Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Nehemia 10:29 - ÎVUKU RÎA ÛVORO MWARO

29 Nîmaanyitanîre na andû ao a Isiraeli, na atongoria ao mumarî ûcio, ûrîa warî ûgwatie mûndû kîrumi angîuna. Nîmeranîre atî makathîkagîra Watho wa Ngai, ûrîa Ngai aavecanire na njîra ya Musa ndungata yake. Nîmaaugire atî makaathîkagîra na mekage ûrîa maathani monthe ma Ngai-Mûnene, mwathi wetû maugîte wa vamwe na mawatho make.

အခန်းကိုကြည့်ပါ။ ကော်ပီ




Nehemia 10:29
38 ပူးပေါင်းရင်းမြစ်များ  

Nwatî Jehu ndaathîkîra watho wa Ngai-Mûnene Ngai wa Isiraeli na ngoro yake yonthe. Vandû va ûguo, nîwekire wîvia ta ûrîa wekirwe nî Jeroboamu, ûrîa watûmire andû a Isiraeli mevie.


Mûthamaki nîwarûngamire vakuvî na gîtugî na akîrûtha kîrîkanîro na Ngai-Mûnene. Nîwamwîrîre atî akaamwathîkagîra, akaavingagia mawatho make, maathani make na kîrîra gîake na ngoro yake yonthe na mwoyo wake wonthe na kûvingia maûndû monthe megiî kîrîkanîro gîkî wata ûrîa kwandîkîtwe îvukuurî rîîrî. Nao andû onthe nîmeranîre atî nîmakûvingia kîrîkanîro.


Andû a mbere arîa maacokire na magatûûra vûrûrirî wao na matûûrarî mao maarî: Aisiraeli, athînjîri-Ngai, Alawi na aruti wîra a hekarû.


Mûthamaki nîwarûngamire vandû vake na akîrûtha kîrîkanîro mbere ya Ngai-Mûnene, atî akaathîkagîra Ngai-Mûnene na avingagie maathani make, mawatho na matuîro ma ciira na ngoro yake yonthe na mwoyo wake wonthe, na ageekaga wata ûrîa ciugo irîa ciandîkîtwe îvukuurî rîa kîrîkanîro ciugîte.


Rîu we Ngai-Mûnene, Ngai wa Isiraeli, vingia kîîranîro kîrîa werîre vava Daudi ndungata yaku. Wamwîrire atî vîndî cionthe nî gûkethagîrwa kûrî na mûndû kuuma njiarwarî ciake wa gwîkarîra gîtî Kîam ûthamaki Kîam Isiraeli ethîrwa nî igûtûûra ciathîkagîra watho waku ta ûrîa ke eekaga.


Nînakararanirie nao na ngîmaruma irumi, amwe ao ngîmariva na ngîmakûranga njuîrî cia ciongo. Nînaamevîtithirie na rîîtwa rîa Ngai atî gûtirî vîndî îngî o kana ciana ciao ikaavikia kana ivikue nî andû acio.


Mîvîrîga ya andû arîa maarutaga wîra hekarûrî arîa maacokire kuuma îthamîriorî maarî: Mbarî ya Ziha, Hasufa, Tabaothi,


Kwoguo Ezira mûthînjîri-Ngai nîwaretire îvuku rîa Watho varîa andû maagomanîte. Andû acio maarî arûme, aka na ciana irîa ingîataûkîrwe nî maûndû. Mûthenya ûcio nîguo warî wa mbere wa mweri wa mûgwanja.


Ezira arî vau kîvarorî Kîvingorî Kîam Manjî nîwathomere andû onthe watho, arûme, aka na ciana kuuma kîraûko tene nginya mûthenya gatagatî, na andû onthe nîmaathikîrîrîtie waro.


Andû onthe a Isiraeli nîmeeyamûranîtie na ageni. Nao nîmaarûngamire na nîmaambîrîrie kumbûra mevia mao na marîa methe mao ma tene meekîte.


Nîûndû wa maûndû monthe marîa mekîkîte, nîtwathondeka kîrîkanîro kîrûmu na twandîkanîra. Nao atongoria etû, Alawi, athînjîri-Ngai wetû nîmekîra mîvûri yao kîrîkanîrorî kîu.


nîguo andû ake makaathîkîra mawatho make, na kûvingia maathani make. Kumiani Ngai-Mûnene!


