Ndari 5:3 - ÎVUKU RÎA ÛVORO MWARO

³ Îngatani arûme na aka onthe arîa marî na gîko maume kûrîa mûtûûraga nîguo matikagwatie kûndû kûu gîko nîûndû kûu nîkuo ndûûranagia na andû akwa.”

Ndari 5:3 ပူးပေါင်းရင်းမြစ်များ

1Atha 7:3

Nyomba îo yanyitîrîrîtwe nî itugî mîrongo îna na ithano. Yarî na mîvari îthatû, wa mûvari ûrî na itugî îkûmi na ithano. Kûu îgûrû rîa itugî icio kwanyitithanîtue na mîtî mîriku ya mîtarakwe. Îtara rîa nyomba îo rîakunîkîtwe na mbaû cia mîtarakwe.

Thaburi 68:18

Nîaunûkia îgûrû rîa kîrîma arî na mîgwate mîîngî; nîakwamûkîra iveo kuuma kûrî andû arîa maareganire nake, Ngai-Mûnene, Ngai agaatûûra kûu.

Ntha 25:8

Andû nwanginya mandumîre îgema îtheru rîa gwîkaraga nîguo ndûûrage gatagatîrî kao.

Ntha 29:45

Nîngaatûûra gatagatîrî ka andû a Isiraeli na nduîke Ngai wao.

Isaia 12:6

Ugîrîriani na mwine mûkenete, mue arîa mûtûûraga Zayuni! nîûndû Ûrîa Mûtheru wa Isiraeli nî mûnene, na atûûraga gatagatîrî kenyu.”

Alawi 14:8

Mûndû ûcio nîakaathambia nguo ciake cionthe, enje njuîrî ciake cionthe na nîakaathera. Vuva wa ûguo nîagaacoka kûrî andû acio engî, nwatî nîagekara nja ya îgema rîake îvinda rîa mîthenya mûgwanja.

Alawi 15:31

“Ngai-Mûnene nîwerire Musa akaanie andû a Isiraeli gûkuvîvîria îgema rîa Ngai-Mûnene rîrîa rîarî gatagatîrî kao vîndî îrîa matarî atheru, nîûndû meka ûguo nîmagaakua nîûndû wa kûgwatia îgema rîa Ngai-Mûnene gîko.”

Ndari 16:3

Nîmaathiîre kûrî Musa na Aroni na makîmeera atîrî, “Mue rîu nîmwatûra gacere! Andû onthe a Isiraeli nî a Ngai-Mûnene na arî vamwe nao. Musa, nîndûî kîratûma wînenevia gûkîra andû aya onthe a Ngai-Mûnene?”

Ndari 19:22

Kîndû wa kîonthe gîkaavutua nî mûndû atarî mûtheru gîkethagîrwa gîtarî kîtheru, na mûndû wîngî wa wonthe ûkaavutia kîndû kîu akethîrwa atarî mûtheru nginya kîvwaî.

Ndari 35:34

Mûtigatûme vûrûri ûrîa mûtûûraga ûgîe gîko kûrîa wananie ndûûraga, nîûndû Nie Ngai-Mûnene ndûûranagia na andû a Isiraeli.”

Ndari 5:4

Nao andû a Isiraeli nî meengatire andû acio onthe kuuma kûrîa maatûûraga, wata ûrîa Ngai-Mûnene aathîte Musa.

Gûco 23:14

Mavinda monthe rîrîa mûrî magemarî menyu, îthagîrwani mûrî atheru. Nîûndû Ngai-Mûnene Ngai wenyu ethagîrwa arî vamwe namue kûu mwambîte magema akîmûgitîra na akîmûvotithia kûvoota nthû cienyu. Kwoguo mûtigatûme Ngai-Mûnene Ngai wenyu oona ûndû mûcûku gatagatîrî kenyu ûngîtûma amûtiganîria.

Gûco 23:15

“Ngombo îngîtoroka kuuma kûrî mwathi wayo na yûke kûu Isiraeli îkîenda mûmîgitîre, mûtikamîcokie kûrî mwathi wayo.

2Ath 3:6

Ariû na aarî a îthe wetû, tûramwatha na rîîtwa rîa Mwathani wetû Jesû Kristû atî mûtikathiîcanagie na ariû na aarî a îthe wetû arîa igûta na matarûmagîrîra maûndû marîa twamûthomithirie.

Tito 3:10

Mûndû ûrîa ûretaga nyamûkano, mûkanagie riita rîa mbere na rîa kaîrî na ûkînatigana nake.

Kûguû 21:27

Nwatî gûtirî kîndû kîrî mûgiro gîgaatonya îtûûrarî rîu înene. Mûndû wa wonthe wîkaga maûndû macûku na marî nthoni, kana andû arîa maveenanagia matigaatonya kuo. Arîa magaatonya nî arîa marîîtwa mao mandîkîtwe îvukuurî rîa Gatûrûme rîa mwoyo.

Kûguû 21:3

Nînegwire mûgambo mûnene ûkîaria kuuma gîtîrî Kîam ûthamaki ûkiuga atîrî: “Taroria, rîu mûciî wa Ngai ûrî vamwe na andû! Ke nîagaatûûrania nao, nao nîmagaatuîka andû ake. Ngai ke mwene agaatûûranagia nao, arî Ngai wao.