Nehemia 6:8 - ÎVUKU RÎA ÛVORO MWARO

⁸ Nînatûmanire macokio kûrî ke ngiuga atîrî, “Gûtirî ûndû wanarî ûmwe mwîkîku wa maûndû marîa ûrauga. Nîwe ûthondekete maûndû mau monthe we mwene.”

Nehemia 6:8 ပူးပေါင်းရင်းမြစ်များ

Nehemia 6:7

na atî nîûvangîte arathi makaanîrîre ûvoro Jerusalemu atî, ‘Kûrî na mûthamaki Juda’. Mwathi wetû mûthamaki nîakerwa ûvoro ûcio; kwoguo ûka wa rîu twarie ûvoro ûcio tûrî vamwe.”

Ayubu 13:4

Mue mûkunîkîrîte ûrimû wenyu na maveeni, muonthe mûrî ndagîtarî itangîvonia mûndû.

Thaburi 36:3

Aragia maûndû macûku na ma maveeni; nîatigîte gwîka maûndû na ûûgî na gwîka maûndû maro.

Thaburi 38:12

Andû arîa mendaga kûmbûraga nîmanyambagîra mîtego, arîa mendaga mone thîna mavangaga ûrîa makûnjûkangia, matitiganaga na mîvango ya kûmbûraga.

Thaburi 52:2

Ûvangaga vîndî cionthe gûcûkangia arîa engî; rûrîmî rwaku rwîkariî ta kawembe kaûgî. Wîciragia vîndî cionthe gwîka naaî.

Isaia 59:4

Rîrîa mwathiî îgootirî, gûtirî mûndû ûrûmagîrîra kîvooto. Gûtirî mûndû ûthitanganaga arûmîrîrîte ûma. Mwîvokaga mîario îtarî kîene na mûkaveenania, mûtungaga maveeni na mûgatûma maûndû macûku mekîke.

Danieli 11:27

Athamaki acio aîrî nîmagaacoka marîcanîre vamwe, nwatî wa oîrî makaaveenanagia na makathugundaga maûndû macûku megiî ûrîa wîngî. Nwatî gûtirî mûvango wanarî ûmwe ûkaavinga, nîûndû kavinda ka guo gatikeethîrwa karî gakinyu.

Mathaayo 12:34

Mue rûciaro rwa njoka, mûngîvota atîa kwaria maûndû maro na mûrî andû acûku? Kanyua karagia maûndû marîa mecûrîte ngororî.

Johana 8:44

Mue mûrî ciana cia îthe wenyu Ngoma na mwendaga gwîka maûndû wata marîa îthe wenyu endaga gwîka. Kuuma wa Kîammbîrîria ke aarî mûragani na ndaanenda ûvoro wa ma nîûndû ke ndaanaria ûvoro wa ma. Rîrîa araria maveeni ethagîrwa akîaria kîrîa tu kîrî ngororî yake, nîûndû ke nî mûthaani na nîke îthe wa maveeni.

Ciîko 25:10

Nake Paûlo nîwamûcokerie atîrî, “Nie rîu nûngamîte îgootirî rîa Mûthamaki wa Roma kûrîa andû matucagîrwa, na nîkuo mbagîrîrwe nî gûcirithîrua. Gûtirî ûndû mvîtîrîtie Ayahudi naguo. We mwene nîwîcî ûguo waro.

Ciîko 25:7

Rîrîa Paûlo aakinyire, Ayahudi arîa maanyûrûrûkîte kuuma Jerusalemu nîmaarûngamire mamûthiûrûrûkîrîtie na makîambîrîria kûmûthitanga na maûndû meengî macûku marîa mataavota kwonania ûma wamo.