Nehemia 6:12 - ÎVUKU RÎA ÛVORO MWARO

¹² Rîrîa neciririe îgûrû rîa ûndû ûcio, nînaamenyire atî Ngai ndaatûmîte Shemaia, nwatî aaragia ûguo nîûndû Tobia na Sanibalati nîmaamûnengerete kîndû nîguo avote kwaria ûguo aaragia.

Nehemia 6:12 ပူးပေါင်းရင်းမြစ်များ

Nehemia 6:11

Nînaamûcokerie atîrî, “Mûndû tanie anga nwa aûre? Mûndû tanie nwa athiî kwîthitha hekarûrî atî nîguo avonokie mwoyo wake? Tî nthiî kuo.”

Nehemia 6:13

Maamûrîvîte ambîkîre guoya nîguo njîvie, nao mambigîrîre rîîtwa îcûku nîguo manyararithie.

Isaia 56:11

Mekariî ta ngui ngoroku, irîa itavaaga. Arîthi acio matirî ûmenyo; onthe nîagarûrûku na wa mûndû akethiîra njîra yake ke mwene, wa mûndû acaragia ûrîa akwîguna ke mwene.

Jeremia 14:14

Nake Ngai-Mûnene nîwanjokerie atîrî, “Arathi maratûmîra rîîtwa rîakwa kwaria maveeni; nie ndianamatûma kana nîmatha, wana kana mbaria nao. Maramûrathîra cioneki cia maveeni, woni ûtarî na vata na maûndû marîa mecirîtie o ene.

Jeremia 23:16

Ngai-Mûnene nîwerire andû a Jerusalemu atîrî, “Mûtikathikagîrîrie arathi arîa mamûrathagîra, makîmûvecaga ciîrîgîrîro itavingaga, maragia ûvoro wa cioneki cia gwîciirîria na tî maûndû marîa nîmerîte maarie.

Jeremia 23:25

Nîmbîguîte maûndû ma maveeni marîa arathi arîa maaragia maveeni marîtie mambîgiî na njîra ya rîîtwa rîakwa makiugaga atî, ‘Nîrîmûrotu! Nîrîmûrotu!’

Jeremia 28:15

Nake mûrathi Jeremia nîwerire mûrathi Hanania atîrî, “Hanania, tathikîrîria! Ngai-Mûnene ndaagûtûma, na nîûtûmîte andû aya metîkie maûndû ma maveeni.

Ezek 13:19

Mue nîmûmbagithîtie gîtîîo mbere ya andû akwa nîûndû wa kûvewa îvaki rîa cairi ya ngundi na tûirio tûnini. Nîmûragithîtie andû arîa matagîrîrwe nî kûragwa na mûkavonokia andû arîa matagîrîrwe nî gûtûûra mwoyo na njîra ya kûveenia andû akwa nao magetîkia maveeni menyu.’ ”

Ezek 13:22

“Maveeni menyu nîmathirîtie andû arîa athingu vinya, na ndiendaga kûmathiria vinya. Nîmwîkîrîte andû arîa aganu vinya nîguo matigatige gwîka maûndû ma waganu mavonokie mîoyo yao.

Ezek 13:7

Mûtirona cioneki icio cienyu tî cia ma, na ûrathi ûcio wenyu nîwa maveeni. Mugaga atî nî Ngai-Mûnene ugîte, nwatî nie ndiarîtie!”

Mika 3:11

Atucanîri ciira marutaga wîra wao nîguo mavewe îvaki, athînjîri-Ngai mathomithagia watho nîguo marîvwe, nao arathi mataûraga cioneki nîguo mavewe mbeca. Kûnarî ûguo nîmetîîaga megiritanîtie na Ngai-Mûnene makiugaga atîrî, “Ngai-Mûnene arî vamwe natue, na gûtirî ûndû mûcûku ûngîtûnyita!”

Ciîko 20:33

Nie ndianacumîkîra sîlûva, thaavu kana nguo cia mûndû wana ûrîkû.

1Akor 12:10

Roho nîavecaga mûndû ûmwe kîveo gîa kûringa ciama; kûrî wîngî akavecana ûvoti wa kûvecana ndûmîrîri ya Ngai; na kûrî wîngî akavecana ûvoti wa kûthuurûkania nî iveo irîkû ciumanîte na Roho na nî irîkû itaumanîte na Roho. Roho nîavecaga mûndû ûmwe ûvoti wa kwaria na nthiomi cia mîthemba ngûrani, na kûrî mûndû wîngî akavecana ûvoti wa gûtaûra nthiomi icio.

1Akor 2:15

Mûndû wa wonthe ûrî na Roho nîavotaga gûtuîria maûndû monthe, nwatî gûtirî mûndû ûngîvotaga kûmûtuîria.

1Tim 3:3

Ndagîrîrwe nî kwîthîrwa arî mûrîu kana mûndû wa înegene, nwatî agîrîrwe nîkwîthîrwa arî mûndû mûkirîrîria na mwendi thayû na ûtarî mûkorokeri mbeca.

Tito 1:7

Mûtongoria wa kanitha arutaga wîra wa Ngai, kwoguo ndagîrîrwe nî kwîthîrwa arî na ûcuke. Ndagîrîrwe nî kwîthîrwa arî mwîtîi, mûrakari narua, mûrîu wa njovi, mwendi mbaara kana mûkorokeru mbeca.

1Pet 5:2

mûrîthagie ndîthia îrîa Ngai aamûvere. Rûmenyagîrîreni mûrî na wendi na tî ûndû wa kûringîrîrua. Ûguo nîguo Ngai endaga mwîke. Rutagani wîra wenyu mûrî na wendi ûrîa wa ma wa gûtungata na tî ûndû wa kwenda mbeca.

2Pet 2:3

Nîûndû wa ûkoroku wao, arimû aya a maveeni magetongagia na njîra ya kûmûganîra ng'ano cia gwîtungîra. Na kwa îvinda îraca Mûmacirithia ethîrîtwe evarîrîtie, na mûmacûkangia atamamiî!

1Joh 4:1

Arata akwa, mûtigetîkagie andû onthe arîa maugaga atî marî na Roho. Nwatî ambagani mûkamaroria waro nîguo mûmenye kana roho ûrîa marî naguo umîte kûrî Ngai nîûndû kûrî na arathi eengî a maveeni meyumîrîtie gûkû nthî.

Kûguû 18:13

Nî mendagia mîthemba yonthe ya maguta na mîtu ya goro yanungaga waro mûno. Nî mendagia indo cia kûrîwa na kûnyua ta ndivei, maguta, mûtu, ngano, ng'ombe, ng'ondu, na mbarathi, ikaari cia gûkuua andû kana mîrigo, na makendia ngombo. Indo icio cionthe itiagûragwa.