Nehemia 9:16 - ÎVUKU RÎA ÛVORO MWARO

¹⁶ Nwatî methe metû ma tene nîmaaûmirie ciongo ciao na magîtuîka etîi, na nîmaaregire kwathîkîra maathani maku.

Nehemia 9:16 ပူးပေါင်းရင်းမြစ်များ

2Atha 17:14

Nwatî nîmaaregire kwathîka; nîmaaûmirie ngoro ciao wata methe mao arîa maaregire gwîtîkia Ngai-Mûnene Ngai wao.

2Maû 29:6

Nîûndû methe metû methîrîtwe matarî evokeku na nîmeekire maûndû macûku mbere ya Ngai-Mûnene, Ngai wetû. Nîmaatiganîrie hekarû îrîa Ngai-Mûnene atûûraga na nîmaavuvatîre Ngai-Mûnene.

2Maû 30:8

Mûtigatuîke aremi ta ûrîa methe menyu mekariî. Nwatî athîkîrani Ngai-Mûnene na mûke hekarûrî vandû varîa amûrîte vatûûre varî vatheru tene na tene. Tungatagîrani Ngai-Mûnene, Ngai wenyu nîguo ndakarakare nîmue rîngî.

2Maû 36:13

Zedekia nîwareganire na mûthamaki Nebukadinezarû ûrîa watûmîte evîte na rîîtwa rîa Ngai atî ndakaaregana nake. Nîwaûmirie kîongo na akîrega gûcokerera Ngai-Mûnene, Ngai wa Isiraeli.

Nehemia 9:10

Nîwaringire ciama cia magegania cia kûregana na ûthamaki wa Misiri, atongoria ake onthe na andû onthe a vûrûri wake, nîûndû nîwamenyete ûrîa maavinyîrîrie methe metû ma tene. Nîwagîre na îgweta wata ûrîa kûrî ûmûnthî.

Nehemia 9:29

Nîwamakaanirie nîguo magarûrûkîre Watho waku. Kûnarî ûguo nîûndû wa mwîtîîo wao nîmaaregire kwathîkîra maathani maku. Nîmaareganire na mawatho maku marîa mûndû angîmathîkîra nwa atûûre mwoyo. Nîmaatuîkire aremi na makîûmia ciongo ciao, na nîmaaregire kwathîka.

Thaburi 106:6

Tue nîtwîvîtie wata ûrîa methe metû ma tene meevirie, nîtwîvîtie na nîtwîkîte maûndû macûku.

Thaburi 81:8

Mue andû akwa, thikîrîriani ngîmûkaania! Mue Isiraeli, naarî kethîrwa nwa mûnthikîrîrie!

Ntha 15:26

Nîwacokire akîmeera atîrî, “Nie nînie Ngai-Mûnene, Ngai wenyu na nînie nîmûvonagia. Ethîrwa mue mûkambathîkagîra na kinyi na mwîkage ûrîa kwagîrîrîte methorî makwa, nie ndikaamûtûmîra mîrimû ta îrîa naatûmîre andû a Misiri.”

Ntha 32:9

Nîmbîcî ûrîa andû aya maûmîtie ciongo.

Nthi 29:1

Mûndû ûrîa ûkaanagua ûndû maita meengî akîûmagia kîongo, agaacûkangua wa rîmwe ûndû atangîvona.

Isaia 48:18

“Naarî kethîrwa nîweguîte maathani makwa! Thayû ûngîakûnyûrûrûkîre ta rûnjî, ûngîagîre na ûthingu mwîngî ta makûmbî ma manjî.

Isaia 48:4

Nîûndû nînamenyaga atî we wî mûremi mûno, na kîongo gîaku kîûmîte ta cuuma, naguo ûthiû waku ûgekara ta gîcango.

Isaia 63:10

Nwatî nîmaareganire nake na makîrakaria roho wake mûtheru. Kwoguo Ngai-Mûnene nîwatuîkire nthû yao na akîrûa nao.

