Nehemia 9:19 - ÎVUKU RÎA ÛVORO MWARO

¹⁹ Nwatî ndwamatiganîria kûu werûrî, nîûndû ntha ciaku nî nyîngî. Îtu rîrîa rîamatongoragia mûthenya rîtîamathengutîra, na ndwamathengutîria mwaki kuuma îtuurî ûrîa wamamûrîkagîra njîra ûtukû.

Nehemia 9:19 ပူးပေါင်းရင်းမြစ်များ

Nehemia 9:12

Mûthenya nîwamatongoragia na îtu, na ûtukû wamamûrîkagîra njîra na mwaki.

Nehemia 9:27

Kwoguo nîwamanenganîre kûrî nthû ciao na nthû icio ikîmaûkîrîra. Vîndî ya mînyamaaro îo nîmaagûkaîre, nawe ûrî îgûrû nîwegwire kîrîro Kîamo. Nîûndû wa ntha ciaku nyîngî nîwamavere atongoria, arîa maamavonokirie kuuma kûrî nthû ciao.

Nehemia 9:31

Nwatî kûnarî ûguo nîûndû ûrî ntha nyîngî mûno, ndwanamathiria kana ûmatiganîria. Ngai, we ûrî mwaro na ûrî ntha!

Thaburi 106:45

Nîwaririkanire kîrîkanîro gîake nîûndû wao, na akîricûkwa nîûndû wa wendo wake mwîngî ûrîa ûtathiraga.

Thaburi 136:16

Nîke watongoririe andû ake makîvîtûkîrîra werûrî; nîûndû wendo wake ûtathiraga ûtûûraga tene na tene.

Ntha 40:36

Rîrîa rîonthe îtu rîathengutua îgemarî rîa Ngai-Mûnene nîrîo andû a Isiraeli meethagîrwa makîthiî mbere na rûgendo rwao ng'endorî ciao cionthe.

Ntha 40:38

Kwoguo ng'endorî cionthe ciao, andû a Isiraeli îtu rîa Ngai-Mûnene rîrî îgûrû rîa îgema rîa Ngai-Mûnene mûthenya, na ûtukû nîmoonaga mwaki ûrî îgûrû rîarîo.

Isaia 44:21

Ngai-Mûnene arauga atîrî, “We Jakovu, taririkana, we Isiraeli taririkana atî we wî ndungata yakwa. Nie nînie nakûmbire nîguo ûndungatagîre, we Isiraeli nie ndikaariganîrwa nîwe.

Maca 3:22

Atî wendo ûtathiraga wa Ngai-Mûnene ûtûraga tene na tene, ntha ciake itithiraga.

Ezek 20:14

Nwatî nînekire ûndû wîngî nîguo rîîtwa rîakwa rîtikanyararwe nî ndûrîrî irîa cionire ngîmaruta Misiri.

Ezek 20:17

“Kûnarî ûguo nînaameguîrîre ntha na ndiamacûkangia kana nîmathiria marî werûrî.

Ezek 20:22

Nwatî nînathunithirie njara yakwa ndigeke guo nîguo rîîtwa rîakwa rîtikanyararwe nî ndûrîrî irîa cionire ngîmaruta Misiri.

Danieli 9:18

We Ngai wetû, tega matû maku ûtûthikîrîrie. Ta roria mathîna marîa tûrî namo na mathîna marîa marî îtûûrarî rîrîa rîtanîtue nawe. Tûrakûvoya we Ngai nîûndû ûrî wa ntha nyîngî na tî nîûndû wa ûrîa twagîrîrîte.

Danieli 9:9

We Mwathani Ngai wetû nîwîgucanagîra ntha, na nîwovanagîra wana ethîrwa nîtûreganîte nawe.

Malaki 3:6

“Nie Ngai-Mûnene ndicenjagia. Kwoguo mue andû a rûciaro rwa Jakovu, mûtirî acûkangie mûkathira.

Ndari 14:14

nîmakeera andû arîa matûûraga vûrûri ûyû. Andû a vûrûri ûyû nîmarîkîtie kwîgua atî we, Ngai-Mûnene, wîthagîrwa ûrî vamwe natue, na atî we nîwonekaga rîrîa îtu rîaku rîarûngama îgûrû rîetû. Nîmeguîte atî ûthiîcaga ûrî mbere yetû na gîtugî Kîam îtu mûthenya, na ûtukû ûkathiî na gîtugî Kîam mwaki.

Gûco 8:2

Ririkanani ûrîa Ngai-Mûnene aamûtongoririe rûgendo rûraca werûrî kavinda ka mîaka mîrongo îna. Nîwatûmire mwînyivie, akîmûgeria nîguo amenye kîrîa kîrî ngororî cienyu, na amenye kana nîmûkaathîkîra maathani make kana mûtikaamathîkîra.

1Sam 12:22

Ngai-Mûnene nîamûthuurîte mûgatuîka andû ake na nîamwîrîrîte atî ke ndakaamûtiganîria.