Nehemia 9:11 - ÎVUKU RÎA ÛVORO MWARO

¹¹ Nîwagaanirie îria mbere yao nîguo ûmathondekere njîra, na ûkîmavîtûkîrîria nthî nyûmû. Arîa maamathingatîte nîmaaûrîre manjîrî kûndû kûriku mûno, ta ûrîa îthiga rîvorokagîra manjîrî meengî.

Nehemia 9:11 ပူးပေါင်းရင်းမြစ်များ

Thaburi 66:6

Aagarûrire îria rîgîtuîka nthî nyûmû; andû nîmaaringire rûnjî na magûrû. Natue tûrî kûu nîtwakenire nîûndû wake.

Thaburi 78:13

Nîwagaanirie îria ûkîmavîtûkîrîria kuo, na agîtûma manjî marûngame ta rûthingo mîena yoîrî.

Ntha 14:14

Ngai-Mûnene nîakûmûrûîrîra na gûtirî na vata wa mwîke ûndû wana ûrîkû.”

Ntha 14:25

Nîwatûmire magûrû ma ngari ciao cia mbarathi maremera, na kwoguo nîmaagîre na thîna wa kûthiî mbere. Nao andû a Misiri nîmaaugire atîrî, “Ngai-Mûnene ararûa natue akîrûîrîra andû a Isiraeli. Nîtûre tuume varî o!”

Ntha 14:29

Nwatî andû a Isiraeli maavîtûkîrîre îriarî kûrî nthî nyûmû, na nthingo cia manjî irî mîena yoîrî.

Jeremia 32:20

Nîwaringire ciama na ûgîka maûndû manene Misiri, na nîûthiîte na mbere kûmeka Isiraeli nginya ûmûnthî na ûndû ûcio ûgatûma ûmenyakane.

1Akor 10:1

Ariû na aarî a îthe wetû nîrenda mûririkane maûndû marîa meekîkire kûrî methe metû ma tene arîa maarûmîrîre Musa. Onthe nîmaakunîkîrwe nî îtu na rîkîmagitîra na makîringa îria Îtune.

Ahib 11:29

Wîtîkio nîguo watûmire andû a Isiraeli maringa îria îtune takwa maathiîrîrîte nthî nyûmû. Rîrîa andû a Misiri maageririe kûringa, onthe nîmaaûrîre manjîrî.

Kûguû 18:21

Ngîcoka ngîona mûraika warî na ûvoti oca îthiga rîgana ta rîa kîthîi na akîrikia îriarî. Na aikia îthiga rîu nîwaugire atîrî, “Ûguo nîguo Babuloni îtûûra rîrîa rînene rîkoomomorwa na vinya na rîtigacoka kwoneka rîngî.