Nehemia 5:14 - ÎVUKU RÎA ÛVORO MWARO

¹⁴ Natwirwe mûnene wa vûrûri wa Juda mwakarî wa mîrongo îîrî kuuma mûthamaki Aritakiserikise ambîrîria kwathana nginyagia mwakarî wake wa mîrongo îthatû na îîrî. Naarî mûnene îvinda rîa mîaka îkûmi na îîrî. Kavinda kau konthe nekarire nîrî mûnene, ndiarîa irio irîa naagîrîrwe nîkûrîa nîrî mûnene wana andû etû matiairîa.

Nehemia 5:14 ပူးပေါင်းရင်းမြစ်များ

Nehemia 1:1

Ûyû nîguo mûtaratara wa maûndû marîa Nehemia, mûvîcî wa Hakalia eekire. Aritashasike aarî mûthamaki wa Perisia. Mweri wa Kisilevu mwaka wa mîrongo îîrî kuuma atuîka mûthamaki, nie Nehemia, naarî Susa îtûûra rîrîa rînene.

Nehemia 13:6

Ndiarî Jerusalemu vîndî îrîa maûndû mama mekîkaga, nîûndû mwakarî wa mîrongo îthatû na îîrî îrîa Aritakiserikise ethîrîtwe arî mûthamaki wa Babuloni nînathiîte kûmûmenyithia maûndû. Vuvarî nînacokire ngîûria mûthamaki amve rûtha nthiî,

Nehemia 2:1

Mûthenya ûmwe mwerirî wa Nisani mwaka wa mîrongo îîrî rîrîa mûthamaki Aritashasike aarîcaga irio, nînaamûvirîre ndivei. Ndoonete nîrî na kîeva ûguo mbererî.

Mathaayo 25:16

Ndungata îrîa yaverwe mbeca cia sîlûva ngiri ithano, nîyathiîre wa rîmwe, na îgîcionjorithia, na îkîona ngiri ciîngî ithano.

1Akor 9:18

Mûcara wakwa nî ûrîkû vi? Mûcara wakwa nî ûyû: atî vîndî îrîa nîravunjia Ûvoro Mwaro, mbîkage guo ndakûrîvia na ndagûtûmîra ivooto ciakwa wîrarî wakwa wa kûvunjia ûvoro mwaro.