Nehemia 13:28 - ÎVUKU RÎA ÛVORO MWARO

²⁸ Ûmwe wa avîcî a Jehoiada, mûvîcî wa Eliashibu, Mûthînjîri-Ngai mûnene aavikîtie mwîrîtu wa Sanibalati. Sanibalati aarî wa kuuma Horoni. Kwoguo nînengatire Jehoiada aume Jerusalemu.

Nehemia 13:28 ပူးပေါင်းရင်းမြစ်များ

Ezira 10:8

Ndûmîrîri îo yatûmanirwe nî atongoria a andû a Isiraeli. Na mûndû wa wonthe ûngîaregire kûthiî kavindarî kau ka mîthenya îthatû, nîwarutagwa gîkundirî Kîam andû arîa engî na agacoka agacunwa indo cionthe irîa arî nacio.

Nehemia 12:10

Jeshua aarî îthe wa Joakimu, Joakimu aarî îthe wa Eliashibu. Eliashibu aarî îthe wa Joiada,

Nehemia 12:22

Vîndî îrîa Eliashibu, Joiada, Jonathani na Jadua maarî athînjîri-Ngai arîa anene, nîkwandîkirwe mûtaratara wa atongoria a mbarî cia Alawi na mbarî cia athînjîri-Ngai. Mûtaratara ûcio warîkire vîndî îrîa Dario aarî mûnene wa vûrûri wa Perisia.

Nehemia 13:25

Nînakararanirie nao na ngîmaruma irumi, amwe ao ngîmariva na ngîmakûranga njuîrî cia ciongo. Nînaamevîtithirie na rîîtwa rîa Ngai atî gûtirî vîndî îngî o kana ciana ciao ikaavikia kana ivikue nî andû acio.

Nehemia 2:10

Nwatî rîrîa Sanibalati ûrîa warî wa kuuma Horoni, na Tobia mûnene wa vûrûri wa Aamoni megwire atî kûrî na mûndû ûkîte kûruta wîra nîûndû wa wagîrîru wa andû a Isiraeli nîmaarakarire mûno.

Nehemia 2:19

Nwatî rîrîa Sanibalati Mûhoroni, Tobia Mûamoni, na Mûarabu wetagwa Geshemu megwire ûrîa twavangaga gwîka, nîmaatûthekerere na magîtûnyarara makiugaga atîrî, “Mûreciria mûreka atîa? Nîkwa mûrenda kûregana na mûthamaki?”

Nehemia 3:1

Eliashibu Mûthînjîri-Ngai mûnene marî na athînjîri-Ngai arîa engî nîo maatumire kîvingo kîrîa gîetagwa Kîvingo Kîam Ng'ondu. Nîmaacokire magîkîamûrîra Ngai na magîgîkîra mîrango. Nîmaacokire makîamûra rûthingo kuuma Nyombarî ndaca na îgûrû ya Magana nginya Nyombarî ndaca na îgûrû ya Hananeli.

Nehemia 4:1

Rîrîa Sanibalati eegwire atî tue Ayahudi nîtûratuma rîngî rûthingo, nîwarakarire mûno na nîwambîrîrie gûtûnyarara.

Thaburi 101:8

Mûthenya wa mûthenya nîngaacûkangia eki naaî vûrûrirî. Nîngaathiria eki naaî onthe îtûûrarî rîa Ngai-Mûnene.

Nthi 20:26

Mûthamaki mûûgî nîathuuranagia andû arîa aganu, na akamaverithia atarî na ntha.

Nthi 20:8

Rîrîa mûthamaki ekarîra gîtî Kîam ûnene agîtwithania ciira nîathuurûkanagia maûndû monthe macûku kuuma kûrî marîa maro.