Ndari 6:15 - ÎVUKU RÎA ÛVORO MWARO

¹⁵ Nîakaaruta gîkavu gîcûrîte mîgate îtekîrîtwe ndawa ya kwimbia: geki irugîtwe na mûtu mûvinyu ûtukanîtue na maguta ma ndamaiyû, tûmîgate tûceke tûvakîtwe maguta ma ndamaiyû vamwe na matega ma irio cia mûgûnda na matega ma indo cia kûnyuwa.

Ndari 6:15 ပူးပေါင်းရင်းမြစ်များ

Ntha 29:2

Ûcoke woce mûtu ûrîa mwaro wa ngano na ûtarî mwîkîre ndawa ya kwimbia ûrûthe mîgate na maguta ma ndamaiyû, na tûmîgate twîngî tûceke tûrugîtwe tûkînavakwa maguta ma ndamaiyû.

Isaia 62:9

Nwatî mue mwaikethire nîmue mûkaairîcaga, na mûngumagie, nie Ngai-Mûnene. Namue arîa mûvivaga ndivei îo, nîmue mûkaamînyunyaga mûrî ivaarorî cia hekarû yakwa.”

Joeli 1:13

Mue athînjîri-Ngai, îkîrani nguo cia macakaya mûrîre, mue mûtungataga metharî ya kîgongoona rîrani. Thiîni hekarûrî na mûcakae ûtukû mûgima! Matega ma irio na ma ndivei matirî kuo nyombarî ya Ngai.

Joeli 1:9

Matega ma irio na ndivei nî mathiru hekarûrî, na mûromorî wa Ngai-Mûnene; athînjîri-Ngai nîmaracakaya nîûndû matirî na kîndû mangîtegera Ngai-Mûnene.

Joeli 2:14

Nwa kwîthîrwa Ngai-Mûnene Ngai wenyu nîakwîricûkwa, na amûve irathimo cia irio nyîngî, mûcoke mûmûrutîre matega ma irio cia mûgûnda na ndivei.

Alawi 2:4

Rîrîa ûkûruta îtega rîa mîgate îrugîtwe na ovena, nwanginya îthîrwe îtarî na ndawa ya kwimbia îtukanîtue na maguta kana tûmîgate tûnini tûvakîtwe maguta.

Alawi 7:12

Ethîrwa mûndû akîruta îtega nîûndû wa gûcokia ngatho, nîakaarutanîria îtega rîu vamwe na geki itarî mbîkîre ndawa ya kwimbia îtukanîtue na maguta, tûmîgate tûceke tûvakîtwe maguta vamwe na geki îrugîtwe na mûtu mûvinyu ûtukanîtue na maguta.

Alawi 8:2

“Oca Aroni na avîcî ake mûthiî nao mûromorî wa îgema rîakwa na ûthiî na nguo cia ûthînjîri-Ngai, maguta ma kwamûrana, ndegwa ya îtega rîa kûtheria wîvia, ndûrûme ciîrî, na gîkavu kîrî na mîgate îtarî mîkîre ndawa ya kwimbia.

Alawi 9:4

ndegwa na ndûrûme cia îtega rîa thayû. Marutîre Ngai-Mûnene indo icio vamwe na matega ma irio cia mûgûnda itukanîtue na maguta nîûndû Ngai-Mûnene nîakûmaumîrîra ûmûnthî.”

Ndari 15:10

vamwe na lita igîrî cia ndivei irî îtega rîa indo cia kûnyuwa. Mûtararûko wa îgongoona rîîrî nî ûngenagia.

Ndari 6:16

Mûthînjîri-Ngai nîakaavira indo icio cionthe kûrî Ngai-Mûnene irî matega ma mevia na matega ma kûvîvua.

1Akor 10:31

Kwoguo ûndû wa wonthe mwîkaga ethîrwa nî kûrîa kana nî kûnyua, îkagani nîguo mûgoocithie Ngai.

1Akor 11:26

Na ûguo nî kuga atî vîndî cionthe rîrîa mûrarîa mûgate ûcio na mûranyua ndivei kuuma gîkomberî kîu, mwîthagîrwa mûkîanîrîra gûkua kwa Mwathani nginya rîrîa agaacoka.