Nehemia 12:24 - ÎVUKU RÎA ÛVORO MWARO

²⁴ Atongoria a Alawi maarî: Hashabia, Sherebia, Jeshua mûvîcî wa Kadimieli. Nao aa mûrwang'ina nîmaarûngamaga mwena ûcio wîngî merekanîrîte na nîmaainaga nyîmbo cia gûkumia na gûcokia ngatho kûrî Ngai kûringana na ûrîa Daudi mûndû wa Ngai amaathîte.

Nehemia 12:24 ပူးပေါင်းရင်းမြစ်များ

1Atha 17:24

Nake mûndûmûka wa ndigwa nîwerire Elija atîrî, “Rîu nînetîkia atî wî mûndû wa Ngai na atî maûndû marîa Ngai-Mûnene aragia na njîra yaku nîma ma!”

1Maû 16:4

Daudi nîwathuurire Alawi amwe na akîmava wîra wa gûtongoria kûgooca Ngai-Mûnene, gûcokia ngatho na kwina nyîmbo cia gûkumia Ngai-Mûnene, Ngai wa Isiraeli marî mbere ya îthandûkû rîa kîrîkanîro.

2Maû 8:14

Solomoni nîwarûthire mûvango wa wîra wa wa mûthenya wa athînjîri-Ngai na Alawi arîa maatethagia athînjîri-Ngai kwina na kûruta wîra wao kûringana na watho wa îthe Daudi. Nîwavangire arangîri a ivingo ikundi na akîmava wîra wa gwîkaragia ivingo cionthe wa mûthenya kûringana na ûrîa Daudi ndungata ya Ngai aathanîte.

Ezira 2:40

Mîvîrîga ya Alawi arîa maacokire kuuma îthamîriorî nao maarî mbarî ya Jeshua na Kadimieli (njiarwa cia Hodavia) na maarî andû mîrongo mûgwanja na ana (74)

Nehemia 11:17

Na kwarî Matania mûvîcî wa Mika, Mika mûvîcî wa Zabudi, Zabudi mûvîcî wa Asafu. Matania nîke warî mûtongoria vîndî ya mavoya ma ngatho. Na kwarî Bakibukia ûrîa warî wa kaîrî gatagatî ka aa mûrwang'ina, na Abida mûvîcî wa Shamua, Shamua aarî mûvîcî wa Galali mûvîcî wa Jeduthuni.

Nehemia 12:23

Atongoria a mbarî cia Alawi maandîkirwe îvukuurî rîa maûndû ma mavinda ma tene nginyagia vîndî ya Johanani mûvîcî wa Eliashibu.

Nehemia 12:36

Nao andû ao; Shemaia, Azareli, Milalai, Gilalai, Maai, Nethanieli, Juda, na Hanani, marî na indo cia kwina ta irîa cia Daudi mûndû wa Ngai nîmaamarûmîrîrîte. Nake Ezira mûndû ûrîa warî na ûgî mwîngî maûndûrî megiî watho nîke watongoretie gîkundi kîu.

Nehemia 8:7

Alawi aya nîmaatethererie andû gûtaûkîrwa nî watho: Jeshua, Bani, Sherebia, Jamini, Akubu, Shebethai, Hodia, Maaseia, Kelita, Azaria, Jozabadi, Hanani, na Pelaia. Vîndî îo andû maarûngamîte wa vau maarî.

Nehemia 9:4

Kwarî na vandû vatûgîru vaarûthîtwe va kûrûngamwa nî Alawi. Vandû vau nîvaarûngamîte Joshua, Bani, Kadimieli, Shebania, Buni, Sherebia, Bani, na Kenani na nîmaavoire Ngai-Mûnene, Ngai wao maugîrîrîtie.

Gûco 33:1

Gîkî nîkîo kîrathimo kîrîa Musa, mûndû wa Ngai aatigîre andû a Isiraeli mbere ya akue.

1Tim 6:11

Nwatî we mûndû wa Ngai, ûrîra maûndû mau monthe. Îîrutanîrie kûgîa na ûthingu, ûngai, wîtîkio, wendo, ûkirîrîria na ûvoreri.

2Tim 3:17

nîguo mûndû wonthe ûtungatagîra Ngai ethagîrwa arî mwagîrîru na arî mwîvarîriu gwîka ûndû wa wonthe mwaro.

Josh 14:6

Andû amwe a kuuma mûvîrîgarî wa Juda nîmaathiîre kûrî Joshua kûu Giligali. Ûmwe wao aarî Kalebu mûvîcî wa Jefune wa mbarî ya Kenezi. Nake Kalebu nîwerire Joshua atîrî, “We nîwicî ûrîa Ngai-Mûnene eerire Musa mûndû wa Ngai ûvoro wîgiî nie nawe vîndî îrîa twarî Kadeshi-barinea.