Nehemia 2:20 - ÎVUKU RÎA ÛVORO MWARO

²⁰ Nînaacokire ngîmacokeria atîrî, “Ngai wa îgûrû nîke ûgaatûma tûvootane. Tûrî ndungata ciake na nîtûkwambîrîria gûtuma. Nwatî mue mûtirî na kîndû mûrî nakîo gûkû Jerusalemu na gûtirî na kîndû kîngîtûma mûririkanagwe kuo.”

Nehemia 2:20 ပူးပေါင်းရင်းမြစ်များ

2Maû 26:5

Uzia nîwathîkagîra Ngai mavinda marîa Zekaria aarî mwoyo, nîûndû nîwarûmagîrîra maûndû marîa aataaragwa nî Zekaria megiî kwathîkîra Ngai. Nake Ngai-Mûnene nîwatûmire athatûkwe maûndûrî make.

Ezira 4:3

Zerubabeli, Jeshua, na anene a nyomba cia andû a Juda na Benjamini nîmaamacokerie atîrî, “Tûtikwenda ûtethio wenyu wa gûtuma hekarû ya Ngai-Mûnene, Ngai wetû. Nîtûkûmîtuma tue ene, wata ûrîa Cairasi mûthamaki wa Perisia aatwathire.”

Nehemia 1:4

Rîrîa neguire ûguo nî nekarire nthî na ngîrîra. Nînaacakaire na ngîînyerekia îvinda rîa mîthenya mîîngî ngîvoyaga Ngai wa îgûrû.

Nehemia 2:4

Nake mûthamaki nîwambûririe atîrî, “Nîwenda atîa?” Kwoguo nînavoire Ngai wa îgûrû,

Esita 4:11

“Ndungata cionthe cia mûthamaki na andû onthe a mavûrûri arîa mathagwa nî mûthamaki nîmaicî atî mûndû wa wonthe arî mûndûmûka kana mûndûmûrûme angîthiî nyomba kwa mûthamaki atarî na rûtha, mûndû ûcio agîrîrwe nî kûûragwa. Mûndû ûrîa tu ûngîvonoka kuumana na watho ûyû nî ûrîa mûthamaki aigîrîrîte mûtî wake wa thaavu wa ûthamaki. Nîrî na mweri mûgima ndathiîte kwa mûthamaki.”

Thaburi 102:17

Nîakeegua mavoya ma athîni, na ndakaarega mavoya mao.

Thaburi 122:6

Voyani nîguo Jerusalemu kûgîe thayû, “Arîa makwendete marothatûkwa.

Thaburi 20:5

Nîtûkaaugîrîria tûkenete nîûndû wa ûvootani waku, na tûkîrîrie vendera nîguo tûkumie rîîtwa rîa Ngai wetû. Ngai-Mûnene arokûvingîria maûndû monthe marîa ûmûvoete.

Thaburi 35:27

Tiga arîa mendaga kwona ngîtuîrwa, atî ndirî na mavîtia maugîrîrie na gîkeno na mauge rîngî na rîngî atîrî, “Kaî Ngai-Mûnene nî mûnene-î! Nîakenetue nî ûvootani wa ndungata yake.”

Thaburi 51:18

We Ngai, îka maûndû maro îtûûrarî rîa Zayuni nîûndû wa kwenda gwaku; tuma rîngî nthingo cia îtûûra rîa Jerusalemu.

Ntha 28:29

“Vîndî îrîa Aroni agaatonya vandû varîa vatheru, nîakethîrwa ekîrîte nguo ya kîthûri yandîkîtwe marîîtwa ma avîcî a Isiraeli, nîguo Nie, Ngai-Mûnene ndirikanage andû akwa vîndî cionthe.

Mûvunjia 7:18

Nî waro mûno kûûrîra mwena wa wonthe wa mîena îo yoîrî. Mûndû ûtîîte Ngai nî akaavootana.

Isaia 56:5

nîngaamava vandû nyombarî yakwa na rîîtwa rîrî na gîtîîo kînene gûkîra kîrîa angîaveerwe nîûndû wa kûgîa ciana cia erîtu na anake. Nîngaamava rîîtwa rîrîa magaatûûra metagwa tene na tene, rîrîa rîtakaariganîra.”

Alawi 2:2

na aûvire kûrî athînjîri-Ngai a nyomba ya Aroni. Mûthînjîri-Ngai nîagaakumbata mûtu ûcio ûrî na maguta na ûbani ngundi îmwe, na aûvîvîrie îgûrû rîa metha ya kîgongoona kîrî kîririkania atî matega mau ma kûvîvua marutîrîtwe Ngai-Mûnene. Mûtararûko wa matega mau nîûkenagia Ngai-Mûnene.

Alawi 24:7

Wîkîre ûbani mûtheri wa mûvarirî kwongerera mîgaterî îo kîrî kîririkania, atî îtega rîu rîa kûvîvua rîamûrîrîtwe Ngai-Mûnene.

Zakaria 6:14

Ngovia îo ya ûthamaki îgekaraga hekarûrî ya Ngai-Mûnene nîûndû wa kûririkanaga Helidai, Tobija, Jedaia, na Josia mûvîcî wa Zefania.

Ndari 10:10

Mîthenya yenyu ya gîkeno, irugo cia mweri ûgîcicûka, na irugo icio ciîngî vuvagani tûrumbeta rîrîa mûkûruta matega ma kûvîvua na matega ma thayû. Tûrumbeta tûu tûgaatûmaga mûririkane Ngai wenyu. Nie nînie Ngai-Mûnene, Ngai wenyu.”

Ciîko 10:31

na akîmbîra atîrî, ‘Korinelio! Ngai nîwîguîte mavoya maku na atî we nîûvothagîra athîni.

Ciîko 10:4

Nake Korinelio nîwamûroririe amakîte mûno na akîmûria atîrî, “Nîndûî Mwathani?” Nake mûraika ûcio nîwamûcokerie atîrî, “Ngai nîwegua mavoya maku. Ke nîwona atî we nîûvothagîra athîni na nîwakûririkana.

Ciîko 8:21

Na ma ûyû tîguo wîra waku, nîûndû ngoro yaku tî nûngarû methorî ma Ngai.