Ndari 5:21 - ÎVUKU RÎA ÛVORO MWARO

²¹ Ngai-Mûnene arotûma ûnyitwe nî kîrumi. Arotûma ciîga ciaku cia ûciari ithire vinya na wimbe îvu.

Ndari 5:21 ပူးပေါင်းရင်းမြစ်များ

2Maû 21:15

Nawe nîûkaagwatwa nî mûrimû mûcûku mûno mararî maku, ûrîa ûkaathiî ûgîgûcûkagîra wa mûthenya wa mûthenya nginya mara maku maume.”

Nehemia 10:29

Nîmaanyitanîre na andû ao a Isiraeli, na atongoria ao mumarî ûcio, ûrîa warî ûgwatie mûndû kîrumi angîuna. Nîmeranîre atî makathîkagîra Watho wa Ngai, ûrîa Ngai aavecanire na njîra ya Musa ndungata yake. Nîmaaugire atî makaathîkagîra na mekage ûrîa maathani monthe ma Ngai-Mûnene, mwathi wetû maugîte wa vamwe na mawatho make.

Nthi 10:7

Andû nîmakenaga makîririkana mûndû ûrîa ûkuîte arî mûthingu, nwatî mûndû ûrîa mûcûku akua nîariganagîra.

Isaia 65:15

Andû akwa arîa nthuurîte magaatûmagîra rîîtwa rîenyu rîrîa makwenda mûnyitwe nî kîrumi. Makaaugaga atî: ‘Nie Mwathani Ngai-Mûnene nîngûmûraga.’ Nwatî nîngaava ndungata ciakwa rîîtwa rîcerû.

Jeremia 29:22

Na nîûndû wa maûndû mau makamanyita, andû onthe arîa maathamîrue Babuloni kuuma Jerusalemu nîmakaagwetaga ciugo ino rîrîa makûrumana: Ngai-Mûnene aromwîka ta ûrîa ekire Zedekia na Ahabu, arîa mûthamaki wa Babulonia avîvirie na mwaki.

Ndari 5:27

Ethîrwa mûndûmûka ûcio nîekîte ciîko cia ûtharia, nîakeegua ûrûrû mwîngî mûno. Nîakaaimba îvu na ciîga ciake cia ûciari ithire vinya, na ethîrwe arî na kîrumi gatagatîrî ka andû ao.

Mathaayo 26:74

Petero nîwambîrîrie kwîvîta akiugaga atîrî, “Nîraria ûma na Ngai amverithie ethîrwa nîraria maveeni atî nie ndiîcî mûndû ûcio!” Na kavinda wa kau ngûkû nîyagambire.

Josh 6:26

Vuva wa ûguo Joshua nîwakaanirie andû na akîmera atîrî, “Mûndû ûrîa ûkaageria gûtuma rîngî îtûûra rîa Jeriko, nûkagwatwa nî kîrumi. Mûndû wa wonthe ûgaatuma mûcingi wa îtûûra rîa Jeriko, mwanake wake wa îrikithathi nî agaakua. Mûndû wa wonthe ûgaatuma mîvîrîga ya gûtonya kuo, nîkaaûrwa nî mwana wake wa kîvinga nda.”

1Sam 14:24

Nao andû a Isiraeli nîmaathirirwe nî vinya mûno mûthenya ûcio, nîûndû Saûlo nîwamevîtithîtie mwîvîtwa na akîmeera atîrî, “Mûndû wa wonthe ûrîa ûkaarîa irio ûmûnthî mbere ya gûtuke nie ndarîkîtie gûtooria nthû ciakwa aronyitwa nî kîrumi.” Kwoguo gûtirî mûndû warîre irio mûthenya ûcio wonthe.