Nehemia 8:18 - ÎVUKU RÎA ÛVORO MWARO

¹⁸ Kuuma mûthenya wa mbere wa kîrugo, Ezira nîwamathomagîra gîcunjî Kîam Watho wa Ngai wa mûthenya wa mûthenya. Nîmaakûngûîre kîrugo kîu kavinda ka mîthenya mûgwanja, na mûthenya wa kanana nîmaagomanire vamwe kûgooca wata ûrîa watho waugîte.

Nehemia 8:18 ပူးပေါင်းရင်းမြစ်များ

Nehemia 8:2

Kwoguo Ezira mûthînjîri-Ngai nîwaretire îvuku rîa Watho varîa andû maagomanîte. Andû acio maarî arûme, aka na ciana irîa ingîataûkîrwe nî maûndû. Mûthenya ûcio nîguo warî wa mbere wa mweri wa mûgwanja.

Nehemia 8:3

Ezira arî vau kîvarorî Kîvingorî Kîam Manjî nîwathomere andû onthe watho, arûme, aka na ciana kuuma kîraûko tene nginya mûthenya gatagatî, na andû onthe nîmaathikîrîrîtie waro.

Alawi 23:36

Mûkaarutaga matega ma kûvîvua wa mûthenya îvinda rîa mîthenya mûgwanja. Mûthenya wa kanana mûcoke mûgomane rîngî vamwe nîguo mûgooce na mûndutîre matega ma kûvîvua. Mûthenya ûcio mûtikarutage wîra ûrîa mûrutaga wa mûthenya.”

Alawi 23:41

Mûgaakûngûagîra kîrugo gîkî îvinda rîa mîthenya mûgwanja, mwerirî wa mûgwanja wa mwaka. Watho ûyû nîûtûûra ûrûmagîrîrwa nî njiarwa cienyu.

Ndari 29:35

“Mûthenya wa kanana, mûgaacemanagia nîguo mûgooce Ngai. Mûthenya ûcio mûtikarutage wîra,

Johana 7:37

Mûthenya ûrîa warî wa mûthiia na wa vata mûno wa kîrugo, Jesû nîwarûngamire na akîanîrîra akiuga atîrî, “Mûndû wa wonthe mûnyondu nîaûke kûrî nie, na anyue,