Nîmbîranîrîte na mwîvîtwa na nîngindîrîtie ûndû ûcio, atî ngaarûmagîrîra matuîro maku ma kîvooto.


Ûûi Ngai-Mûnene, Mwathani wetû, rîîtwa rîaku nî rînene nthî yonthe! Riiri waku ûkinyîte îgûrû matuurî.


Ûûi Ngai-Mûnene, Mwathani wetû, rîîtwa rîaku nîrîkumagua nthî yonthe!


Ngai-Mûnene nîakeguîra andû a Jakovu ntha na athuure andû a Isiraeli rîngî matuîke ake kîûmbe. Nîakaamacokia vûrûrirî wao o ene, na ageni nîmagaaûka na matûûranie nao.


Ûkamera Ngai-Mûnene arauga atî, ‘Ethîrwa tîmûnthikîrîria na mûrûmîrîre watho ûrîa nîmûvete,


Nwatî kavinda gakuvî mue nîmwaverire na mûgîka maûndû marîa magîrîrîte na mûkîrekereria andû enyu a Isiraeli na mûkîrûtha kîrîkanîro mbere yakwa mûrî hekarûrî yakwa kûrîa ngocagîrwa.


Nîngaamwîkîra roho wakwa ndarî yenyu na nîngaatûma mûrûmagîrîre mawatho makwa na mûmenyagîrîre waro matuîro makwa ma cira.


Mue mûrî akwa na mûkethagîrwa mûrî atheru nîûndû Nie, Ngai-Mûnene nîrî mûtheru. Nîmûthuurîte kuuma gatagatî ka ndûrîrî irîa ciîngî nîguo mûtuîke akwa kîûmbe.


Ririkanani watho, maathani na kîrîra naveere Musa ndungata yakwa kîrîmarî gîa Sinai.


Ngai-Mûnene arotûma ûnyitwe nî kîrumi. Arotûma ciîga ciaku cia ûciari ithire vinya na wimbe îvu.


Ngai aavecanire watho na njîra ya Musa, nwatî wega na ûma ciaûkire na njîra ya Jesû Kristû.


Mwona mweka maûndû marîa nîmwathaga, nîmûgûtuîka arata akwa.


Na kinthî Musa tîke wamûveere watho? Nwatî gûtirî mûndû wana ûmwe gatagatîrî kenyu wathîkagîra watho. Mûrenda kûmbûraga nîkî?”


Baranaba aarî mûndû mwaro, wecûrîtwe nî Roho Mûtheru na wîtîkio. Na rîrîa ke aakinyire Antiokia na akîona ûrîa Ngai aarathimîte andû, nîwacanjamûkire mûno na akîmathaitha onthe mekarage mevokete Mwathani vîndî cionthe na ngoro ciao cionthe. Nao andû eengî mûno nîmaatuîkire arûmîrîri a Mwathani.


Nwatî andû amwe nîmaatuîkire etîkia na makîmûnyita mbaru. Gatagatîrî kao kwarî Dionisio ûrîa warî ûmwe wa athuuri a Kîamma Kîam Areopago na mûka wetagwa Damari wa vamwe na andû engî.


Nwatî ndûgetîkîre nîûndû nîkûrî na andû makîria ya mîrongo îna makwîthitha na mamweterere. O nîmarîkîtie kwîvîta atî matingîrîa kana manyue kîndû matambîte kûûraga Paûlo. Nîmevarîrîtie gwîka ûguo na nîkwa metererete îtua rîaku.”


Nwanginya wendani wenyu ûtuîke wa ma. Menani ûndû ûrîa mûcûku na mûnyitie na vinya maûndû marîa maro.


Musa nîwatwathire twathîkîre watho ûrîa aatûveere, nîûndû nîguo kîndû Kîam goro mûno kîrîa andû a Isiraeli maagaire.


Musa nîwetire andû onthe a Isiraeli vamwe na akîmeera atîrî, “Mue andû a Isiraeli tathikîrîriani, mawatho na irîra irîa ngûmwîra ûvoro wacio ûmûnthî nîguo mûimenye na mûivingagie na kinyi.


“Mue andû a Isiraeli, menyererani mwone nîmwavingia maûndû monthe marîa Ngai-Mûnene, Ngai wenyu amwathîte. Mûtikaregane na watho wanarî ûmwe wa Ngai-Mûnene.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