Nehemia 5:19 - ÎVUKU RÎA ÛVORO MWARO

¹⁹ Nînakûvoya, Ngai ûririkane kûmbîka waro nîûndû wa maûndû monthe marîa naneka andû aya.

Nehemia 5:19 ပူးပေါင်းရင်းမြစ်များ

Kîam 40:14

Rîrîa maûndû maku makaagîra, nakûthaitha ûkaandirikana ûmbîguîre ntha na ûkaangweta kûrî mûthamaki nîguo ndutwe gûkû njeera.

2Atha 20:3

“We Ngai-Mûnene nakûthaitha ûririkane ûrîa ngûtungatîrîte na wîvokeku na ngoro yonthe, na vîndî cionthe mbîkaga maûndû marîa magûkenagia.” Nîwacokire akîrîra arî na ûrûrû mwîngî mûno.

Nehemia 13:14

Ndirikana Ngai wakwa. Ndûkariganîrwe nî maûndû maro marîa mbîkîte nîûndû wa nyomba yaku na ûtungata waku.

Nehemia 13:22

Nînathire Alawi metherie na mathiî makarangîre ivingo nîguo mone atî thavatû nîgwîkara îrî nyamûre. Ngai wakwa, ndirikana nîûndû wa ûndû ûyû wanaguo na ûmbîguîre ntha nîûndû wa wendo waku ûtathiraga.

Nehemia 13:31

Nînavangire ûrîa ngû ikaaretagwa mavinda marîa maagîrîru, na matega ma matunda ma mbere vîndî îrîa matunîva. Ndirikana we Ngai wakwa, nîûndû wa maûndû mau monthe.

Thaburi 106:4

We Ngai-Mûnene, ûndirikane ûgîka andû aku maûndû maro; ûndirikane ûkîvonokia andû aku,

Thaburi 40:17

Nie nîrî mûthîni na ndirî na vinya, nwatî we Mwathani ndûriganagîrwa nînie. We nîwe mûvonokia wakwa na Ngai wakwa; ûka we Ngai wakwa na ndûgekare!

Jeremia 29:11

Nîûndû, nie Ngai-Mûnene nîmbîcî mîvango îrîa nîrî nayo kûrî mue, mîvango ya maûndû maro na tî maûndû macûku nîguo mûtûûrîre wenyu wa vîndî îrîa îgaûka wîthîrwe ûrî na kîîrîgîrîro.

Mathaayo 10:42

Nîramwîra na ma atî mûndû wa wonthe ûvecaga ûmwe wa aya anini gîkombe Kîam manjî ma mvevo ma kûnyua nîûndû nî arutwa akwa, nîakaavewa kîveo.”

Maariko 9:41

Nîramwîra na ma atî mûndû wa wonthe ûkaamûva manjî ma kûnyua nîûndû mûrî akwa, nîakaavewa îgai rîake.