Nehemia 5:13 - ÎVUKU RÎA ÛVORO MWARO

¹³ Nînarutire nguo yakwa îrîa nerigicîrîtie kîûnû na ngîmîrivariva na ngiuga atîrî, “Ûguo nîguo Ngai akaarivariva mûndû wa wonthe ûtakaavingia ûrîa eranîra. Ngai nîakaamûcuna nyomba cienyu na indo cionthe irîa mûrî nacio, amûtige mûtarî na kîndû.” Nao andû onthe arîa maagomanîte vau nîmaaugire “Ameni” na nîmaagocire Ngai. Nao andû nîmeekire ûrîa meeranîrîte.

Nehemia 5:13 ပူးပေါင်းရင်းမြစ်များ

2Atha 23:3

Mûthamaki nîwarûngamire vakuvî na gîtugî na akîrûtha kîrîkanîro na Ngai-Mûnene. Nîwamwîrîre atî akaamwathîkagîra, akaavingagia mawatho make, maathani make na kîrîra gîake na ngoro yake yonthe na mwoyo wake wonthe na kûvingia maûndû monthe megiî kîrîkanîro gîkî wata ûrîa kwandîkîtwe îvukuurî rîîrî. Nao andû onthe nîmeranîre atî nîmakûvingia kîrîkanîro.

1Maû 16:36

Ngai-Mûnene, Ngai wa Isiraeli, Nîakumue! Nîakumue nginya tene na tene.” Andû onthe nîmaacokire makiuga, “Ameni,” na nîmaakumirie Ngai-Mûnene.

Nehemia 8:6

Ezira nîwaugire atîrî, “Ngai-Mûnene, Ngai ûrîa mûnene nîakumue!” Andû onthe nîmaambararirie njara na îgûrû rîerarî na magîcokia atîrî, “Ameni! Ameni!” Nao nîmaaturirie maru magîturumithia mothiû mao nthî na makîgooca Ngai-Mûnene.

Thaburi 119:106

Nîmbîranîrîte na mwîvîtwa na nîngindîrîtie ûndû ûcio, atî ngaarûmagîrîra matuîro maku ma kîvooto.

Thaburi 50:14

Gûcokeria Ngai ngatho nîrîtuîke îgongoona rîaku, na ûvingagie ûrî warîkanîre Ngai ûrî ûrî Îgûrû.

Thaburi 76:11

Vingîriani Ngai-Mûnene, Ngai wenyu maûndû marîa wamwîrîre; mue andû a mavûrûri monthe marîa marî vakuvî reterani Ngai iveo. Ngai nîatûmaga andû onthe mamwîtigîre.

Nthi 28:4

Andû arîa mareganaga na watho makumagia andû arîa aganu, nwatî arîa mathîkagîra watho nîmareganaga na andû arîa aganu.

Mûvunjia 5:5

Nî kava kûrega kwîranîra ûndû gûkîra kwîranîra na ûrege kûvingia ûrîa wîranîrîte.

Ndari 5:22

Manjî mama marotonya îvurî rîaku na matûme rimbe na ciîga ciaku cia ûciari ithire vinya.” Nake mûndûmûka nîagaacokia atîrî, “Ameni, Ameni.”

Mathaayo 10:14

Na ethîrwa gûtirî mûndû wana ûmwe ûkûmûgwata ûgeni kana amûthikîrîrie, mûkiuma mûciî ûcio kana îtûûrarî rîu, rivarivani rûkûngû kuuma magûrûrî menyu.

Ciîko 13:51

Kwoguo Paûlo na Baranaba nîmeerivaririvire rûkûngû kuuma magûrûrî mao rûrî ta rûûri rwa kûrega andû a îtûûra rîu na makîthiî Ikonia.

Ciîko 18:6

Nao nîmaamûkararirie na makîmûruma. Kwoguo nîwarivarivire rûkûngû kuuma nguorî ciake na akîmeera atîrî, “Mwona mwarega kûvonoka, nî venyu! Nie ndirî vo! Kuuma rîu nie nîngûthiî kûrî andû a ndûrîrî.”

1Akor 14:16

Nwatî ethîrwa mue mûkumagia Ngai na roho wenyu, mûndû ûrîa ûtarî mûtaûkîre na mûrî nake mavoyarî menyu angîvota atîa kuga “Ameni”? Ke ndangîvota kûmenya ûrîa ûrauga.

1Sam 15:28

Nake Samueli akîîra Saûlo atîrî, “Ngai-Mûnene nîatembûra ûthamaki wa Isiraeli kuuma kûrî we ûmûnthî na nîa akaûvecana kûrî mûndû wîngî mwaro gûgûkîra.