Ndari 5:2 - ÎVUKU RÎA ÛVORO MWARO

² “Atha andû a Isiraeli mengate kuuma kûrîa mwambîte magema andû onthe arîa marî na mîrimû mîcûku ya ngothi, mûndû wa wonthe uraga na mûndû wa wonthe ûrî na gîko nîûndû wa kûvutania na kimba.

Ndari 5:2 ပူးပေါင်းရင်းမြစ်များ

2Atha 7:3

Arûme ana arîa mekaraga kîvingorî marî arwaru mûrimû mûcûku wa ngothi nîmeranire atîrî, “Nîtwîkara ava nginya rîrîa tûgaakua nîkî?

Alawi 13:45

“Mûndû ûrwarîte mûrimû mûcûku wa ngothi agekagîra nguo ino ndembûkangu, ndagaacanûra njuîrî na agekunîkaga mwena wa ngurumo wa ûthiû wake na njara na akanîrîra atî, ‘Ndirî mûtheru, Ndirî mûtheru!’

Alawi 13:46

Mûndû ûcio akethagîrwa atarî mûtheru rîrîa rîonthe akethagîrwa arûarîte mûrimû ûcio, kwoguo agaatûûraga nja ya kûrîa andû acio engî matûûraga.

Alawi 13:8

Mûthînjîri-Ngai nîakaamûroria rîngî, na ethîrwa mûrimû ûrî mûrendu, mûthînjîri-Ngai nîakaauga atî mûndû ûcio tî mûtheru; ûcio nî mûrimû mûcûku wa ngothi.

Alawi 14:8

Mûndû ûcio nîakaathambia nguo ciake cionthe, enje njuîrî ciake cionthe na nîakaathera. Vuva wa ûguo nîagaacoka kûrî andû acio engî, nwatî nîagekara nja ya îgema rîake îvinda rîa mîthenya mûgwanja.

Alawi 21:1

Ngai-Mûnene nîwerire Musa atîrî, “Îra avîcî a Aroni arîa matungataga marî athînjîri-Ngai, atî gûtirî mûndû wanarî ûmwe wa ciao ûkeegwatia gîko na njîra ya kûnyita kimba vîndî îrîa marî na magongoona ma mathiko,

Alawi 23:29

Mûndû wa wonthe ûtakeenyerekia mûthenya ûcio nîakaamûranua na andû a Ngai.

Ndari 12:10

Rîrîa îtu rîaumire vau îgûrû rîa îgema, Miriamu nîwonekire arî na mûrimû mûcûku wa ngothi, na mwîrî wake wonthe ûcerûvîte ta îra. Rîrîa Aroni evûgûrire na akîona Miriamu arî na mûrimû mûcûku wa ngothi,

Ndari 12:14

Nwatî Ngai-Mûnene nîwacokerie Musa atîrî, “Kethîrwa îthe nîwamûtuîrîre mata ûthiû, Miriamu angîagîîre gîconoko îvinda rîa mîthenya mûgwanja. Kwoguo nîengatwe kuuma kûrîa mûtûûraga îvinda rîa kiumia kîmwe, na vuva wa ûguo acokue.”

Ndari 31:19

Muonthe arîa mûragîte mûndû kana mûvutîtie kimba nwanginya mwîkare nja ya kûrîa mwambîte magema îvinda rîa mîthenya mûgwanja. Mûthenya wa kathatû na mûthenya wa mûgwanja, mwîtherie vamwe na aka arîa mûtavîte.

Ndari 5:1

Ngai-Mûnene nîwerire Musa atîrî,