Ndari 9:13 - ÎVUKU RÎA ÛVORO MWARO

¹³ Nwatî mûndû wa wonthe mûtheru, na ethîrwe ndarî rûgendorî na ndakûngûagîra Pasaka ndakethagîrwa arî ûmwe wa andû akwa, nîûndû ndandutagîra matega vîndî îrîa îtuîtwe. Mûndû ûcio akaaverithua nîûndû wa mevia make.

Ndari 9:13 ပူးပေါင်းရင်းမြစ်များ

Kîam 17:14

Mûndûmûrûme wa wonthe ûtarî mûruu, ndakethagîrwa arî ûmwe wa andû akwa nîûndû ke tî mûvingiu kîrîkanîro gîakwa.”

Ntha 12:15

Ngai-Mûnene nîwacokire akiuga atîrî, “Vandû va mîthenya mûgwanja mue nwanginya mûrîcage mîgate îtarî mîkîre ndawa ya kwimbia. Mûthenya wa mbere mûkaathengutia ndawa ya kwimbia mîgate kwenyu mîciî, nîûndû mîthenyarî îo mûgwanja mûndû wa wonthe angîrîa mîgate îrî mîkîre ndawa ya kwimbia, ndagaataranîrua na andû acio engî a Isiraeli.

Ntha 12:19

Mîthenyarî îo mûgwanja gûtiagîrîrwe nîkwîthîrwa kûrî na ndawa ya kwimbia mîgate nyombarî cienyu. Nîûndû mûndû wa wonthe ûkaarîa mîgate îkîrîtwe ndawa ya kwimbia wana ethîrwa nî mûgeni kana aciarîrîtwe vûrûrirî ûcio nî akaavinyûrua aume kûrî andû a Isiraeli.

Ntha 12:47

Andû onthe a Isiraeli nwanginya makûngûîre kîrugo gîkî.

Ntha 30:33

Mûndû wa wonthe ûkaarûtha maguta ta mama kana mavakwe mûndû ûtarî mûthînjîri-Ngai ndagaacoka gûtuîka ta ûmwe wa andû akwa.’ ”

Ntha 30:38

Ethîrwa kûrî mûndû ûkaarûtha wîkariî ta guo wa gûtûmîra ûrî maguta manungi waro, ndagaacoka gûtuîka ûmwe wa andû akwa.”

Ezek 23:49

Na nîmûkaaverithua nîûndû wa ûmaramari ûcio wenyu na mevia menyu ma kûgooca mîvuanano. Vîndî îo nîmûkaamenya atî nie nînie Mwathani Ngai-Mûnene.”

Alawi 17:10

“Mûisiraeli wa wonthe kana mûgeni wa wonthe ûtûûranagia nao angîrîa nyamû îrî na nthakame, Ngai-Mûnene nîakaamûverithia na amwamûranie na andû ake.

Alawi 17:4

tiga mûromorî wa îgema rîa Ngai-Mûnene irî îtega kûrî Ngai-Mûnene, nî aunîte watho. Mûndû ûcio nî wîtûrûrîte nthakame, na nî akaamûranua na andû acio engî.

Alawi 20:20

Mûndûmûrûme angîkaamenyana kîîmwîrî na mûka wa mamawe, kûu nî gûconorithia mamawe. Andû acio wa oîrî nîmakaaverithua nîûndû wa mevia mao, na gûtirî wanarî ûmwe wa ciao ûkaagîa na njiarwa.

Alawi 22:9

“Athînjîri-Ngai onthe nwanginya mamenyerere mawatho marîa nîmavete. Nwatî mangîrega gwîka guo makethîrwa marî na mevia na nîmagaakua, nîûndû wa kûrega kwathîkîra mawatho makwa. Nie nînie Ngai-Mûnene na nînie ntheragia athînjîri-Ngai.

Alawi 24:15

Ûcoke wîre andû a Isiraeli atî mûndû wa wonthe ûkaaruma Ngai nwanginya akaaverithua nîûndû wa mevia make

Ndari 19:13

Mûndû wa wonthe ûvutagia kimba Kîam mûndû na akarega kwîtheria ethagîrwa atarî mûtheru, nîûndû tî mûminjîrie manjî ma kwîtheria. Angîthiî îgemarî rîa Ngai-Mûnene nwa arîgwatie gîko na ndakethagîrwa arî ûmwe wa andû a Ngai-Mûnene.

Ndari 19:20

Mûndû ûrîa wîthagîrwa atarî mûtheru na akarega kwîtheria, mûndû ûcio akaathengutagua kûrî andû a Ngai-Mûnene nîûndû nîagwatîtie îgema rîa Ngai-Mûnene gîko nîûndû tî mûminjîrie manjî ma kwîtheria.

Ndari 5:31

Mûthuuri ndakeethagîrwa arî na mavîtia, nwatî mûka nîke ûkaaverithagua nîndû wa mavîtia make.

Ndari 9:7

na makîra Musa atîrî, “Tue tûrî na gîko nîûndû nîtûvutîtie kimba Kîam mûndû, nwatî tûragirua tûrutîre Ngai-Mûnene matega îvinda rîrîa rîtuîtwe tûrî vamwe na Aisiraeli acio engî nîkî?”

Ahib 12:25

Kwoguo îîmenyerereni na mûtikarege kwîgua mûndû ûrîa ûkwaria. Andû arîa maaregire kwîgua ûrîa wavecanaga ndûmîrîri kuuma kûrî Ngai matiavonoka. Wa natue tûtingîvonoka ethîrwa nwa tûrege kwîgua ûrîa waragia kuuma îgûrû!

Ahib 2:3

Tûngîrega kûverithua atîa tûngîtiganîria ûvonokio mûnene ta ûyû? Mwathani nîke warî wa mbere kwanîrîra ûvonokio ûyû, natue nîtwamenyithirue atî nî wa ma nî arîa maamwîgwire.

Ahib 6:6

Nîmaatiganîrie wîtîkio wao! Kwoguo nîûndû ûrî na vinya kûmagarûra nîguo merire, nîûndû nî takwa marambithia Mûriû wa Ngai rîngî wa vamwe na kûmûconorithia kûrî andû.

Ahib 9:28

Na njîra wata îo Kristû nîwerutire rita rîmwe arî kîgongoona, nîguo athengutie mevia ma andû eengî. Ke nîagaaûka rita rîa kaîrî na vîndî îo ndagaaûka gûtûma andû moverwe mevia, nwatî agaaûka kûvonokia andû arîa matûûraga mamwetererete.