Ndari 7:19 - ÎVUKU RÎA ÛVORO MWARO

¹⁹ Îtega rîake rîarî thaani ya sîlûva ya ûrito wa kilo îmwe na nuthu, (1.5 kg), karaî kamwe ga sîlûva karî na ûrito wa ngiramu magana manana (800 g), kûringana na kîthimi kîrîa Kîamrî gîtîkîrîku. Thaani îo na karaî kau, ciethagîrwa ciîcûrîte mûtu ûtukanîtue na maguta na cairi cia îtega rîa irio cia mûgûnda.

Ndari 7:19 ပူးပေါင်းရင်းမြစ်များ

Ezira 1:9

Nacio ciarî: Mbakûri cia thaavu cia matega 30, mbakûri ciîngî cia matega cia sîlûva 1,000, mbakûri ciîngî 29,

Ntha 25:29

Ûcoke ûrûthe thaani, na mbakûri cia gwîkîrwa ûbani, na ûrûthe mbakûri na njagi cia gwîkîra ndivei vîndî ya matega ma ndivei. Indo icio cionthe irûthwe na thaavu ntheri.

Jeremia 52:18

Wana nîmaakuire nyûngû, iciko cia mûthetu, tûnyamû twa kûnyitîrîra ndambi cia taa, mbakûri cia gwîkîra ûbani na indo cionthe cia gîcango irîa ciatûmagîrwa hekarûrî.

Alawi 2:1

Rîrîa mûndû wa wonthe akûrutîra Ngai-Mûnene matega ma irio cia mûgûnda, nwanginya wîthîrwe ûrî mûtu mûvinyu na awîkîre maguta na ûbani,

Alawi 5:11

Ethîrwa mûndû ndarî na ndutuura igîrî kana macîa maîrî, nîakaaruta kilo îmwe ya mûtu rîrî îtega rîa kûtheria wîvia wake. Ndakaavira vamwe na maguta kana ûbani nîûndû nî îtega rîa kûtheria wîvia nwatî, tî îtega rîa irio cia mûgûnda.

Zakaria 14:20

Vîndî îo mbugi irîa ciîthagîrwa ciîkîrîtwe mbarathi nîikaandîkwa “CIAMÛRÎRÎTWE NGAI-MÛNENE,” nacio nyûngû irîa irî hekarûrî ya Ngai ikethîrwa irî nyamûre wata mbakûri irîa irî metharî ya kîgongoona.

Ndari 7:18

Nake ûrîa warutire îtega rîake kûrî Ngai-Mûnene mûthenya wa kaîrî aarî Nathanieli mûvîcî wa Zuari kuuma mûvîrîgarî wa Isakaru.

Ndari 7:20

Mbakûri îmwe ya thaavu yarî na ûrito wa ngiramu îgana rîa îkûmi (110 g), îcûrîte ûbani,

Mathaayo 14:8

Nake mwîrîtu ûcio nîwerirwe nî ng'ina kîrîa agwîtia. Kwoguo nîwerire Herode atîrî, “Mva wa rîu kîongo Kîam Johana Mûvatithania kîrî thaanirî.”

Maariko 6:25

Mwîrîtu ûcio nîwacokire narua kûrî mûthamaki na akîmwîra atîrî, “Nîrenda ûmve wa rîu kîongo Kîam Johana Mûvatithania kîrî thaanirî!”