Nehemia 9:15 - ÎVUKU RÎA ÛVORO MWARO

¹⁵ “Mavûta nîwamavere mîgate kuuma îgûrû, na manyonda nîwamavere manjî kuuma rûciararî. Nîwamerire mathiî makegwatîre vûrûri ûrîa wamerîrîte atî nîûkaamava.

Nehemia 9:15 ပူးပေါင်းရင်းမြစ်များ

Kîam 14:22

Aburamu nîwamûcokerie atîrî, “Nie nîngwîvîta nîrî mbere ya Ngai-Mûnene, Ngai ûrîa ûrî Îgûrû Mûno, na ûrîa waûmbire îgûrû na nthî

Nehemia 9:20

Nîwamathomithirie maûndû na njîra ya Roho waku mwaro, na nîwamavaithirie na irio cia maana, na ûkîmava manjî ma kûnyua.

Thaburi 114:8

ûrîa ûgarûraga rûciara rwa îthiga rûgatuîka îria rîa manjî, na mathiga marîa maûmû magatuîka ithima cia manjî.

Ntha 16:4

Ngai-Mûnene nîwacokire akîra Musa atîrî, “Nie nîngûmûnyûrûrûkîria mîgate kuuma îgûrû yure ta mbura. Na wa mûthenya mûndû akathiîcaga akaûngania irîa ikûmwîgana mûthenya ûcio. Ûguo nîguo ûgaatûma menya kana makaambathîkagîra.

Ntha 17:3

Nwatî andû maarî anyondu mûno, na nîmaathiîre na mbere gûteta makîûragia Musa atîrî, “Nîndûî gîatûmire ûtûruta Misiri? Wendaga tûke ûtûragîre gûkû werûrî na nyonda tûrî vamwe na ciana cietû na ng'ombe cietû?”

Ntha 17:6

Nîngaarûngama mbere yenyu îgûrû rîa îthiga kîrîmarî gîa Sinai. Thiî ûkaaringa îthiga rîu na mûragi waku na nîrîkaauma manjî ma kûnyuwa nî andû.” Ûguo nîguo Musa eekire akîonagwa nî atongoria onthe a Isiraeli.

Ntha 6:8

Nanie nîngaamûvira vûrûrirî ûrîa nerîîre Iburahimu, Isaka na Jakovu atî nîngaamava na nîngaamûva guo ûtuîke wenyu. Nie nî Nie Ngai-Mûnene.’ ”

Isaia 48:21

Rîrîa aamatongoririe makîvîtûkîrîra werûrî matianyonda. Nîwatûmire manjî maume îthigarî nîûndû wao, nîwatûranirie îthiga na manjî makiuma mwatûkarî ûcio.

Jeremia 32:23

Nao nîmaatonyire vûrûri ûcio makîwîgwatîra, nwatî matiakwathîkîra kana marûmîrîra watho waku. Matianeka ûndû wanarî ûmwe wa marîa wamaathire. Kwoguo nîûtûmîte manyitwe nî mathîna mama monthe.

Ezek 20:15

Marî werûrî nînevîtire kûrî o ngiuga ndikaamavira vûrûrirî ûrîa naamaveete wîcûrîte îriia na ûûkî na mwaro gûkîra mavûrûri monthe,

Ndari 14:30

Gûtirî mûndû wanarî ûmwe wenyu ûgaatonya vûrûri ûrîa neranîre atî nî ngaamûva, tiga Kalebu mûvîcî wa Jefune na Joshua mûvîcî wa Nuni.

Gûco 1:21

Taroriani, nîguo ûûrîa, thiîni mûkegwatîre guo wata ûrîa Ngai-Mûnene, Ngai wa methe menyu aamwîrire. Mûtigetigîre kana mûmake.’

Gûco 1:8

Taroriani, nîngûmûva vûrûri ûyû wonthe mûrona ûrîa Nie, Ngai-Mûnene nerîîre methe menyu ma tene: Iburahimu, Isaka na Jakovu vamwe na njiarwa ciao na mwîvîtwa atî nîngaamava. Thiîni mwînyitîre guo.’ ”

Gûco 8:3

Nîwatûmire mwînyivie na njîra ya gûtûma mûvûte, akîmûva mana mûkîrîa, irio irîa mue wana methe menyu mataanarûma rîngî. Eekire ûguo nîguo amûthomithie atî twa mûgate guonga ûtûûragia mûndû mwoyo, nwatî atûûragua nî kiugo kîrîa kîonthe kiumîte kanyuarî ka Ngai-Mûnene.