Nehemia 6:11 - ÎVUKU RÎA ÛVORO MWARO

¹¹ Nînaamûcokerie atîrî, “Mûndû tanie anga nwa aûre? Mûndû tanie nwa athiî kwîthitha hekarûrî atî nîguo avonokie mwoyo wake? Tî nthiî kuo.”

Nehemia 6:11 ပူးပေါင်းရင်းမြစ်များ

Nehemia 6:12

Rîrîa neciririe îgûrû rîa ûndû ûcio, nînaamenyire atî Ngai ndaatûmîte Shemaia, nwatî aaragia ûguo nîûndû Tobia na Sanibalati nîmaamûnengerete kîndû nîguo avote kwaria ûguo aaragia.

Nehemia 6:3

Nînatûmire anjaama kûrî o makerwe atîrî, “Nînîraruta wîra wa vata ndingîvota gûka. Kûrî na vata ûrîkû wîra ûrûngame nîûtiganîrîtie wa nîguo mbûke kûrî mue.?”

Nehemia 6:9

Meendaga gûtûmakia magîciria nîtûgûtiga kûruta wîra. Nwatî nînavoire ngiuga atîrî, “Ngai tûma ngîe na vinya.”

Thaburi 112:6

Mûndû ûrîa mûthingu ndakaavootwa; agaatûûra aririkanagwa tene na tene.

Thaburi 112:8

Ndamakaga na ndetigagîra, nginya rîrîa akoona nthû ciake ikîvootwa.

Nthi 28:1

Mûndû mwaganu aûraga wana atarî mûvinyûrie nî mûndû, nwatî ûrîa mûthingu ethagîrwa aûmîrîrîtie ta mûnyambû.

Mûvunjia 10:1

Ngi irî nguû nîitûmaga maguta manungi waro manunga naaî, ûrimû mûnini nîûcûkagia ûûgî na gîtîîo.

Isaia 10:18

Naguo riiri wa mîtitû yake na mîgûnda yake mînoru; Ngai-Mûnene nîakamîcûkangia îthire viû, îkethîrwa îkariî ta ûrîa mûndû athiragua nî mûrimû.

Ndari 3:10

Nî ûkathuura Aroni na avîcî ake matuîke athînjîri-Ngai, nwatî mûndû wîngî wa wonthe ûkaageria kûruta wîra ûcio, nîakaaûragwa.”

Ciîko 20:24

Nwatî ndionaga mwoyo wakwa ûrî na vata wana vanini. Ûndû ûrîa ûrî na vata nî kûrîkia wîra na gûkinyîra mûthiia wa ûtungati ûrîa Mwathani Jesû aamveere ndute, naguo nî kûvecana Ûvoro Mwaro wîgiî wega wa Ngai.

Ciîko 21:13

Nwatî nîwatûcokerie atîrî, “Mue mûreka atîa? Mûrarîra methori na mûkambûraga ngoro nîkî? Nie nînîvarîrîtie kwovwa njeera wana gûkua nîrî kûu Jerusalemu nîûndû wa rîîtwa rîa Mwathani Jesû.”

Ciîko 8:1

Saûlo nîwetîkîre atî kûûragwa kwa Stefano nîkwagîrîrîte. Mûthenya wa ûcio kanitha nîyambîrîrie kûnyarirwa mûno kûu Jerusalemu. Nao etîkia onthe, tiga atûmwa, nîmaanyagarûkire mavûrûrirî ma Judea na Samaria kuonthe.

Afil 2:17

Kwavoteka mbûragwe; na njîra ta îno nîngîthîrwa mbîkariî ta kîgongoona kîrîa mûrutagîra Ngai nîûndû nîmwîtîkîtie. Kûngîtuîka ûguo, nwa mbîthîrwe nîrî na gîkeno na nganyitanîra gîkeno gîakwa na mue muonthe.

Afil 2:30

nîûndû aarî vakuvî gûkua nîûndû wa wîra wa Kristû. Ekire ûguo nîguo andethie na ûtethio ûrîa mue mûtangîavotire kûmva.

Ahib 11:27

Wîtîkio nîguo watûmire Musa auma Misiri atagwîtigîra marakara ma mûthamaki. Nîwaregire gûcoka na akîthiî na mbere takwa onete Ngai ûrîa ûtonekaga.

1Sam 19:5

Nîweîkîrire ûgwatirî mûnene rîrîa aaûragire Goliathu na Ngai-Mûnene agîtûma Aisiraeli mavootane. Rîrîa wonire ûndû ûcio, we nîwakenire. Rîu we ûrenda gwîka ûndû ûyû mûcûku nîkî wa gwîtûrûra nthakame ya mûndû ûtarî na wîvia na njîra ya kûûraga Daudi vatarî na gîtûmi?”