Nehemia 9:21 - ÎVUKU RÎA ÛVORO MWARO

²¹ Nîwamamenyerere îvinda rîa mîaka mîrongo îna marî werûrî na matiatura kîndû, nguo ciao itiathira kana magûrû mao maimba.

Nehemia 9:21 ပူးပေါင်းရင်းမြစ်များ

Thaburi 34:10

Wana mînyambû nîîvûtaga watura gîa kûrîa, nwatî andû arîa mavoyaga Ngai-Mûnene matituraga indo mbaro.

Ntha 16:35

Nao andû a Isiraeli nîmaarîre maana îvinda rîa mîaka mîrongo îna nginya rîrîa maakinyire vûrûri wa Kanaani kûrîa maatûûrire.

Amosi 5:25

“Mue andû a Isiraeli, rîrîa mwarî werûrî mîaka mîrongo îna nîmwandutagîra magongoona?

Ciîko 13:18

na kwa îvinda rîa mîaka mîrongo îna akîmamenyerera werûrî.

Gûco 2:7

“Ngai-Mûnene, Ngai wenyu ethîrîtwe akîmûrathima maûndûrî monthe marîa mwethîrîtwe mûgîka, na akîmûmenyagîrîra rîrîa mwaûrûraga werûrî ûyû mûnene ûguo. Ethîrîtwe arî vamwe namue îvinda rîa mîaka mîrongo îna (40) na mwarî na indo cionthe irîa mwavataraga.

Gûco 29:5

Nie namûtongoririe werûrî îvinda rîa mîaka mîrongo îna, na mûtianathirîrwa nî nguo kana iratû.

Gûco 8:2

Ririkanani ûrîa Ngai-Mûnene aamûtongoririe rûgendo rûraca werûrî kavinda ka mîaka mîrongo îna. Nîwatûmire mwînyivie, akîmûgeria nîguo amenye kîrîa kîrî ngororî cienyu, na amenye kana nîmûkaathîkîra maathani make kana mûtikaamathîkîra.

Gûco 8:4

Mîaka îo yonthe mîrongo îna mûtîatuîkîrwa nî nguo kana mwimba magûrû.