Ndari 9:20 - ÎVUKU RÎA ÛVORO MWARO

²⁰ Namo mavinda mamwe îtu nîrîekaraga îgûrû rîa îgema rîa gûcemanîrua mîthenya mînini. Vîndî îrîa Ngai-Mûnene athana mathiî, nîmaathiîcaga na vîndî îrîa athana mekare magemarî nîmeekaraga.

Ndari 9:20 ပူးပေါင်းရင်းမြစ်များ

Thaburi 48:14

“Ûyû nîke Ngai wetû tene na tene; nîatûûra atûtongoragia tene na tene.”

Nthi 3:5

Îîvoke Ngai-Mûnene na ngoro yaku yonthe, na ndûkevoke meciria maku we mwene.

Nthi 3:6

Ririkanaga Ngai-Mûnene maûndûrî maku monthe, nake nîakaarûngaria njîra ciaku.

Ndari 10:13

Andû a Isiraeli nîmaambîrîrie rûgendo wata ûrîa Ngai-Mûnene amaathîte na njîra ya Musa.

Ndari 9:18

Maathiîcaga mbere na rûgendo rîrîa Ngai-Mûnene amatha mathiî, na maambaga magema rîngî rîrîa Ngai-Mûnene amatha mambe. Andû a Isiraeli meekaraga magemarî vîndî îrîa yonthe îtu rîethagîrwa rîrî îgûrû rîa îgema rîa gûcemanîrua.

Ndari 9:19

Mavinda mamwe îtu nîrîekaraga îgûrû rîa îgema rîa gûcemanîrua kavinda karaca, na andû a Aisiraeli nîmaathîkagîra Ngai-Mûnene na matiathiîcaga mbere na rûgendo.

Ndari 9:21

Mavinda mamwe îtu rîekaraga îgûrû rîa îgema rîa gûcemanîrua kuuma kîvwaî nginya kîraûko, na îtu rîathenguta nîmaathiîcaga wa rîmwe, kûrî mûthenya kana ûtukû.

Gûco 7:21

Kwoguo mûtigetigîre andû acio. Ngai-Mûnene, Ngai wenyu arî vamwe namue; nî Ngai mûnene na wagîrîrwe nî gwîtigîrwa.