Nehemia 6:14 - ÎVUKU RÎA ÛVORO MWARO

¹⁴ Nînavoire Ngai ngiuga atîrî, “Ngai wakwa, ririkana maûndû marîa Tobia na Sanibalati mekîte, wana ûririkane mûrathi ûrîa mûndûmûka wîtagwa Noadia na arathi acio engî arîa maageragia kûmbîguithia guoya.”

Nehemia 6:14 ပူးပေါင်းရင်းမြစ်များ

Nehemia 13:29

Ngai wakwa, ririkana andû acio nîûndû nîmagwatîtie ûthînjîri-Ngai mûgiro wa vamwe na kîrîkanîro Kîam ûthînjîri Ngai na Kîam Alawi.

Nehemia 5:19

Nînakûvoya, Ngai ûririkane kûmbîka waro nîûndû wa maûndû monthe marîa naneka andû aya.

Thaburi 137:7

We Ngai-Mûnene, taririkana ûrîa andû a Edomu meekire, rîrîa Jerusalemu yanyitirwe, maaugire atîrî, “Mîomomoreni nginya mîcingi ya yo!”

Thaburi 22:1

Ngai wakwa, Ngai wakwa, ûndiganîrîtie nîkî? Nîkwa wî kûraca nanie ûguo nîkî, na ûkarega kwîgua ngîgûkaîra?

Thaburi 63:1

We Ngai, nîwe Ngai wakwa, na nîrakwîrirîria na ngoro yakwa. Mwîrî wakwa wonthe nîûrakwîrirîria ta mûndû mûnyondu; ngûnyondete ta nthî nyûmû îtarî na manjî.

Ntha 15:20

Nake mûndûmûka ûmwe mûrathi wetagwa Miriamu, na aarî mwarwang'ina na Aroni, nîwocire tamburini yake, nao aka acio engî nîmaamumire vuva na tamburini ciao makîinagia.

Jeremia 14:15

Kwoguo, nie Ngai-Mûnene nîngûmwîra ûrîa ngwîka arathi aya. Nie ndiamatûma, nwatî methîrîtwe makîaria maûndû mambîgiî, makiugaga atî mbaara, na yûra itingîtharîkîra vûrûri ûyû: nîngaathiria arathi aya na njîra ya mbaara na yûra.

Jeremia 14:18

Nîngiumagara nthiî mûgûndarî, monaga ciimba cia andû arîa maûragîrîtwe mbaararî, nathiî matûûrarî monaga andû magîkua nî yûra! Nîûndû arathi na athînjîri-Ngai methîrîtwe makîruta wîra wao vûrûrirî, matarî na ûmenyo.’ ”

Jeremia 28:1

Mwaka wa ûcio, mweri wa gatano mwaka wa kana Zedekia arî mûthamaki wa Juda, Hanania mûvîcî wa Azuri, mûrathi kuuma îtûûra rîa Gibeoni, nîwaririe nanie nîrî hekarûrî, na mbere ya athînjîri-Ngai na andû onthe na akiuga atîrî,

Jeremia 28:10

Nake mûrathi Hanania nîwacokire agîoca îcoki kuuma ngingorî ya mûrathi Jeremia na akîriunanga.

Jeremia 28:15

Nake mûrathi Jeremia nîwerire mûrathi Hanania atîrî, “Hanania, tathikîrîria! Ngai-Mûnene ndaagûtûma, na nîûtûmîte andû aya metîkie maûndû ma maveeni.

Mathaayo 24:11

Arathi eengî a maveeni nîmagaacoka meyumîrie na mavîtithie andû eengî.

Mathaayo 24:24

Nîûndû Mesaya a maveeni na arathi a maveeni nîmakeyumîria. Nîmakoonania ciama na morirû nîguo mangîvota mavîtithie andû arîa Ngai ethuurîrîte.

Mathaayo 7:15

“Îîmenyagîrîreni arathi a maveeni arîa maûkaga kûrî mue mekariî ta ng'ondu, nwatî ndaarî yao mekariî ta ciathi ngoroku.

2Tim 3:8

Wata ûrîa Jane na Jambare maakararirie Musa, ûguo nwaguo andû acio maakararirie ûvoro wa ma. Andû acio methagîrwa na meciria macûku na nîagwîu ûvororî wa wîtîkio.

1Joh 5:16

Ûngîona mûndû agîka rîvia rîrîa rîtangîtûma mûndû aûragwe mûvoere, na Ngai nîakaava mûndû ûcio mwoyo. Ûndû ûyû wîkîkaga kûrî andû arîa mekîte wîvia ûtangîtûma makue. Nwatî kûrî na wîvia ûtûmaga mûndû akue. Ndirauga atî mûndû nwa avoe nîûndû wa rîvia rîu.

Kûguû 19:20

Nayo nyamû nîyanyitirwe wa vamwe na mûrathi wa maveeni ûrîa waringaga ciama îrî vo. (Na njîra ya ciama icio, mûrathi ûcio wa maveeni nîwavîtithirie arîa maarî na rûûri rwa nyamû na maagoocete mûvuanano wayo.) Nyamû îo na mûrathi ûcio wa maveeni nîmaaikirue marî mwoyo îriarî rîa mwaki ûrîa wakanaga na ûviriti.