Nehemia 3:15 - ÎVUKU RÎA ÛVORO MWARO

¹⁵ Shalumu mûvîcî wa Kolihoze, ûrîa wathaga vûrûri wa Mizipa nîwatumire rîngî kîvingo gîa kîthima Kîam manjî. Nîwaimbire kîvingo kîu, na agîgîtumîra mûrango na agîkîra irenji na mîkîgo ya kûûvinga. Nîwatumire rûthingo vakuvî na karia ga Shela rûriganîtie na mûgûnda wa mûthamaki. Rûthingo rûu aatumire rwakinyîte ngathîrî îrîa înyûrûrûkaga kuuma îtûûrarî rîrîa rînene rîa Daudi.

Nehemia 3:15 ပူးပေါင်းရင်းမြစ်များ

2Sam 5:9

Daudi arîkia gûcuunana îtûûra rîu rîairigîrîtwe na rûthingo rwa vinya, nîwatûûrire kuo na akîrîtuîra rîîtwa, “Îtûûra rîa Daudi.” Nîwacokire agîtuma îtûûra rîrigicîrîtie ambîrîrîtie mwena wa îrathîro wa kîrîma nîûndû kûu nîkuo mûthetu waikîrîtue gûkaragana waro.

2Atha 25:4

Rûthingo rwa îtûûra nî rwomorirwe mwena ûmwe na mûthamaki vamwe na athigari onthe a mbaara nîmaaûrire ûtukû mavîtûkîrîrîte mûgûndarî wa mûthamaki. Maavîtûkîrîre kîvingorî kîrîa Kîamrî gatagatî ka nthingo igîrî, na nîmaathiîre merekerete mwena wa Araba, wana ethîrwa athigari a Babuloni nîmaarigicîrîtie îtûûra.

2Maû 32:30

Hezekia nîke wavingire kûrîa manjî ma ithima cia Gihoni maaumagîrîra mwena wa îgûrû na akîmatemera mîtaro manyûrûrûke na mwena wa îthûîro wa îtûûra rîa Daudi. Maûndû monthe marîa Hezekia aambagîrîria, nîmaavucaga.

Nehemia 12:37

Kîvingorî kîrîa Kîamrî kîthimarî Kîam manjî nîmaaunûkirie mathiîrîrîte ngathîrî îrîa yathiîte îtûûrarî rînene rîa Daudi. Nîmaavîtûkire mûciî wa mûthamaki Daudi, na nîmaathiîrîre vuva wa rûthingo nginya kîvingorî Kîam manjî, mwena wa îrathîro wa îtûûra rîa Jerusalemu.

Nehemia 2:14

Nînaacokire ngîthiî Kîvingorî gîa Kîthima Kîam manjî na ngîthiî Kariarî ka Mûthamaki. Nwatî kûu kuonthe gûtiarî vandû vangîvîtûkîrîrwa nî mvunda îrîa nekarîrîte.

Nehemia 2:17

Nwatî nînaamerire atîrî, “Taroriani thîna ûrîa tûrî naguo nîûndû Jerusalemu nînyomomoku na ivingo ciakuo nî njûkangie nî mwaki! Tigani tûtume rîngî rûthingo rwa Jerusalemu nîguo tûtige kûnyararûa.”

Nehemia 3:12

Shalumu mûvîcî wa Haloheshi nîwatumire rîngî gîcunjî kîrîa Kîamriganîtie na kîrîa gîatumirwe nî Hashubu. Shalumu nîwatethagua nî aarî ake wîrarî wa gûtuma.

Nehemia 3:14

Malikija mûvîcî wa Rekabu, ûrîa wathaga vûrûri wa Bethi-hakeremu nîwatumire rîngî kîvingo kîrîa gîtecagwa gîko. Nîwekîrire mîrango ya kîvingo na agîkîra irenji na mîkîgo ya kûvinga mûrango ûcio.

Nehemia 3:19

Nakîo gîcunjî kîrîa Kîamthingatîte kîu gîatumirwe rîngî nî Ezeri mûvîcî wa Jeshua. Gîcunjî kîu aatumire Kîamroranîtie na nyomba îrîa yaigagwa indo cia mbaara na Kîamthiîte nginya varîa rûthingo rweyunîrîte.

Nehemia 3:7

Melatia ûrîa waumîte Gibeoni, Jadoni ûrîa waumîte Meronothi, andû a Gibeoni na andû a Mizipa arîa maathagwa nî mûnene wa vûrûri ûrîa ûrî mwena wa îthûîro wa Rûnjî rwa Farati, nîmaatumire rîngî gîcunjî kîrîa Kîamriganîtie na kîu Kîam Joiada.

Nehemia 3:9

Ragaia mûvîcî wa Huri ûrîa wathaga nuthu ya vûrûri wa Jerusalemu, nîwatumire rîngî gîcunjî kîrîa Kîamriganîtie na kîrîa gîatumirwe nî Hanania.

Mûvunjia 2:6

Nînenjire iriko cia manjî ma gwîtîrîria mîtî îo.

Isaia 8:6

“Andû aya nîmarega manjî ma karûnjî ga Shiloa marîa metîkaga kavora na megua guoya nîûndû wa mûthamaki Rezini na mûthamaki Peka, mûvîcî wa Remalia.

Jeremia 40:6

Jeremia nîwacokire akîthiî Mizipa kûrî Gedalia mûvîcî wa Ahikamu na magîkara nake vamwe na andû arîa maatigirwe kûu vûrûrirî.

Luka 13:4

Î nao andû arîa îkûmi na anana maakwire vîndî îrîa maagwîrîrwe nî nyomba îrîa yarî ndaca mûno îtûûrarî rîa Siloamu; nîkwa mwîciragia ûguo kwonanirie atî maarî evia gûkîra andû arîa engî onthe maatûûraga îtûûrarî rîa Jerusalemu?

Johana 9:7

na akîmwîra atîrî, “Thiî ûkethambie metho îriarî rîa Siloamu.” (Siloamu nî kuga “Ûrîa mûtûme.”) Kwoguo mûndû ûcio nîwathiîre akîîthambia na agîcoka akîonaga.

Atir 20:1

Andû onthe a Isiraeli kuuma Dani mwena wa rûgûrû nginya Berisheba mwena wa îveti, vamwe na a kuuma vûrûrirî wa Gileadi mwena wa îrathîro, nîmaagomanire vamwe mbere ya Ngai-Mûnene marî gîkundi kîmwe kûu Mizipa.

Atir 20:3

Andû a mûvîrîga wa Benjamini nîmeguire atî Aisiraeli arîa engî onthe nîmaagomanîte kûu Mizipa. Aisiraeli nîmaaûririe Mûlawi ûrîa atîrî, “Twîre ûrîa mavîtia mama meekirwe.”