Nehemia 6:7 - ÎVUKU RÎA ÛVORO MWARO

⁷ na atî nîûvangîte arathi makaanîrîre ûvoro Jerusalemu atî, ‘Kûrî na mûthamaki Juda’. Mwathi wetû mûthamaki nîakerwa ûvoro ûcio; kwoguo ûka wa rîu twarie ûvoro ûcio tûrî vamwe.”

Nehemia 6:7 ပူးပေါင်းရင်းမြစ်များ

1Atha 1:18

Nwatî rîu ta roria, Adonija nîatuîkîte mûthamaki, wana ethîrwa we mwathi wakwa mûthamaki ndûicî ûvoro ûcio.

1Atha 1:25

Nîûndû ûmûnthî nîathiîte na akathînja ndegwa, ng'ondu na tûcaû tûrîa tûnoru. Nîetîte avîcî aku onthe, Joabu mûnene wa athigari aku na Abiatharu mûthînjîri-Ngai, na rîu nîkwa mararîa kîrugo makiugagîrîria atî: ‘Ûrotûûratûûra mûthamaki Adonija!’

1Atha 1:34

Kûu nîkuo Zadoku na Nathani makaamwîtîrîria maguta atuîke mûthamaki wa Isiraeli. Mûcoke mûvuve karumbeta mûkiugaga atîrî, ‘Mûthamaki Solomoni ûrotûûratûûra!’

1Atha 1:7

Nîwaririe na Joabu, (ûrîa ng'ina eetagwa Zeruia) na Abiatharu, mûthînjîri-Ngai, na magîtîkîra gûtethia Adonija na makîmûrûmîrîra.

Nehemia 6:6

yaugaga atîrî, “Ûvoro nîwîrîtwe ndûrîrî irîa îtûthiûrûrûkîrîtie na Geshemu wanake nîwarîtie guo, atî we na Ayahudi nîmûrenda kûregana na thirikari, na kîu nîkîo kîratûma mûtuma rûthingo. Wana nîûgîte atî we ûrenda gûtuîka mûthamaki wao

Nehemia 6:8

Nînatûmanire macokio kûrî ke ngiuga atîrî, “Gûtirî ûndû wanarî ûmwe mwîkîku wa maûndû marîa ûrauga. Nîwe ûthondekete maûndû mau monthe we mwene.”

Ciîko 23:15

Kwoguo tûrenda mue vamwe na athuuri a Kîamma Kîam Ayahudi mûtûmane kûrî mûnene wa mbûtû ya athigari a Roma muge mûreterwe Paûlo, mwîtuîte takwa mûrenda kûmenya waro ûvoro ûmwîgiî. Nwatî nîtûkwîthîrwa twîvarîrîtie kûmûraga wana atarî mûkinyu gûkû.”