Ndari 6:5 - ÎVUKU RÎA ÛVORO MWARO

⁵ Mûndû ûcio wîvîtîte agatuîka Mûnazari ndakeenjwa kana atinue njuîrî ûtûûrorî wake wonthe ûrîa eyamûrîrîte Ngai-Mûnene. Agekaraga arî mûtheru na nîakaarekereria njuîrî ciake iracave.

Ndari 6:5 ပူးပေါင်းရင်းမြစ်များ

Ezek 44:20

“Athînjîri-Ngai matikenjwe njuîrî cia ciongo ciao kana marera njuîrî iracava mûno. Makaigaga njuîrî yao îrî nenge waro.

Ndari 6:4

Îvinda rîonthe rîrîa agûtûûra arî Mûnazari ndagîrîrwe kûrîa kîndû kîrûthîtwe na thavibu, mvîndî kana makoro ma thavibu.

Ciîko 18:18

Na kwa îvinda rîa mîthenya îngî mîîngî, Paûlo nîwekaranirie na etîkia kûu Korinitho. Nîwacokire akîmatiga na agîtwa meri akîthiî Sîria marî na Pirisila na Akuila. Mbere ya kuuma Kenikerea marî merirî, Paûlo nîwenjirwe njuîrî nîûndû aarî na mwîvîtwa mbere ya Ngai.

Atir 13:5

na rîrîa ûgaaciara, kavîcî kau gatikenjwa njuîrî nîûndû gakethîrwa kamûrîrîtwe Ngai kuuma gûciarwa gwako na gakethîrwa karî Mûnazari. Nîke ûkambîrîria kûvonokia Aisiraeli kuuma kûrî Afilisiti.”

Atir 16:17

Mûthiiarî, nîwamwîrire ûma. Aamwîrire atîrî, “Njuîrî ciakwa itianenjwa. Naamûrîrwe Ngai nîrî Mûnazari kuuma rîrîa naaciarirwe. Nîngîenjwa njuîrî ciakwa cia kîongo, nîngîthirwa nî vinya wakwa na ngekara ta andû acio engî.”

Atir 16:19

Delila nîwathaîrîrie Samusoni nginya akîgocerera na akîmamîria kîongo gîake ciaûrî cia Delila. Delila nîwacokire agîîta mûndûmûrûme ûmwe na akîmwîra enje mîvîndo îo mûgwanja ya njuîrî cia kîongo gîa Samusoni. Delila nîwambîrîre kûthînia Samusoni nîûndû vîndî îo Samusoni aarî mûthirîre nî vinya.

1Sam 1:11

Nake Hana nîwevîtire na mwîvîtwa na akiuga atîrî: “Ngai-Mûnene mwene vinya wonthe, ndoria nie, ndungata yaku! Roria thîna yakwa na ûndirikane! Ndûkariganîrwe nî nie! Ethîrwa ûkamva kavîcî, nie nînîvîta atî nîngaakûva ko mîthenya yonthe ya ûtûûro wako na atî gûtirî vîndî njuîrî cia kîongo gîake ikeenjwa.”