Nehemia 2:19 - ÎVUKU RÎA ÛVORO MWARO

¹⁹ Nwatî rîrîa Sanibalati Mûhoroni, Tobia Mûamoni, na Mûarabu wetagwa Geshemu megwire ûrîa twavangaga gwîka, nîmaatûthekerere na magîtûnyarara makiugaga atîrî, “Mûreciria mûreka atîa? Nîkwa mûrenda kûregana na mûthamaki?”

Nehemia 2:19 ပူးပေါင်းရင်းမြစ်များ

Nehemia 13:28

Ûmwe wa avîcî a Jehoiada, mûvîcî wa Eliashibu, Mûthînjîri-Ngai mûnene aavikîtie mwîrîtu wa Sanibalati. Sanibalati aarî wa kuuma Horoni. Kwoguo nînengatire Jehoiada aume Jerusalemu.

Nehemia 2:10

Nwatî rîrîa Sanibalati ûrîa warî wa kuuma Horoni, na Tobia mûnene wa vûrûri wa Aamoni megwire atî kûrî na mûndû ûkîte kûruta wîra nîûndû wa wagîrîru wa andû a Isiraeli nîmaarakarire mûno.

Nehemia 4:1

Rîrîa Sanibalati eegwire atî tue Ayahudi nîtûratuma rîngî rûthingo, nîwarakarire mûno na nîwambîrîrie gûtûnyarara.

Nehemia 6:6

yaugaga atîrî, “Ûvoro nîwîrîtwe ndûrîrî irîa îtûthiûrûrûkîrîtie na Geshemu wanake nîwarîtie guo, atî we na Ayahudi nîmûrenda kûregana na thirikari, na kîu nîkîo kîratûma mûtuma rûthingo. Wana nîûgîte atî we ûrenda gûtuîka mûthamaki wao

Nehemia 6:9

Meendaga gûtûmakia magîciria nîtûgûtiga kûruta wîra. Nwatî nînavoire ngiuga atîrî, “Ngai tûma ngîe na vinya.”

Ayubu 30:1

Nwatî rîu andû nîkwa maranyûrûria, andû arîa anini kûngîra arîa nonaga methe mao matarî agîrîru, a kûroria ngui irîa irangagîra ndîthia yakwa.

Thaburi 123:4

Tûrî anyarare nî itonga gwa kavinda karaca mûno, na tûkairwa mûno nî andû arîa etîi.

Thaburi 79:4

Andû a ndûrîrî nî maratûnyarara, arîa tûriganîtie nao matûthekagîrîra na magatûnyûrûria.

Thaburi 80:6

Nîûtûmîte tûcambue nî andû arîa matûthiûrûrûkîrîtie, nthû cietû nîkwa itûthekagîrîra.

Thaburi 80:7

Ngai mwene vinya wonthe tûcokie twîkare ûrîa twekariî mbere, twîguîre ntha na nîtûkûvonoka.

Isaia 36:5

Ûreciria atî ciugo ntheri nîcio wara na vinya wa mbaara? Wîvokete û, nginya ûkaregana nanie?

Jeremia 20:8

Nîûndû rîrîa ngwaria ûndû nîkwa ndetaga, na ngaugîrîria atî: “Mbaara na gûcûkangia!” Nîûndû kiugo Kîam Ngai-Mûnene kûrî nie gîtuîkîte gîa kûmenereria na kûnyararithia mûthenya wonthe.

Jeremia 41:10

Ishumaeli nîwacokire agîtava erîtu a mûthamaki na andû acio engî maatigarîte marî Mizipa, arîa Nebuzaradani mûnene wa arangîri aatuîte Gedalia mûmenyereri wao. Ishumaeli mûvîcî wa Nethania nîwamatavire na akîringa nao vûrûri wa Aamoni.

Mathaayo 9:24

nîwaugire atîrî, “Umani muonthe! Kerîtu tî gakuû; nîkwa karî toro!” Nao andû onthe nînaamûthekerere.

Maariko 5:40

Nao nîmaathekerere Jesû. Nake Jesû nîwacokire akîrutûrûra andû onthe nja. Nîwocire îthe na ng'ina wa kerîtu kau, wa vamwe na arutwa acio athatû maarî nake na magîtonya varîa mwana ûcio aamamîte.

Luka 23:2

Nao nîmaambîrîrie kûmûthitanga makiugaga atîrî, “Tue tûranyitire mûndû ûyû akîvîtithia andû a vûrûri wetû. Arameeraga matikarutîre mûthamaki wa Roma mbeca cia gooti na akauga atî ke nîke Mesaya, mûthamaki.”

Johana 19:12

Rîrîa Pilato eegwire ûguo, nîwageririe gûcaria ûrîa angîovora Jesû. Nwatî Ayahudi nîmaaugîrîrie atîrî, “Wona wovora mûndû ûyû, we ndûrî mûrata wa mûthamaki wa Roma. Mûndû wonthe wîtucaga mûthamaki ethagîrwa arî nthû ya mûthamaki wa Roma!”

Ciîko 24:5

Tue nîtûrîkîtie kwona atî mûndû ûyû nî mûcûku. Ke nîwambagîrîria gacagaca gatagatîrî ka Ayahudi onthe arîa marî nthî yonthe, na nîke mûtongoria wa Kîamma Kîam Anazari.

Ahib 11:36

Amwe nîmaanyûrûragua na makarivwa na ivoko, na engî nîmoovirwe na mînyororo na makîvirwa njeera.