathîtwe nî Ngai-Mûnene, Ngai wa Isiraeli.

Josh 11:23

Kwoguo Joshua nîwanyitire vûrûri wonthe kûringana na ûrîa Ngai-Mûnene aathîte Musa. Nake Joshua nîwavere andû a Isiraeli vûrûri ûcio ûtuîke wao na nîwaûgaanirie icunjî kûringana na mîvîrîga ya andû a Isiraeli. Nao andû a Isiraeli magîtiga kûrûa.

Josh 12:12

Egiloni, Gezeri,

Josh 12:24

na îtûûra rîa Tiriza. Athamaki acio onthe nî mîrongo îthatû na ûmwe.

Josh 18:1

Andû onthe a Isiraeli nîmaagomanire Shilo. Nîmaambire îgema rîa kûgoocagîra Ngai-Mûnene kûu Shilo, nîûndû vûrûri ûcio nîmaaûvotete.

Josh 21:43

Ngai-Mûnene nîwavere andû a Isiraeli vûrûri wonthe ûrîa eerîrîte methe mao ma tene na mwîvîtwa atî nî akaamava. Kwoguo andû a Isiraeli nîmegwatîre vûrûri ûcio na magîtûûra kuo.

Josh 21:45

Nacio ciîranîro cionthe mbaro irîa Ngai-Mûnene eerîrîte andû a Isiraeli nîciavingirue cionthe.

Atir 4:23

Kwoguo mûthenya ûcio Ngai nîwavotithirie Aisiraeli kûvoota Jabini, mûthamaki wa Kanaani.