Ndari 9:14 - ÎVUKU RÎA ÛVORO MWARO

¹⁴ “Ethîrwa kûrî mûgeni ûtûûrîte kwenyu na nwa ende gûkûngûîra Pasaka ya Ngai-Mûnene nwanginya amîkûngûîre kûringana na ûrîa watho wa Pasaka uugîte. Kwoguo gûkaarûmagîrîrwa watho ûmwe nî mue wana ageni.”

Ndari 9:14 ပူးပေါင်းရင်းမြစ်များ

Ezira 6:21

Îgongoona rîu rîa pasaka nîrîarîrwe nî andû onthe a Isiraeli arîa maaumire îthamîriorî wana nî andû arîa engî maariganîtie nao na maatiganîrîtie maûndû mao marîa matarî ma kûgooca Ngai. Andû acio nîmaatuîkîte a kûgoocaga Ngai-Mûnene, Ngai wa Isiraeli.

Ntha 12:43

Ngai-Mûnene nîwerire Musa na Aroni atîrî, “Mama nîmo mawatho ma pasaka: Gûtirî mûgeni ûkaarîa irio cia pasaka,

Ntha 12:47

Andû onthe a Isiraeli nwanginya makûngûîre kîrugo gîkî.

Alawi 19:10

Mûtigacokage mîgûndarî yenyu ya mîthavibu kûngania thavibu irîa ikethîrwa itigarîte, na mûtikaûnganagie thavibu irîa igûcaga, mûgaaitigaga nîguo andû arîa matarî na irio cia kwîgana vamwe na ageni arîa mûtûûranagia nao maûnganagie. Nie nînie Ngai-Mûnene, Ngai wenyu.

Alawi 22:25

“Mûtikarutîre Ngai-Mûnene nyamû yumîte kûrî andû arîa matûûraga Kanaani. Nyamû icio tî mbaro cia kûrutwa magongoona nîûndû ene cio nîmaikarambaga.”

Alawi 24:22

Watho ûyû nî wenyu muonthe, Aisiraeli wana ageni arîa mûtûûranagia nao, nîûndû Nie nînie Ngai-Mûnene, Ngai wenyu.”

Alawi 25:15

Vîndî îrîa mûkûgûra kana mûkwendia mîgûnda, îrîvi rîa mîgûnda îo rîkaaringanaga na irio irîa ingîkethwa mîgûndarî îo mbere ya mwaka ûcio wa gûkûngûîra.

Ndari 15:15

Kwoguo nî mûtûûra mûrûmagîrîra watho ûyû mûrî na ageni arîa mûtûûranagia nao. Mue wana ageni acio mûrî ûndû ûmwe mbere ya Ngai-Mûnene.

Ndari 15:16

Mue vamwe nao mûkaarûmagîrîra watho na kîrîra kîmwe.”

Gûco 29:11

aka, ciana, ageni arîa mekaraga kwenyu makîmûtavagîra manjî na magîtemaga mîtî.

Gûco 31:12

Îta andû onthe magomane vamwe: arûme, aka, ciana na ageni arîa marî matûûrarî menyu, nîguo mûndû wa wonthe egue na amenye gûtîîa Ngai-Mûnene Ngai wenyu, na kûrûmîrîra maathani make na kinyi.