Nehemia 2:17 - ÎVUKU RÎA ÛVORO MWARO

¹⁷ Nwatî nînaamerire atîrî, “Taroriani thîna ûrîa tûrî naguo nîûndû Jerusalemu nînyomomoku na ivingo ciakuo nî njûkangie nî mwaki! Tigani tûtume rîngî rûthingo rwa Jerusalemu nîguo tûtige kûnyararûa.”

Nehemia 2:17 ပူးပေါင်းရင်းမြစ်များ

Ezira 9:9

Wana ethîrwa twarî ngombo, we Ngai wetû ndwatûtiganîria ûkomborî. Nîwatûmire mûthamaki wa Perisia atwonie wendo ûtathiraga na agîtîkîra tûtûûre na tûtume hekarû yaku îrîa yarî nyomomoku, na agîtûva ûgitîri tûrî gûkû Juda na Jerusalemu.

Nehemia 1:3

Nao nîmaambîrire atî andû arîa maatigarire na maacokire Juda marî na thîna nene mûno na nîmaranyararwa nî ageni arîa mariganîtie nao. Nîmambîrire atî nthingo cia Jerusalemu nî nyomomoku na ivingo cia kuo nî mvîu nî mwaki.

Nehemia 2:13

Ûtukû ûcio nîtwaumire îtûûrarî rîu rînene tûvîtûkîrîrîte mwena wa îthûîro kîvingorî kîrîa Kîamrî Kîamndarî. Nîtwathiîrîre kîthimarî Kîam Njûnamatu nginya kîvingorî kîrîa gîatecagwa gîko. Na wa nthiîte nînaroragia nthingo cia Jerusalemu irîa ciamomokangîte na ivingo irîa ciacûkangîtue nî mwaki.

Nehemia 2:16

Gûtirî mûnene wana ûmwe wa îtûûra wamenyire kûrîa naarî kana ûrîa nekaga. Wana ndierîte Ayahudi etû, athînjîri-Ngai, atongoria, anene kana andû arîa onthe maarî marute wîra.

Nehemia 3:15

Shalumu mûvîcî wa Kolihoze, ûrîa wathaga vûrûri wa Mizipa nîwatumire rîngî kîvingo gîa kîthima Kîam manjî. Nîwaimbire kîvingo kîu, na agîgîtumîra mûrango na agîkîra irenji na mîkîgo ya kûûvinga. Nîwatumire rûthingo vakuvî na karia ga Shela rûriganîtie na mûgûnda wa mûthamaki. Rûthingo rûu aatumire rwakinyîte ngathîrî îrîa înyûrûrûkaga kuuma îtûûrarî rîrîa rînene rîa Daudi.

Thaburi 102:15

Mavûrûri nîmagetigîra rîîtwa rîa Ngai-Mûnene; athamaki onthe a nthî nîmagetigîra riiri wake.

Thaburi 44:13

Andû arîa tûriganîtie nao nîmarona ûrîa watwîkire, na nîmaratûruma na magatûthekerera.

Thaburi 44:14

Nîûtûmîte twirwe nî andû a ndûrîrî; mainainagia ciongo ciao magîtûthekerera.

Thaburi 79:12

We Mwathani, îîrîvîrîrie kûrî ndûrîrî icio maita mûgwanja ma marîa ikûnyararîte namo.

Thaburi 79:4

Andû a ndûrîrî nî maratûnyarara, arîa tûriganîtie nao matûthekagîrîra na magatûnyûrûria.

Jeremia 24:9

Nîngamaretera maûndû macûku mûno ma kûmakia mavûrûri monthe ma nthî. Nîmagaatuîka kîndû gîa kûthekererwa, kûnyararûa, kwirwa na matuîke kîrumi kûrîa kuonthe ngamanyagania.

Maca 2:2

Ngai-Mûnene nîacûkangîtie matûûra monthe ma Isiraeli atarî na ntha. Nîomomorete nthingo cionthe irîa igitagîra andû a Juda. Ngai-Mûnene nîanyûrûrûkîtie mothamaki vamwe na aathani.

Maca 3:51

Ngoro yakwa îrî na kîeva, nona ûrîa andû mathûrîte andû a Jerusalemu.

Ezek 5:14

Nacio ndûrîrî irîa ikûthiûrûrûkîrîtie nîigaagûtua kîndû gûtarî, na andû arîa makavîtûkagîrîra vakuvî nawe makûnyarare.

Mika 7:11

Andû a Jerusalemu kavinda nîgagûkinya ga gûtuma nthingo cia îtûûra rîenyu rîngî. Vîndî îo mîvaka ya vûrûri wenyu nîkaanenevua.

1Sam 11:2

Nake Nahashu, ûcio Mûamoni akîmeera atîrî, Ûndû ûmwe tu nîguo ûngîtûma mbîtîkîre tûthondeke kîrîkanîro namue. Naguo nî atî, nîmûkûûre wa mûndû ritho rîake rîa ûrîo, naguo ûndû ûcio ûtuîke wa gûconorithia andû onthe a Isiraeli.