Ndari 5:7 - ÎVUKU RÎA ÛVORO MWARO

⁷ mûndû ûcio nwanginya aumbûre mevia make na acoke arîve mûndû ûrîa avîtîrîtie îrîvi rîonthe, na acoke ongerere icunjî mîrongo îîrî îgûrû rîa îgana, anengere mûndû ûcio avîtîrîtie.

Ndari 5:7 ပူးပေါင်းရင်းမြစ်များ

Thaburi 32:5

Nînaacokire ngiumbûra mevia makwa kûrî we, na ndiathitha mavîtia makwa. Nînatwire nyumbûre mevia makwa kûrî we, na nîwanjovere mevia makwa monthe.

Nthi 28:13

Mûndû ûrîa ûthithaga mevia make ndangîgîa na mûtûûrîre mwaro, nwatî mûndû ûrîa umbûraga na agatiga mevia make nîakeguîrwa ntha nî Ngai.

Alawi 26:40

“Nwatî njiarwa cienyu nî ikaaumbûra mevia mao na mevia ma methe mao ma tene, arîa maareganire nanie na makîrega kûmbathîkîra.

Alawi 26:41

Nînaareganire nao na ngîmavira îthamîriorî vûrûrirî wa nthû ciao. Mûthiiarî ethîrwa njiarwa cienyu nîikenyivia na ciîrire itige kwîvia,

Alawi 5:15

“Mûndû wa wonthe angîvia atakûmenya na njîra ya kûrega kûruta indo nyamûre irîa irutagîrwa Ngai-Mûnene, nî akaarutîra Ngai-Mûnene mwatî ûtarî na wonje kuuma ndîthiarî yake. Naguo wîthîrwe ûrî na thogora ûrîa ûgaatua wa sîlûva kûringana na kîthimi kîrîa gîtîkîrîku Kîam vandû varîa vatheru.

Alawi 5:16

Nwanginya akaarîva kîrîa ataarîvîte na nwanginya ongerere tûcunjî mîrongo îîrî îgûrû rîa îgana. Nîakaavirîra mûthînjîri-Ngai, nake mûthînjîri-Ngai arute nyamû îo îrî îgongoona rîa kûtheria wîvia wa mûndû ûcio, na mûndû ûcio nîakooverwa.

Alawi 5:5

Rîrîa mûndû arî mûvîtiu na njîra ya gwîka ûmwe wa mau, nwanginya akaaumbûra wîvia ûrîa ekîte.

Alawi 7:7

Kûrî na watho ûmwe ûrîa ûnyitîte îtega rîa kûtheria wîvia na îtega rîa kûthiria wîvia. Naguo nî atî, mûthînjîri-Ngai ûrîa ûkûruta îgongoona rîu nîke ûrîcaga nyama icio.

Ndari 5:8

Nwatî ethîrwa mûndû ûcio wavîtîrîtue nî mûkuû na gûtirî mûndû ûngîmûgaa, îrîvi rîake rîkaaviragîrwa Ngai-Mûnene rîrî rîa mûthînjîri-Ngai. Rîkaaviragwa vamwe na ndûrûme ya kûtheria wîvia wa mûndû ûcio wîvîtie.

Luka 19:8

Nake Zakayo nîwaumîrire vau mbere yao onthe na akîîra Mwathani atîrî, “Tathikîrîria Mwathani! Nie nîngûva athîni nuthu ya indo ciakwa. Na angîthîrwa kûrî mûndû nanacuuna kîndû gîake, nîngûmûrîva maita mana ma kîo.”

Josh 7:19

Joshua nîwacokire akîra Akani atîrî, “Mûvîcîwa, aria ûma mbere ya Ngai-Mûnene, Ngai wa Isiraeli na ûmûve riiri. Mbîra ûrîa wîkîte ûtakûnthitha.”