Jeremia 19:15

“Ngai-Mûnene mwene vinya wonthe, Ngai wa Isiraeli arauga atî, ‘Nîngûretera îtûûrarî rîîrî, na matûûrarî monthe maûndû monthe macûku marîa naugire nîngeka kuo, nîûndû nîmaûmîtie ciongo na makarega kwîgua ciugo ciakwa.’ ”

Jeremia 2:31

Mue rûciaro rûrû, thikîrîriani ciugo cia Ngai-Mûnene. Nîkwa mbîthîrîtwe mbîkariî ta werû kûrî andû a Isiraeli, kana vûrûri ûrî na nduma nene? Nîndûî vi gîtûmaga andû akwa mauga atî, “Tûrî na wîathi na tûtigaûka kûrî we rîngî?”

Jeremia 7:26

Nwatî mûtianthikîrîria kana mûmbîgua, nwatî nîmwaûmirie ciongo, na mûgîtuîka aregi gûkîra methe menyu.

Ezek 5:6

Jerusalemu nîyareganire na mawatho makwa na îgîka maûndû macûku gûkîra mavûrûri marîa mengî, îgîtuîka îtûûra îremi gûkîra mavûrûri marîa marîthiûrûrûkîrîtie; nîyareganire na kîrîra gîakwa na matuîro makwa ma ciira.

Ciîko 7:51

Nake Stefano nîwathiîre na mbere na kwaria akiuga atîrî: “Na kaî mue andû aya mûrî aûmû ngoro-î! Atî mue mûtirenda gwîtîkia Ngai wana kana kûthikîrîria ndûmîrîri yake! Atî vîndî cionthe mue nîkwa mûregaga kûthikîrîria Roho Mûtheru. Mue mûreka wata ûrîa methe menyu ma tene meekire.

Aroma 2:5

Nwatî we ûrî na ngoro nyûmû na nîûregete kwîrira. Kwoguo nîûreîngîvîria îvera rîaku rîrîa rîgaakinya mûthenya ûrîa marakara ma Ngai na îtua rîake rîa ma rîkaguûranîrua.

Gûco 31:27

Nîmbicî ûrîa mûmîtie ciongo na mûrî aremi. Ûtûrorî wakwa wonthe namue, mwîthîrîtwe mûkîregana na Ngai-Mûnene na nîmbicî wana nakua, nwa mûkûthiî na mbere na kûmia ciongo makîria.

Gûco 32:15

“Andû a Isiraeli nîmaarîre waro na makînora, nwatî makîregana nake; nîmaanorire magîtunguva na makîvaa mûno. Nîmaareganire na Ngai ûrîa wamaûmbire, na magîtiganîria mûvonokia wao mûnene.

Gûco 5:29

Naarî kethîrwa mageciragia ûguo vîndî cionthe, mandîîage na mathîkagîre maathani makwa! Mangîka ûguo, maûndû mao monthe na ma njiarwa ciao makethagîrwa marî maro tene na tene.

Gûco 9:13

“Ngai-Mûnene nwa wambîrire atîrî, ‘Nîmbicî ûrîa andû acio marî aremi.

Gûco 9:27

Ndûkarorie ûremi, waganu kana wîvia wa andû aya, nwatî ûririkane ndungata ciaku Iburahimu, Isaka na Jakovu.

Gûco 9:6

Kwoguo menyani atî Ngai-Mûnene Ngai wenyu ndaramûva vûrûri ûyû mwaro ûguo nîûndû wa ûthingu wenyu, nîûndû mue mûrî andû aremi.

Ahib 3:13

Vandû va ûguo, ûmanagîrîriani mûndû na ûrîa wîngî mûthenya wa mûthenya rîrîa rîonthe kiugo “Ûmûnthî” gîkaagwetagwa gîkîaria ûvoro ûmwîgiî nîguo gûtikagîe mûndû wana ûmwe gatagatîrî kenyu ûkaaûmia ngoro nîûndû wa mevia.

Ahib 3:15

Nîûndû Mandîko Matheru maugîte atîrî: “Ûmûnthî mûngîgua mûgambo wa Ngai, mûtikaaûmie ngoro cienyu, ta ûrîa methe menyu meekire rîrîa maareganire na Ngai.”