Nehemia 13:25 - ÎVUKU RÎA ÛVORO MWARO

²⁵ Nînakararanirie nao na ngîmaruma irumi, amwe ao ngîmariva na ngîmakûranga njuîrî cia ciongo. Nînaamevîtithirie na rîîtwa rîa Ngai atî gûtirî vîndî îngî o kana ciana ciao ikaavikia kana ivikue nî andû acio.

Nehemia 13:25 ပူးပေါင်းရင်းမြစ်များ

2Atha 2:24

Elisha nîwevûgûrire. Na rîrîa oonire tûvîcî tûu, nîwatûrumire na rîîtwa rîa Ngai-Mûnene. Ngatûnyi igîrî cia nga nîciaumire na kûu kîthakarî na ikîûraga tûvîcî mîrongo îna na twîrî gatagatî ga tûvîcî tûu.

Ezira 10:5

Kwoguo Ezira nîwaûkîrire na akîthiî kûrî atongoria a athînjîri-Ngai, Alawi na atongoria na andû acio engî a Isiraeli. Nake nîwamerire mevîte na mauge atî mageeka wata ûrîa Shekania aaugîte. Nao nîmeevîtire.

Ezira 7:26

Ethîrwa kûrî mûndû ûtakaathîkîra watho wa Ngai wenyu kana watho wa vûrûri, mûndû ûcio nîakaaverithua. Akaaverithua na njîra ya kûûragwa kana kûthamua, gûcunwa indo ciake kana kwovwa njera.”

Nehemia 13:11

Kwoguo nînatetirie anene nîûndû wa gûtûma nyomba ya Ngai îtiganîrua. Nînaretire Alawi na aini a nyîmbo vamwe na ngîmacokia mawîrarî mao.

Nehemia 13:17

Nînacokire ngîkararania na atongoria a Juda na ngîmeera atîrî, “Taroria maûndû marîa macûku mûreka! Mue nîmûratûma thavatû îthîrwe îtarî ntheru.

Nehemia 13:24

Nuthu ya ciana ciao ciaragia rûthiomi rwa Ashidodi kana rwa mûndû ke mwene, nwatî matingîavotire kwaria rûthiomi rwa Juda.

Nehemia 5:13

Nînarutire nguo yakwa îrîa nerigicîrîtie kîûnû na ngîmîrivariva na ngiuga atîrî, “Ûguo nîguo Ngai akaarivariva mûndû wa wonthe ûtakaavingia ûrîa eranîra. Ngai nîakaamûcuna nyomba cienyu na indo cionthe irîa mûrî nacio, amûtige mûtarî na kîndû.” Nao andû onthe arîa maagomanîte vau nîmaaugire “Ameni” na nîmaagocire Ngai. Nao andû nîmeekire ûrîa meeranîrîte.

Nehemia 5:6

Vîndî îrîa neguire mateta mao, nînaarakarire.

Thaburi 119:53

Nînyitagwa nî marakara meengî, rîrîa ngwona andû arîa aganu makiuna watho waku.

Thaburi 15:4

Nî manyararaga andû arîa Ngai athûrîte, nwatî nîmatîîaga andû arîa mathîkagîra Ngai-Mûnene. Vîndî cionthe nîmavingagia ûrîa meranîrîte na matigarûrûkaga.

Ntha 34:16

Anake enyu mangîkaavikia erîtu a andû acio ageni, erîtu acio makîgooca ngai ciao nîmagaatûma anake enyu matuîka tî evokeku na nîmakaagooca ngai cia erîtu acio.

Nthi 28:4

Andû arîa mareganaga na watho makumagia andû arîa aganu, nwatî arîa mathîkagîra watho nîmareganaga na andû arîa aganu.

Isaia 50:6

Nînavecanire mûkurukuthu wakwa kûrî arîa maandivire, nao arîa maangûûrire nderu ciakwa ngîmavûgûrîra makai makwa, ndiathitha ûthiû wakwa atî nîguo ndigaconorithue kana nduîrwa mata.

Gûco 6:13

Îîtigagîreni Ngai-Mûnene, Ngai wenyu na mûmûtungatagîre na mwîvîtage mûkîgwetaga rîîtwa rîake rîonga.

Gûco 7:3

Mûtikavikanie nao: mûtikareke erîtu enyu mavikua nî anake ao kana mûreka anake enyu mavikia erîtu ao,

Josh 23:12

Mûtigatuîke aremi na njîra ya gûtukana na andû arîa matigarîte gûkû mûrî na mwambîrîrie kûvikia aarî ao nao mavikie aarî enyu.