Nehemia 6:6 - ÎVUKU RÎA ÛVORO MWARO

⁶ yaugaga atîrî, “Ûvoro nîwîrîtwe ndûrîrî irîa îtûthiûrûrûkîrîtie na Geshemu wanake nîwarîtie guo, atî we na Ayahudi nîmûrenda kûregana na thirikari, na kîu nîkîo kîratûma mûtuma rûthingo. Wana nîûgîte atî we ûrenda gûtuîka mûthamaki wao

Nehemia 6:6 ပူးပေါင်းရင်းမြစ်များ

Ezira 4:12

“Nîtûkwenda we mwathi wetû ûmenye atî Ayahudi arîa maaumire mavûrûrirî marîa mengî maku na magîûka gûkû nîmaathiîre Jerusalemu na magîtûûra kuo. Andû acio nîmaambîrîrîtie gûtuma rîngî îtûûra rîu rîaganu na rîareganire nawe. Nîmaratuma nthingo ciarîo rîngî wa vamwe na mîcingi na marî vakuvî kûirîkia.

Ezira 4:15

nîguo wathane gûtuîrue mandîkorî ma athamaki arîa maarî kuo mbere yaku. Mandîkorî mau nîûkwona atî îtûûra rîîrî rîthîrîtwe rîkîregana na athani na kuuma tene rîthîrîtwe rîkîthînia athamaki na anene arîa maathanaga mavûrûrirî marîa mathagwa nî ûthamaki wa Perasia. Andû a kuo tî athîki na kîu nîkîo gîatûmire rîcûkangua.

Nehemia 2:19

Nwatî rîrîa Sanibalati Mûhoroni, Tobia Mûamoni, na Mûarabu wetagwa Geshemu megwire ûrîa twavangaga gwîka, nîmaatûthekerere na magîtûnyarara makiugaga atîrî, “Mûreciria mûreka atîa? Nîkwa mûrenda kûregana na mûthamaki?”

Nehemia 6:13

Maamûrîvîte ambîkîre guoya nîguo njîvie, nao mambigîrîre rîîtwa îcûku nîguo manyararithie.

Nehemia 6:5

Sanibalati nîwacokire agîtûma ndungata yake îmwe kûrî nie rita rîa gatano. Nayo ndûmîrîri îrîa aatûmire yarî maarûarî îtarî mvinge na

Nehemia 6:7

na atî nîûvangîte arathi makaanîrîre ûvoro Jerusalemu atî, ‘Kûrî na mûthamaki Juda’. Mwathi wetû mûthamaki nîakerwa ûvoro ûcio; kwoguo ûka wa rîu twarie ûvoro ûcio tûrî vamwe.”

Jeremia 20:10

Mbîgucaga andû engî makîaria na kîvwe, makiugaga atî: “Guoya ûrî kûndû kuonthe!” Engî marauga: “Nîtûmûthitange! Nîtûmûthitange!” Wana arata akwa onthe arîa mambicî waro metererete kwona ngîgwa. Marauga atî: “Nwa kûvoteke aveenue, tûcoke tûmûvoote na twîrîvîrîrie.”

Mathaayo 5:11

“Kûrathimwa nî mue vîndî îrîa andû mamûruma, mamûnyarira, na mamwigîrîra ing'enyo cia mîthemba na mîthemba nîûndû mûrî arûmîrîri akwa.

Luka 23:2

Nao nîmaambîrîrie kûmûthitanga makiugaga atîrî, “Tue tûranyitire mûndû ûyû akîvîtithia andû a vûrûri wetû. Arameeraga matikarutîre mûthamaki wa Roma mbeca cia gooti na akauga atî ke nîke Mesaya, mûthamaki.”

Johana 19:13

Rîrîa Pilato eegwire ciugo icio, nîwarutire Jesû nja na akîmwîkarîria gîtîrî gîa gûtucanîra ciira kîrîa Kîamrî vandû vetagwa “Rwara rwa Îthiga.” (Na Kîhibirania vetagwa “Gabatha.”)

Aroma 3:8

Nîtuga atîa vi? Tûthiî na mbere na kwîvia nîguo maûndû maro mongerereke? Andû amwe matûûraga matûcambagia makiugaga atî ûguo nîguo tugaga. Nao nîmagaatuîrwa ciira na kîvooto.

2Akor 6:8

Nîtûgathagîrîrua na nîtûcambagua; nîtûkumagua na nîtûrumagwa. Tue tûtucagwa ta andû a maveeni, nwatî twaragia ûma.

1Pet 3:16

Nwatî îkagani ûguo mûrî na ûvoreri na gîtîîo. Îthagîrwani mûrî na thamiri ntheru, nîguo andû arîa maragia ûndû mûcûku ûmwîgiî nîûndû nîmûrûmagîrîra Kristû, maconokage.