Nehemia 5:15 - ÎVUKU RÎA ÛVORO MWARO

¹⁵ Anene onthe arîa maathanaga mbere yakwa nîmaaigîrîrîte andû mîrigo mîrito. Nîmeetagia kuuma kûrî wa mûndû sîlûva mîrongo îna na îgûrû rîa icio magetia irio na ndivei. Wana ndungata ciao nîciavinyagîrîria andû. Nwatî nie ndieka ûguo, nîûndû nînetigagîra Ngai.

Nehemia 5:15 ပူးပေါင်းရင်းမြစ်များ

Kîam 20:11

Iburahimu nîwacokirie atîrî, “Nie nekire ûguo nîûndû neciragia gûkû gûtingîthîrwa kûrî na mûndû wîtigîrîte Ngai, na atî nwambûragwe nîûndû wa mûka wakwa.

Kîam 42:18

Mûthenya wa kathatû Josefu nîwamerire atîrî, “Nie nîrî mûndû wîtigîrîte Ngai, kwoguo nîmûgûtûûra mwoyo mweka ûndû ûyû ûmwe.

Nehemia 5:16

Narutire wîra wa gûtuma rûthingo rîngî na vinya wakwa wonthe na gûtirî kîndû negîrîre nakîo. Nethagîrwa na ndungata ciakwa cionthe wîrarî ûcio wa gûtuma rûthingo.

Nehemia 5:9

Kwoguo nînaugire atîrî, “Ûndû ûcio mûreka tî mwaro! Mwagîrîrwe nî kwathîkîra Ngai na mwîke ûrîa kwagîrîrîte. Na mweka ûguo tîmûva nthû cietû na nîo andû a ndûrîrî kamweke ga gûtûthekerera.

Ayubu 31:23

Nîûndû nînetigagîra kûverithua nî Ngai, ndingîekire ûndû ta ûcio.

Thaburi 112:1

Kumiani Ngai-Mûnene! Kûrathimwa nî mûndû ûrîa wîtigîrîte Ngai-Mûnene, ûrîa ûkenaga mûno rîrîa akwathîkîra maathani make.

Thaburi 147:11

Nwatî Ngai-Mûnene akenagua nî arîa mamwîtigagîra, arîa mevokaga wendo wake ûtathiraga.

Nthi 16:6

Gûtuîka mwathîki na mwîvokeku nîgûtûmaga Ngai overe mûndû mevia. Gwîtigîra Ngai-Mûnene nî kûgiragia mûndû eke maûndû macûku.

Nthi 29:12

Mûthamaki angîthikagîrîria maûndû ma maveeni, anene ake onthe matuîkaga aganu.

Isaia 50:10

Nû gatagatîrî kenyu wîtigîrîte Ngai-Mûnene na wathîkagîra mûgambo wa ndungata yake, wana ethîrwa athiîcagîrîra ndumarî atarî na ûtheri, nîevokete Ngai-Mûnene na nîevokaga Ngai wake.

Jeremia 32:9

Nînagûrire mûgûnda ûcio warî Anathothi kuuma kûrî Hanameli mûvîcî wa mama na ngîmûrîva mbeca mwîgana wa sîlûva îkûmi na mûgwanja.

Maca 5:8

Tue twathagwa nî ngombo, tûtirî na mûndû wa gûtûkûûra kuuma njararî ciao.

Mathaayo 5:47

Na ethîrwa mwaragîria tu wa arata enyu, anga kûrî na ûndû mweka ûtekagwa nî andû arîa engî? Wana andû arîa matetîkîtie Ngai nîmekaga wa guo.

2Akor 11:9

Na rîrîa twarî namue ndiamwîtia ûtethio rîrîa nendaga mbeca. Arata akwa kuuma Makedonia nîmaandetere kîndû kîonthe kîrîa naavatarîte. Ndiatuîka mûrigo kûrî mue na ndigaatuîka mûrigo wana rî.

2Akor 12:13

Nîûndû ûrîkû mûcûku mwekirwe makîria ya makanitha marîa mengî, tiga atî nie ndiamûnogia ngîenda ûtethio wa mbeca? Njoverani nîûndû wa kûmûvîtîria!

1Sam 8:15

Ke nîagecûkia gîcunjî gîa îkûmi gîa mbeû cienyu wana cia mîgûnda yenyu ya mîthavibu na aivecane kûrî anene a athigari ake na kûrî ndungata ciake.